المساعد الشخصي الرقمي

مشاهدة النسخة كاملة : (ياشوق) ---- اول مصافحه


ماجد ابن عفيصان
08-02-2009, 08:49 PM
السلام عليكم ورحمة الله وبركاته


ابدا معكم مصافحتي الشعريه الاولى .. وانشالله انها مهيب الاخيرهـ وعسى انشالله انها ترقى لذوقكم واستحسانكم






ياشوق انا الي مبتعد عن خطاويك = ومابي قصور العشق منك هديه

قم وابتعد عني وخذها بلاويك= قدني عرفتك زين وكانت خطيه

خطية ٍ قشرى عسى الله يجازيك = علمتني فيها بمعنى الاذيه

هم..وسهر..واحزان .. هذي مواريك = وياعزتي للي يعدك خويه

علّة زمان ٍ انت .. ومحد ٍ يدانيك = اشقيت خلق الله من الجاهليه

خليتهم (شفتات) جدول مأسيك = ورتبت ونتهم على الابجديه

ناس ٍ تون الليل الى صيحه الديك = وناس ٍ تون الصبح الي المغربيه

ظاهرك يفتن .. والبلا في مخافيك = ظنوك منطق .. وانت لا منطقيه

تبدي لهم حسناك وتخفي مساويك = وفي عيونهم زينت حتى الغبيه

وتحلي الشقرى بلبس البواريك = ويشوفها الجاهل.. ويصرخ قوووويه

ويضيع معها في سماك واراضيك = ويشوفها كالبدر ..واحلى شويه

مالوم انا ابن الناس ..انت البلا فيك = هو كان عاقل وابتليته بليه

ياشوق مدري حب.. ياكثر اساميك= ابعد ترا لفرقاك في النفس نيه

نويت انا فرقاك ماعاد ادانيك = لاعاده الله يوم كنا سويه


[ وسلامتكم ]

عبدالهادي ابن مشتح
09-02-2009, 12:00 AM
الســلام عليكـم ورحمـة الله وبركاتـه

مســاء الخيـر / النـووووور ..

صــَح الله لسانكـَ .. وأعتـَـلا شانكـَ ..
صــَح الله لسانكـَ .. وأعتـَـلا شانكـَ ..
صــَح الله لسانكـَ .. وأعتـَـلا شانكـَ ..
صــَح الله لسانكـَ .. وأعتـَـلا شانكـَ ..
صــَح الله لسانكـَ .. وأعتـَـلا شانكـَ ..

آآآبــَـداع .. ومـَـن شاعـَـر لـَـه مستقبـَـل أن شـَـاء الله ..

.:. كـُْ ـُْـل الـُْ ـُْـود .:.

عبدالهادي ابن مشتح
09-02-2009, 12:11 AM
السـلام عليكم ورحمـة الله وبركاتـه

ماجـَـد عـن أذنكـَ ..




ياشوق انا الي مبتعد عن خطاويـك=ومابي قصور العشـق منـك هديـه

قم وابتعـد عنـي وخذهـا بلاويـك=قدني عرفتك زيـن وكانـت خطيـه

خطية ٍ قشرى عسـى الله يجازيـك=علمتنـي فيهـا بمعنـى الاذيــه

هم..وسهر..واحزان .. هذي مواريك=وياعزتـي للـي يـعـدك خـويـه

علّة زمان ٍ انت .. ومحـد ٍ يدانيـك=اشقيـت خلـق الله مـن الجاهليـه

خليتهم (شفتـات) جـدول مأسيـك=ورتبـت ونتهـم علـى الابجـديـه

ناس ٍ تون الليل الى صيحه الديـك=وناس ٍ تون الصبح الـي المغربيـه

ظاهرك يفتن .. والبلا في مخافيـك=ظنوك منطق .. وانـت لا منطقيـه

تبدي لهم حسناك وتخفي مساويـك=وفي عيونهم زينـت حتـى الغبيـه

وتحلي الشقـرى بلبـس البواريـك=ويشوفها الجاهل.. ويصرخ قوووويه

ويضيع معها في سمـاك واراضيـك=ويشوفها كالبدر ..واحلـى شويـه

مالوم انا ابن الناس ..انت البلا فيك=هـو كـان عاقـل وابتليتـه بليـه

ياشوق مدري حب.. ياكثر اساميـك=ابعد ترا لفرقاك فـي النفـس نيـه

نويت انـا فرقـاك ماعـاد ادانيـك=لاعـاده الله يـوم كـنـا سـويـه

.:. كـُْ ـُْـل الـُْ ـُْـود مجـُْ ـُْـدداً .:.

ماجد ابن عفيصان
09-02-2009, 12:43 AM
بيض الله وجهك ياعبد الهادي ... وصح بدنك وطاب فالك

وعلى كثر فرحتي بردك .. على كثر استغرابي من سبب نقل قصيدتي لقسم المحاولات الشعريه ؟؟

وبامر من نقلت القصيده ؟؟

انا شاعر اكتب الشعر من قبل لا جيك.. ماجيت اتعلم هنيا الله يحفظك يامن نقلت القصيده!!


ارجو اعاده القصيده لقسمها الصحيح او حذفها.

انت الظاهر شفتني كتبت مصافحتي الاولى وتحسبها اول كتاباتي .. مادريت اني اقصد انها اول مشاركه شعريه لي في المنتدى الله يصلحك لنفسك ..


شاكر تقديرك واهتمامك بشعرا المنتدى

عبدالهادي ابن مشتح
09-02-2009, 10:14 PM
الســلام عليكـم ورحمـة الله وبركاتـه

مســاء الخيـر / النــوووووووور ..

ماجـد .. أحســن الظـن جعــل أبوكـ في الجنـة ..

يا شـاعـر ..

أنـا ما نقلـت قصيدتكـ ولا أعترضتهـا الا بالرد اللي يجملنـي منكـ ولا ذكرتك الا بالطيـب يا كحيـلاااااان وليس لي معرفه بكـ من أول ولكن يحصـل لي الشرف طـال عمركـ ..
وأقصـد بردي الثانـي عـن أذنكـ يعنـي عدلـت طريقـة العرض على أحـد الطرق المفضلـه اللي أعجبتنـي ..

يا شـاعـر ..

كلـم الأدااارهـ جعلكـ تحيـا وتدوووم بخصوص نقـل مشاركتكـ الى هنـا لأن ليـس بهـا علم يا طوووويــل العمـر .. وبالنسبـه لشاعريتكـ ما تحتـاج أن أحد يقيمهـا هنـا أو يعلـق عليهـا الا أهـل الوق والشعراء اللي معنـا هنـا ..

يـا شـاعـر ..

أنــــا ما نقلت قصيدتكـ ولا عنــدي الصــلاحيـه لأنـي مجـرد عضـو والمشرف والمراقـب اللي لهـم الصـلاحيـه في ذلكـ فقط ..


مــرةً أخـرى أقـووووول لكـ :

صـَـح بدنكـَ ,’ وأعتــــلا شانكـَ ,’ على فمـَـكـَ الشحـَـمـَ ..

.:. فائـَـق الأحتـَـرام .:.

ماجد ابن عفيصان
09-02-2009, 11:18 PM
ياجعلني فداك يا عبد الهادي

الشك فيك زايل يالبا روحك

ويشهد الله اني ماشككت فيك وخابر ان مالك يد بيض الله وجهك اول وتالي .. وقلت انا لك اني فرحت بردك وفرحت بمداخلتك

وانا يوم اقول يالي نقلت القصيده اعني الي نقلها فعلاً ماقصدتك انت ياجعلني فداك يا الذيب وخابر ٍ مافيك شك

وبخصوص الاداره حاولت اكلمهم مير انه عيا يرسل يقول مشاركاتك اقل من خمسين

ولذلك طلبت في الرد حذف المشاركه

لاني مانزلت الشعر الا اتجمل مع ربعي ونومسهم وينومسوني .. ماجيت انافس واتحدا يم انهم يرسلونها للمحاولات


وغير هذا بيض الله وجهك اول وتالي ولا تحسب اني فيك ظنيت الا كل خير يالذيب

محمد بن جربوع
10-02-2009, 01:58 AM
صح لسانك والله تبي الصراحه
فيك لمسات شعريه من الزير سالم
ههههههههههههههههههههههه




وتقبل مرررروررررري

خالد الجروي
10-02-2009, 03:20 AM
صح لسانك يالذيب

تقبل تحياتي

اخوك

عاشق الوطن
10-02-2009, 05:57 AM
الاخ ماجد
الاخ عبدالهادي

السلام عليكم ورحمة الله وبركاته

تم الاطلاع..واحب ان اضيف ان..

التنسيق والنقل يتم عاده عن طريق مشرف المجلس

بعد ان يتم تقييم وزن القصيده

للاحاطه

ماجد ابن عفيصان
10-02-2009, 07:39 PM
صح بدنك يابن جربوع ... وبيض الله وجهك على هالمرور

ولو اني يخوك مدري وش جابني لأبو ليلى المهلهل ههههههههههههاي



-----------------------------

هلابك يابو ناصر
هلابك ياكحيلان وصح بدنك ... لاهنت شرفني مرورك



--------------------------


اخوي الفاضي عاشق

شاكر مرورك واهتمامك ولكن مراقب المجلس مع كامل احترامي له اذا شاف خلل في الوزن ..كلامه مردود ٍ عليه
والشعرا في الموقع موجودين والي يرا ان فيها ولو خلل بسيط في الوزن يجي يوريني

انا ماكتبت الشعر قبل امس عشان يجيني يقولي قصيدتك مكسوره ولا مختل وزنه الله يحفظه

ووزن القصيده مسحوب (ان كان يجهله)


وفي حال هو ماله نيه يرد علي .. وفي ظل الظروف الي تمنعني من ارسال رساله له (مشاركات اقل من 50)
فانا ما اجد هذا القرار الا تعسفي وتقليل من امر شااعر ... ولولا اني عند عيال عم ولولا اني جيت افيد ما جيت استفيد
ولا كان عرفت ارد على من نزل القصيده ... بس دام هذي حشيمته لي انا ماحشمت الا الرجال الي ردو بيض الله وجيههم



يعطيكم العافيه جميع

بن القيم
11-02-2009, 02:50 AM
يا مااااااااااااجد الله يحفظك أنت توك قالط والله يحييك

القصيدة موزونة .... ولكن والله ثم والله ثم والله إنها تمغث الكبد

ساااااااااااااااااااااااااااااااااااااااااامجة تجيب المرض

وبعدين لا تقول إني شاعر الناس ( المتذوقين للشعر طبعا ) هي اللي تحدد إذا كنت شاعر ولالا

إسمح لي إسمح لي إسمح لي

والله لا تصاوير ولا معاني ثقيلة ... كل أبو القصيدة سواااااليف و طقطقة .. وترى الربع يجاملون وأنا ما أجامل

ويا شاعر ترى الطقطقة ما تمشي عند الشعار... جب بيت يملى مكانه ويملى النفوس ما هو بس يعبي خانه... وإلا خلها

بين أبوها وعمانها ( مستور العصيمي على غفلة )

كل القصيدة كلام موزون ومقفى

ويا خوك لا تجي في خاطرك وأنا أخوك ... ووسع بطانك عشاني اللحين أبعطيك ساااااااالفة... وترى اللي جاك من

كلامي من واقع محبة وشفقة عليك... لإن المبدع نقول له كفو واللي جاب له شي ولا أبدع فيه,

نقول لا بالله لا ماهي زينه والدعوة بيننا بين وكلنا عيال عم وسمنا في عطنا...والقصد واضح

في يوم من أيام الطفولة الجميلة وأنا في الصف الرابع الإبتدائي غرتني نفسي أن أكتب قصيدة... وبعد كتابتها

وريتها أبوي وأنا واثق إن ما فيها إلا العافية.... فما وعيت إلا وأبوي يحذفني بالحيود :) :mad::D

(حليله حطمه الشايب)...:sad:

وأنا أحمد الله إنه حذفني..... عشان لا أطمر في الشمع ( هذا مثل سااااائر)

وقال لي طلاق من أسلك وأملك إنك لا عاد تكتب قصيدة إن أهب إذني وإذنيك أربع.. طبعاااا أنا ما فهمت قصده

بالإذنين ولكني حسيت إنها شي كبير...

طبعا تكسرت مجاديفي فسرت أقطعها سباحة (حلوة) خخخخخخخخ:D

مررررررررررررت فترة ليست بالهينة.. فراودتني نفسي على الكتابة ولم أعبه بذلك التهديد

فكتبت قصيدة ( في نظري آآآآآآن ذاك) أنها عصمااء... كنت أمتدح فيها قريبا لي أترقب زيارته منذ شهر

وكان شاعراااااااااا :075: ( القصيدة ما هي لله.................أبغاه يقيمها :D )

فلما قرأها أظهر لي إبتسامة صفراء بشق مائل ترقع إستسماجه للقصيدة .. وأنا أقرأ في عيونه ( ليتك أمسيت )

فصفطت الورقه في جيبي وقد إلتبسني شك بعدم إستحسانه فأخذتها براسي وعزفت عن الكتابة

ثم جائت فترة وأنا في المرحلة الجامعية... تأكلني نفسي إلا بكتابة قصيدة وما ذاك إلا بسب الظغوط الدراسية

وبعد كتابتها عرضتها على رفاقي وأعطوني إبتسامة عريضة جداااا ... كعرض السماجة التي تمثلت في القصيدة

طبعا لم أقطع الأمل بالله بأني سأكون شاااعرا ( ردد ردد ياااااا ليل ما أطولك:D

الشاهد أني عرضتها على ذلك الشاعر.. (وهو أحد شعراء الموقع..... بدون ذكر أسماء )

فإذا به يطيح فيني طول وعرض وقال لي : يا بني تراك فقعت تسبدي بالقصايد اللي مدري وش تبي..أنفداك يا ولدي

ما عاد تكتب..

. فقلت له بلغة واثقة: كيف يكون ذلك طال عمرك وضح الله يجعل شيبانك في الجنة.

فإذا هو يظهرر عيوب عيوب عيوب خلوها على ربكم بس... كادت أن تزهق نفسي من النقد


وكانت ردة الفعل هذي هي ذاتها نفس ردة فعل أحد أصدقائي المخلصين ( والمخلصون بالنسبة لي هم اللي يزبدون

ويعطوني ما في صدورهم حتى ولو كان حاد )::: فقال لي : من حقي عليك إنك ما عاد تكتب

فأخذتها برأسي هذه المرة.. فلم أكتب

وبعد فترة زمنية ليست قصيرة... وفي إحدى المناسبات الرسمية في الجامعة

طمرت على المكرفون.... وأنطل على الحضور قصيدة ( أيضا عصماااء في نظري آآآآآن ذاك ...طبعا)

فإذا بالجمهور وأصدقائي خصوصا.. بعد الحفلة قاموا علي بخيلهم ورجلهم.. من إنتقادات حااادة ( وأنا في الحقيقة لا أهتم بطريقة النقد بقدر ما أهتم في المضمون)

اللي يقول مكسرة واللي يقول سامجة واللي يحذفني يقول فشلتنا واللي يقول آخر مابيني وبينك

الشاهد أني تركت النظم واتجهت إلى المحاورة<<<<<<<<<<<<( قوي وجه ......:D )

في شبكتنا العزيزة... وها أنا أحاول والشعار يصوبوني والله اللي عليه المستعان

.................................................. .................................................. .................................................

وبعد ذلك فأنا لا أقارن نفسي بك فأنت الكفو والأطلق .... يمكني بطيء في التعلم

وهذي سالفه سمعتها... وهي تتحدث عن بداية الشاعر سعد بن جدلان

الحقيقة أن بن جدلان شاعر لا يشق له غبار ولكنه في ما أرى متواضع جداااا فهو ليس متكبر

يقال أنه في بداياته كان يلقي قصائده ونظمه على جماعته والمقربين منه ... وكانت نظرته لنفسه أن قصائده سامجه ولا تستحق النشر.. فألح عليه أحد المقربين منه بالتسجيل.. فسجل له فذاع صيته وشهد له الخليج أجمع بشاعريته... فهو لم يذهب إلا المجالس والمحافل وقال أنا شاعر... بل الناس قالت له ذلك.. وأصبحت قصائده وشوارده أمثالا سائره .. تسترعي إنتباهك من فوق خشمك

أسمحوا لي على الإطاله والجراءة في الطرح

لأني مليت من مجاملات ربوعنا.. وضحك الوجيه الصناعي

شاكر ومقدر

ماجد ابن عفيصان
11-02-2009, 06:33 AM
هههههههههه

اولاً الله يوسع صدرك بالعافيه على هالسالفه

ثانياً رايك على عيني وراسي يابن القيم .. يوم القصيده ماعجبتك .. على قولك كلام موزون وبس

وهذا راي احترمه ولولا اختلاف الاذواق لقعد الشعراء ي بيوتهم هههههههههههاي

وعلى قولتك عيال عم ولا بينها هالامور وهذا الي زعلني .. ليه القصيده ماتركت في مكانها الصحيح طالما هي على اقل تقدير ملتزمه بالوزن والقافيه والفكره .. حتى ولو انك ماشفت فيها فكره او مافهمت الفكره

مع ملاحظه / القصيده فيها سجع وتراكيب لفظيه في اكثر من ثلاث مواضع وفكرتها شكوى الحال عاشق
لكن كل واحد يقرا القصيده من مفهومه ولا نيب اعقب على كلامك ابدا ابدا واحترم رايك شكلا وتفصيلاً يابن القيم ياكحيلان

لكن المعروف انه مايجتمع راي العالم على شااعر ابداً كل شاعر وله ناس


وبخصوص اني منصب نفسي شااعر على قولك هههههههههههاي ترا ماقلتها الا في الترحيب لان الي دالني على الموقع (جزاه الله خير) يكتب معي في موقع ثاني وهو شاعر فحل وخابرني شاعر
والتوقيع يخوك جايني هديه ولا انا مانيب اعرف للتصاميم وهالسوالف جعلني فداك ههههههههههههاي

وزعلتي في هالموضوع على تنزيل القصيده ... هي مثل كلامك بالضبط القصيده لا مختله وزن ولا قافيه .. من ابسط حقوقها انها تعرض في مكانها الصحيح .... يجيها نقد مثل مانقدت انت بيض الله وجهك ... ويجيها مدح مثل الي سبقووك بيض الله وجيههم ولاخيب الله فالهم


واسف على الاطاله . وحياك الله بكل وقت والله يوسع صدرك بالعافيه مره ثانيه ههههههههههههاي

خادم والديه العبدي
11-02-2009, 10:40 AM
لا هنت يا ماجد وصح لسانك وعلى الثانيه عانك

تحياتي000000اخوك

بن القيم
11-02-2009, 01:26 PM
هههههههههه

اولاً الله يوسع صدرك بالعافيه على هالسالفه

ثانياً رايك على عيني وراسي يابن القيم .. يوم القصيده ماعجبتك .. على قولك كلام موزون وبس

وهذا راي احترمه ولولا اختلاف الاذواق لقعد الشعراء ي بيوتهم هههههههههههاي

وعلى قولتك عيال عم ولا بينها هالامور وهذا الي زعلني .. ليه القصيده ماتركت في مكانها الصحيح طالما هي على اقل تقدير ملتزمه بالوزن والقافيه والفكره .. حتى ولو انك ماشفت فيها فكره او مافهمت الفكره

مع ملاحظه / القصيده فيها سجع وتراكيب لفظيه في اكثر من ثلاث مواضع وفكرتها شكوى الحال عاشق
لكن كل واحد يقرا القصيده من مفهومه ولا نيب اعقب على كلامك ابدا ابدا واحترم رايك شكلا وتفصيلاً يابن القيم ياكحيلان

لكن المعروف انه مايجتمع راي العالم على شااعر ابداً كل شاعر وله ناس


وبخصوص اني منصب نفسي شااعر على قولك هههههههههههاي ترا ماقلتها الا في الترحيب لان الي دالني على الموقع (جزاه الله خير) يكتب معي في موقع ثاني وهو شاعر فحل وخابرني شاعر
والتوقيع يخوك جايني هديه ولا انا مانيب اعرف للتصاميم وهالسوالف جعلني فداك ههههههههههههاي

وزعلتي في هالموضوع على تنزيل القصيده ... هي مثل كلامك بالضبط القصيده لا مختله وزن ولا قافيه .. من ابسط حقوقها انها تعرض في مكانها الصحيح .... يجيها نقد مثل مانقدت انت بيض الله وجهك ... ويجيها مدح مثل الي سبقووك بيض الله وجيههم ولاخيب الله فالهم


واسف على الاطاله . وحياك الله بكل وقت والله يوسع صدرك بالعافيه مره ثانيه ههههههههههههاي



مرحباااا مليون والله إني كنت خايف من عاقبة نقدي

لكن الحمد لله إنك طلعت شنب... والحمد لله إن صدرك أتسع للنقد

أنا بعد هذي بأضيفك في قائمة الصداقة

في شبكتنا وفي قلبي:)

ماجد ابن عفيصان
14-02-2009, 02:13 AM
حياك الله اخوي خادم والديه
بيض الله وجهك ولا خيب الله فالك

----------------------

هلابك اخوي ابن القيم ... واختلاف وجهات النظر لا يفسد للود قضيه جعلك تسلم

والقصيد اذواق ناس ٍ تطرب له وناس ٍ لا .. وهذا راايك محد يحاربك عليه جعلني فداك

وحيااااك الله اليوم ودوم يا الذيب

ابن محيّاالرفيدي
17-02-2009, 08:47 PM
أنت كفو وشعرك كفو في ذمتي ولا انت تحتاج شهادتي وتراها هانت في خاطري نقلهم لقصيدتي يوم شفت قصيدتك ما دامني مع شيوخ مثلك وشرواك

السااااهر...؟
06-12-2009, 04:57 AM
أخووووي ماااااااااااااجد

علي الحراااااااااااااام لو يحطووووووووونك

مجلس غير الشعرااااااااااااء

إنك شاااااااااااااااااااااعر

وصح لسانك

ولا فرق المجلس أو المكان هو اللي بيقلل من شاعريتك

لأن أي زااائر بمجرد إنه ما يشوف تناسق الأبيات

والفكره وإبداع المفرادات

والله إن يعرف إنها ما تكتب إلا من شاااعر

كفوووووووو مثلك وشروااااااااااك

يعطيك ألف عااااااااافيه

ولا رحم أبو الشوووووق

يا نااااس يكفيكم البيت هذا

( ياشوق مدري حب.. ياكثر اساميـك
ابعد ترا لفرقاك فـي النفـس نيـه )
صح لساااااانك وفااالك الترليوووون

وتقبل تحيااااتي ...؟ والجميع دمــــــــــــــــــــــــــتـــــــــــــــــــــ ــــم...@

http://www.qahtaan.com .,’آ’,. اللهم رضااااك والجنه . ,’آ’,. http://www.qahtaan.com