المساعد الشخصي الرقمي

مشاهدة النسخة كاملة : قصيده في شيخ شمل قبيلة بني هاجر


ناصر بن محمد
04-03-2009, 07:42 AM
السلام عليكم ورحمة الله وبركاته

اقدم لكم قصيده في الشيخ ناصر بن حمود بن شافي ال شافي شيخ شمل قبيلة بني هاجر طال الله في عمره


لا يـا هجوسـي كملـن المعاذيـر=من عام الاول في الحنايـا تحومـي
قدلتس ثلاث سنين ورد ومصاديـر=بين الضلوع العوج وانتي قحومـي
نخيتك البارح وانا البارحـه غيـر=مـا هزنـي قـاف ولازاد لومـي
وانا ليا كثرت هـروج الشواعيـر=احـط راسـي واتريـح وانومـي
في حضرتي جلب القصايد معاشيـر=والطرق طرقي والوسـوم وسوّمـي
للطيـب طيـب وللمعـزه مناعيـر=وحمائيض الرجال عجـل العلومـي
لبيـه مامالـت غصـونٍ محاديـر=وما غنت الورقا بروس الحزومـي
وسلامتك من كـل شـر وعواثيـر=ياشيخنا اللـي للمراجـل ترومـي
شيخ الشمل شيخ السلف والمظاهير=يا راس شيخان الهواجـر عمومـي
يا ناصر بن حمود للقـول تبريـر=ومدحي لمثلـك يعتلـي للنجومـي
ذورت سنام المجد من عادك صغير=ما بين خال وبيـن عـمٍ جزومـي
وشيختك ما هي ختـم ولا دنانيـر=ولا هي عطيه من نظام محكومـي
متسلسلٍ من راس اميرٍ على اميـر=شيخ الشيوخ اللي عليـه العلومـي
قمه طويق اللـي يهـز الطوابيـر=لامن غدت بين الحـاء والخشومـي
حمود بن شافي زبـون المخاسيـر=نجمٍ لمع بيـن السمـاء والغيومـي
عودٍ حليف المجد والجـاه والخيـر=فعله ملحقنـا العشـاء والشحومـي
يا بنت قومي وارفعي الصوت تكرير=-عن غير ناصر ماش عوفي وشومي
ستـر البنـي المترفـات الغناديـر=الفاتنـات مرودعـات الوشـومـي
حرام ما انجبه النساء صبح وعصير=ومرفوق ما مثله عزيـز محشومـي
لا ما اطغته دنيا كبـار المشاهيـر=ولا غرته دنيا التـرف والرخومـي
له مجلـسٍ فيـه الـدلال المباهيـر=وحيلٍ تخالف فيـه كـومٍ وكومـي
هداج تيماء في الليالـي المعاسيـر=ريف الضعيف اليا لفـاه مهمومـي
مدات جوده كبر(ابانـات) والنيـر=تحيي فقير مـن الحيـاه معدومـي
وان كبرت القاله وكثرت الاشاويـر=يفـك راسٍ بالقصـاص محكومـي
عندي علي قولـي شهـود تقاريـر=والديـم الله والبشـر مـا تدومـي
وللمدح في مثلـك تزيـن التعابيـر=خالي وتاجي وانبساطـي ونومـي

الشاعر مبارك بن ناصر ال شافي

فهد العلياني
05-03-2009, 01:25 AM
.



/

..:: ارحب ياناصر ::.

صح لسانك ولسان الشاعر مبارك

قصيده رائعـه

ويستاهلها الشيخ ناصر بن حمود شيخ بني هاجر


والله والنعم فيكم ياعوال العم

تحيـاتي لك


:::::::::::::::::::::::::::::

ابراهيم آل بي حبيب الرفيدي
05-03-2009, 02:36 PM
ارحب يا ابو محمد

الله يحييك ويحيي ماجيت به


وصح اللله لسانك ولسان

مبارك ابن ناصر

ويستاهلها الشيخ ناصر بن حمود


تقبل مروري

@ابوريان@
05-03-2009, 02:52 PM
ارحب ياناصر

صح لسانك ولسان الشاعر مبارك

قصيده رائعـه

ويستاهلها الشيخ ناصر بن حمود شيخ بني هاجر

نشمي القحطاني
05-03-2009, 10:01 PM
والنعم فيك وفي الشيخ ابن شافي

وافيين ياوجييه جنب