أبو معتز
15-02-2009, 10:54 PM
السلام عليكم ورحمة الله وبركاته ...
أخواني انقل لكم مجموعه من روائع الشاعر مساعد الرشيدي الذي بزغ منتصف الثامنينات .... وحتى الان وهو يتربع على عرش الشعر ... سيف الشعر وربيعه مساعد الرشيدي ... الشاعريه المتدفقه والعطاء الشعري الباذخ ... الذي لا يحد والقامه الباسقه في عالم الشعر ...
مساعد ساحة شعريه بأسرها .....ودولة شعر مستقلة تقرأة كمتلقي ... فتشعر بأن الشعر الجميل لم يندثر ... وتقرأة كشاعر لتسقط أمام ناظريك كثير من الاقنعه الشعريه المزيفه ..
مساعد وهذه القناديل الشعريه اللتي يكحل بها الذائقه الشعريه وينير بها دروب الشعر ..
ليالي العمر
الليله ليله من ليالي العمر = وأحلى ليالي العمر بالمره
قالت غيابك وانتظارك جمر = وأبطت تعاتبني وتتشره
قلت أبشري والرمش يامرمر = يالول وجداني ويا دره
واللي جمعنا يا انتظار العمر = ما اعود هالفرقا ولا مره
موت النخيل
لا للندم .. لا للعتب .. او شي من هذا القبيل = وانتي ما جا منك خطا حتى تقولي أسفه
قولي لهم يا عزوتي ما عابنا موت النخيل = اللي يوافيها الاجل وتموت لاكن واقفه
أخر عباراتي وداع واخر مشاويري رحيل = جيتك وكبدي ناشفه واقفيت وكبدي ناشفه
الكلمتين اللي على بالي
على كثر الكلام وكثر ما قبل الكلام جروح = سكت وما لقيت الكلمتين اللي على بالي
أخاف ان قلتها وان قلتها ما قلتها بوضوح = توسدني ملامات الرفيق وشرهة الغالي
عزة النفس
ينجرح قلب لكن ترتفع هامه = والله اني لا موت ولا انحنى راسي
لو رماني زماني وسط دوامه = العواصف شديده والجبل راسي
زانت ايام عمري شانت ايامه = ما رجيت العزا من رحمة الناسي
أوراق بالذاكره
كلك تعالي غلا والا ارجعي كلك = بعض الغلا منك ما يستاهل الجيه
طالت وانا في رجا ليتك ويا علك = أوراق بالذاكره واوراق منسيه
ان كان شمسك تساومني على ظلك = ما عاد ابي منك لا شمسٍ ولا فيه
يا طير
حزين من الشتا والا حزين من الظما يا طير = دخيل الريشتين اللي تضفك حل عن عيني
دخيل الما وملح الما وحزن الما قبل ما تطير = تهيا للهبوب اللي تصافق في شراييني
وجهي طليق
ايه والله اعلنها وانا وجهي طليق = والبال غصنٍ كل قمري ناح به
انا من اللي ما يخونون الصديق = يوم إن ولد اللاش خان بصاحبه
الكحل والعطر والروج
أنا دخيل الكحل والعطر والروج = والضحكه اللي قادت العشب للما
لا يزعل اللولو يموت أزرق الموج = والحلم يفرق والمجاديف تظما
حمرة الشمس
هذا أنت والا حمرة الشمس واليم = ريح المطر والا نسايم حنينك
يومك ضحكت وبش بأوجانك الدم = قبل الغياب وكلهم حاسدينك
كن النهار اللي رسم للشفق فم = ضحكة ثغرك اللي سماها جبينك سيف العشق
أعن لك لو تصب الموت .. واتهيلك = وأجوع لك واتمنى خنجرك واشتهيك
ما قلت لك عمر سيف العشق ما يقتلك = ما تشوفني حي قدامك وانا اموت فيك
رماد الشوق
حسيت شيٍ لفني مثل الاعصار = واستيقظت نشوة غلاك بفؤادي
أخذت لي سجة وانا شبه منهار = بين الخيال وبين علمٍ وكادي
من رد للجنة عقب صالي النار = حتى السموم يصير عنده برادي
لا عاد تنشد
لا عاد تنشد ما بقى عندي علوم = كل العلوم المبطيات تخبرها
ما جيتك أشكي ميلة الوقت مزحوم = نفسي ليا ضاق المدى ما خسرها
مع تحياتي لأخواني الاعزاء في المنتدى العزيز أرجوا أن تنال استحسانكم ..
...
أخواني انقل لكم مجموعه من روائع الشاعر مساعد الرشيدي الذي بزغ منتصف الثامنينات .... وحتى الان وهو يتربع على عرش الشعر ... سيف الشعر وربيعه مساعد الرشيدي ... الشاعريه المتدفقه والعطاء الشعري الباذخ ... الذي لا يحد والقامه الباسقه في عالم الشعر ...
مساعد ساحة شعريه بأسرها .....ودولة شعر مستقلة تقرأة كمتلقي ... فتشعر بأن الشعر الجميل لم يندثر ... وتقرأة كشاعر لتسقط أمام ناظريك كثير من الاقنعه الشعريه المزيفه ..
مساعد وهذه القناديل الشعريه اللتي يكحل بها الذائقه الشعريه وينير بها دروب الشعر ..
ليالي العمر
الليله ليله من ليالي العمر = وأحلى ليالي العمر بالمره
قالت غيابك وانتظارك جمر = وأبطت تعاتبني وتتشره
قلت أبشري والرمش يامرمر = يالول وجداني ويا دره
واللي جمعنا يا انتظار العمر = ما اعود هالفرقا ولا مره
موت النخيل
لا للندم .. لا للعتب .. او شي من هذا القبيل = وانتي ما جا منك خطا حتى تقولي أسفه
قولي لهم يا عزوتي ما عابنا موت النخيل = اللي يوافيها الاجل وتموت لاكن واقفه
أخر عباراتي وداع واخر مشاويري رحيل = جيتك وكبدي ناشفه واقفيت وكبدي ناشفه
الكلمتين اللي على بالي
على كثر الكلام وكثر ما قبل الكلام جروح = سكت وما لقيت الكلمتين اللي على بالي
أخاف ان قلتها وان قلتها ما قلتها بوضوح = توسدني ملامات الرفيق وشرهة الغالي
عزة النفس
ينجرح قلب لكن ترتفع هامه = والله اني لا موت ولا انحنى راسي
لو رماني زماني وسط دوامه = العواصف شديده والجبل راسي
زانت ايام عمري شانت ايامه = ما رجيت العزا من رحمة الناسي
أوراق بالذاكره
كلك تعالي غلا والا ارجعي كلك = بعض الغلا منك ما يستاهل الجيه
طالت وانا في رجا ليتك ويا علك = أوراق بالذاكره واوراق منسيه
ان كان شمسك تساومني على ظلك = ما عاد ابي منك لا شمسٍ ولا فيه
يا طير
حزين من الشتا والا حزين من الظما يا طير = دخيل الريشتين اللي تضفك حل عن عيني
دخيل الما وملح الما وحزن الما قبل ما تطير = تهيا للهبوب اللي تصافق في شراييني
وجهي طليق
ايه والله اعلنها وانا وجهي طليق = والبال غصنٍ كل قمري ناح به
انا من اللي ما يخونون الصديق = يوم إن ولد اللاش خان بصاحبه
الكحل والعطر والروج
أنا دخيل الكحل والعطر والروج = والضحكه اللي قادت العشب للما
لا يزعل اللولو يموت أزرق الموج = والحلم يفرق والمجاديف تظما
حمرة الشمس
هذا أنت والا حمرة الشمس واليم = ريح المطر والا نسايم حنينك
يومك ضحكت وبش بأوجانك الدم = قبل الغياب وكلهم حاسدينك
كن النهار اللي رسم للشفق فم = ضحكة ثغرك اللي سماها جبينك سيف العشق
أعن لك لو تصب الموت .. واتهيلك = وأجوع لك واتمنى خنجرك واشتهيك
ما قلت لك عمر سيف العشق ما يقتلك = ما تشوفني حي قدامك وانا اموت فيك
رماد الشوق
حسيت شيٍ لفني مثل الاعصار = واستيقظت نشوة غلاك بفؤادي
أخذت لي سجة وانا شبه منهار = بين الخيال وبين علمٍ وكادي
من رد للجنة عقب صالي النار = حتى السموم يصير عنده برادي
لا عاد تنشد
لا عاد تنشد ما بقى عندي علوم = كل العلوم المبطيات تخبرها
ما جيتك أشكي ميلة الوقت مزحوم = نفسي ليا ضاق المدى ما خسرها
مع تحياتي لأخواني الاعزاء في المنتدى العزيز أرجوا أن تنال استحسانكم ..
...