من يرد الصوت

[ناصر سعد القريني]

ياسلامي سلامً فيه عنبر وطيب
في مجالس عيال العود وحلالها


ودي بشاعرً ياخذ علوم ويجيب
يحبك القاف والدنيا على حالها

[ناصر سعد القريني]

يالربع من يرد الصوت



؟؟؟؟

[بن القيم]

سلامي على اللي يبي للمرضى طبيب

يصحح للصحيح ويكب هزالها


المعاني لبوس (ن) و لا ابغى الا قشيب

سقت نقد (ن) للعقول اللي باثمالها

[ناصر سعد القريني]

يابن الاجواد دام انك تكت الشعيب
خل عنك الكحيله منت خيالها

كان مجلس عيال العود مافيه ذيب
وين راحت بحور الارض وجبالها


وافي تحياتي

[عبدالرحمن المقباس]

مرحبا مرحبابك يالاديب اللبيب000 000 والمعاني تجي وتروح باحمالها
والشعيب المحدر في الليالي يغيب 00000مير خل السوالف في حمى جالهااا

[ناصر سعد القريني]

البقاء يالمرحب وانت اشوفك اديب
مير ليلى تعود عند رجالها


اطلع اطلع على راس الجبل يالحبيب
السوالف كثيره واختر جزالها

[عبدالرحمن المقباس]

لو ربي يمدك مثل عبده شعيب000 0000بالعمر ماتشوف العين عذالهاا
يالقريني عساك تشيب قبل المشيب 000انت واحد وغيرك ناس في فالهااا

[ناصر سعد القريني]

الحمل ياطويل العمر حملً صعيب
الحمول الثقيله قدها جمالها


ابن مقباس يرمي مير عيا يصيب
شوف حالك وخل الناس في حالها

[عبدالرحمن المقباس]

يالقريني ترفق لاتعوود صويب 000 شفت عيب الذلول بوقت زرفالها
الله انه يعين الرجل لاجا نجيب 0000 كلما شاف عله يجحد سلالهااا

[ناصر سعد القريني]

مساء الخير ابن مقباس

المشكله وقتنا غير مناسب

والمحاوره اذا ماكان مباشره ماش علم

لذلك الحل عندك





القريني على الوضح النقا مايخيب
شجرته طال عمرك ضلك ضلالها


يابن مقباس مال العله الا الطبيب
والنجوم المطله تعرف اهلالها

[عبدالرحمن المقباس]

يالقريني بغيت اسير سير النجيب 000 والمعاني نحللها ونحتالها
والسوالف تبي رجل ن عليها رحيب 000 لكن الوقت قدامك ولك مالهااا
وصح لسانك يالغالي

[ناصر سعد القريني]

صح بدنك


ولو ان هذي المحاوره ماهيب اللي فالخاطر

لاكن انت وافي ولاقصرت والجيات اكثر

طال عمرك

وافي تحياتي