السر الكـبيــر

[ناصر بن هذال ال شري]

مارجيت الا أنت ياجزل العطى=مدتك تغني عن رجال كثير
من درى يدري ومنهو مادرى =يخبره وقته عن السـر الكبير
لاسقاك الله ياوقت مضى =أشهد أني فيك كبرت الصغير
ليتني مارحت أدور بالثرى =عن نجوم الليل والبدر المنير
المعزه قدم والذله ورى=عاقد النيه وباحث المسير
مثل شيهان على القمه رقى=صف جنحانه وزان اله المطير
باتجه للبر واطراف القرى=التحف بالليل وفراشي حصير
وباذن رب الكون علام الخفى=دام راسي حي تلقاني بخير

وسلامتكــــــم

[المرزم]

صح السانك

[ناصر بن هذال ال شري]

ارحب
وشكرا لمروكــ

[أبو معتز]

ارحب ثم ارحب يا ولد مسرد
صح السانك وبيض الله وجهك على هذه الرائعة

المعـزه قـدم والـذلـه ورى
عاقد النيـه وباحـث المسيـر

كفو كفو .. تقبل مروري

[سعيد الجهيمي]

الله الله يا ابن مسرد

صح الله لسانك واعتلاء شانك يا كحيلان


لاسقـاك الله ياوقـت مضـى === أشهد أني فيك كبرت الصغير

كل طقه بتعليمه وبصراحه تجولت في خاطري يا ابن شري

,,,,,,,,,,,,,,,,,,,,


المعـزه قـدم والـذلـه ورى === عاقد النيـه وباحـث المسيـر

جعلنا واياكم في مقدم الركب .

,,,,,,,,,,,,,,,,,,,,,,,,,,,


وباذن رب الكون علام الخفى === دام راسي حي تلقانـي بخيـر

جعل عمرك مديد يا ناصر وفي خير وعفى


والله لا يهينك على هالقصيدهـ

وسجلني من متابعين جديدكـ وفي انتظاره اول بأول


اخوكـ البشري