أقلط يا بن عشان [الأرشيف] - شبكة قحطان - مجالس قحطان

بن القيم

08-02-2009, 04:41 PM

أقلط الله يحييك

علام الحبابي ياربوعنا ذا اليوم مضغوط = = إن شفته ارحب ولا شافني يمشي القهقرى

وان كانها خلاف اللي أقولها والحال مبسوط = = يقلط ولا يخاف من كفخة الحر الاشقرا

ترى النفوس طيبة وأنا أسعد الناس بمحاورتك

ابن عشان الحبابي

08-02-2009, 10:54 PM

مرحبا و مسهلا يا بن القيم

للأسف الأبيات ماهي واضحة عندي

لأني ادخل النت عبر الجوال لذالك الأبيات ما أشوفها

الرجاء أكتبها بخط عادي منشان أشوفها

و شكرا يابن القيم

بن القيم

09-02-2009, 03:26 AM

سم طال عمرك

علام الحبابي ياربوعنا ذا اليوم مضغـوط == إن شفته ارحب ولا شافني يمشي القهقرى

وان كانها خلاف اللي أقولها والحال مبسوط ==يقلط ولا يخاف من كفخة الحر الاشقـرا

ابن عشان الحبابي

09-02-2009, 08:17 AM

حاولت ألحن أبياتك ما لقيت لها لحن!

لكن استلم:

خوفتي لا يجيك ويطبخك مضغوط@@@أحمد الله ربي ماحن بفقرى

ايه ابقلط وجيك وجيتي بشروط@@@أحكم ابيوت شعرك قبل ان تنقرى

بن القيم

09-02-2009, 03:56 PM

حياك الله يا بن عشان

معليش الأبيات ما هي موزونة

والشاعر عادة ما يلتفت للحن

جب الوزن صح عشان أرد عليك

وهذي مساعدة مني

:) اللحن على طاروق صياف السحيمي وبن جرشان البقمي في المغترة عام 1405

أنتظر التعديل والرد يا شاعر

ابن عشان الحبابي

09-02-2009, 04:45 PM

يابن القيم أنا أتحداك إذا ابياتك موزونة

وإذا ما أقتنعت بكلامي انشد

أنا ماكنت برد عليك لأن ابياتك ماهي بموزونة

ولكن استحيت وحشمت (ابن القيم )ولنك طلبتني

فكل الي انا سويته إني جبت ابيوتي على وزن وبحر آخر لكي اعطيك فرصة لتعلم الأوزان وقد نوهت قبل ارد إني ما لقيت لأبياتك لحن (أي أنها غير موزونة)وأيضا في البيت الثاني قلت لك الشرط إنك تحكم ابياتك قبل حد يقراها لكي أكمل معك المحاورة
(آخر الزمن احد يقولي ابيوتك ماهي بموزونة)

ويا ليت يتدخل الأخوة الشعار لتوصيل المعلومة لأبن القيم رحمه الله

حاول مرة أخرى وياليت تستشير شعار فاهمين في الشعر وتتعلم منهم

ابيوتك في وادي ولحن صياف في وادي أخر بس بعيد شوية

وهذا اسمي وتوقيعي وإذا تبغى عنواني

شكرا مع تحيات محمد الحبابي

بن القيم

09-02-2009, 05:56 PM

يا بن عشان الله يرحم شيبانك ويجعل بن القيم في جنات النعيم

الأبيات اللي أنت جبتها موزونة مية على مية ولا فيها قصور

اللي أنا أقصده ماهي على وزن الأبيات حقتي

وبعدين يوم إنك ما لقيت لها لحن ما هو معناتها إنها ما هي موزونة

يالحبابي تفهم يافهيم

وإذا ما أعجبك هذا الطاروق جب الطاروق اللي تبغاه أنت على أي بحر

بن القيم

09-02-2009, 05:59 PM

رد يا بن عشان عاد لك شف ولا ألغها من ساسها جعلها ما تعود

بن القيم

09-02-2009, 06:01 PM

أحكموا يا شعااااااااااااااار

لا أحد يستحي مرة مرة مرة

اللي يشوف فيه غلط يتكلم

تكلم يالفهري ولا يا سحمي

ولا أي شاعر موجود على الشبكة

بن القيم

09-02-2009, 06:34 PM

أقوووووووووووووووووووووول الله يضمنك

وفي أمان الله دور لنا طاروق جديد

سعدنا بلقائك

ابن عشان الحبابي

10-02-2009, 09:55 AM

ابشر بسعدك يا شيخنا العزيز

هذا طاروق جديد على طلبك:

سلامي سلام يجبر ابيوت مكسورة@@@عسى الله يزينها عسى الله يزينها

تفضل تفضل عاد الأحوال مستورة@@@وجزل المعاني هات منها ودونها

سعيد الجهيمي

10-02-2009, 02:51 PM

السلام عليكم

,,,,,,,,,,,,,,,,,,,,,,,,,,

ان بغيتوا حكموا فأبشروا والا فخلوها كماها...

ولازم الطرفين يأكدون على الرد ؟؟؟

ابن عشان الحبابي

10-02-2009, 09:52 PM

وينك يابن القيم الله معاد تنشاف

عبدالهادي ابن مشتح

10-02-2009, 11:21 PM

الســلام عليكـم ورحمـة الله وبركاتـه

مســاء الخيـر / النــوووووور ..

يابــــــــــــــــــــــــــــن القيـــــــــــــــم << ماعــاد لكـَ شوووفــهَ ..

ياحبابـي .. الله يسعدكـَ ..

.:. كـُْ ـُْـل الـُْ ـُْـود .:.

بن القيم

11-02-2009, 01:00 AM

أرحب يا سعيد الجهيمي والله إني أسعد الناس بوجودك معنا أنت والربع الباقين وعلى رأسهم بن عشان الله يطول في عمره وأنا أعطيك الإجازة بالمتابعة والحكم.. وآسف على التأخير أحسب بن عشان نسى من الموضوع وأثريه رد

فأنا موجود وهذا هو ردي وأنا أشوفه موجود وودي يكمل وأنا أسعد الناس بذلك

تفضل يالحبابي هذا ردي

ترى ما فيها كسر تدور له جبورة == دايم اقودها وانته تدق عيونها

أشوف للقلب نبض وللدمان فورة == أمرها بسيط(ن) وان بغيتها عانها

بن القيم

11-02-2009, 01:02 AM

إقلط يا بن عشااااااااااااااااااااااااااااااااااااان أنا أرقبك وأشوف اللمبة الخضراء مولعه شاراتها

عبدالله بن غفره

11-02-2009, 01:43 AM

بن القيم

11-02-2009, 02:56 AM

ابن القيم

ياهلا وغلا والشاعر ابن عشان شاعر وابيوته ما فيها خلل في الوزن

والخلل موجود في أبياتك من ناحية الوزن والقافية وانا سجلت ملاحظتي بناءً على طلبك في الرد رقم 9

وصح الله لسان الشاعر بن عشان ولاهنت يابن القيم
والخلل في الأبيات لا يعني انا قدحنا في شخصك اي شي
لانك عزيز ومن يأتي لهذه المجالس بكل تأكيد عزيز وغالي

اتمنى لك التوفيق

مرحبااااااااااااااا مليون يا ابن غفره

بس عشان أستفيد وين هي الأبيات المكسورة.. عشان أتعلم وأتفادى

والله يحييك وابن عشان شاعر ولا فيه شك

يا ليت ترد وتعلمني بالتفصيل وتراهااااااااااا عااااااادي إللي أخطأ يتعلم

سعيد الجهيمي

11-02-2009, 04:17 AM

انتظر رد ابن عشان

والاهم ان ابن غفرهـ رد على الموضوع وكفى و وفى

وانت شاعر وقرم ولا ينقص من قيمتك شئ

ولكن بحسب عرفي ورغم اقلية عرفي الا اني متذوق وفاهم في شعر المحاوره كثير ولي محاولات

الا ان ابياتك فيها خلل وحاولت اكثر من مره اني ألحنها الا انها ما زانت

وعلى قولتك انها على لحن صياف وابن جرشان في المغتره فاللحن فيها يقرب ويبعد ولكن ما زانت عليه

وارجو تقبل مداخلتي بناءً على طلبك

وابن عشان شاعر ومتمكن وقوي وقد حضرت له عدة محاورات ومع شعراء كبار في المنتدى واعجبني كثير واستفدت منه ومن لعب معه ,,,, وليس انا من يقيم ابن عشان لكن هذه شهادة حق .....

ولكم الشكر جميع واخص بن غفرهـ لأن رده بيكون شافي وهو شاعر وادرى مني بواجد في هالأمور

ابن عشان الحبابي

11-02-2009, 09:05 AM

اشكر جميع اللي تفاعلو معنا (سعيد الجهيمي__وعبدالله ابن غفرة)

كما اشكر ابن القيم وأتمنى له التوفيق

وأعتذر عن تكمله هذا الطاروق

وأقلط يا عبد الله ابن غفرة

محبكم محمد الحبابي

ابن عشان الحبابي

11-02-2009, 12:06 PM

اقلط يا ابن غفره ولا يهونون الربع

عبدالله بن غفره

12-02-2009, 12:11 AM

ابن القيم

أنا طال عمرك ما أنصب نفسي ناقد ولا من هذا القبيل

لكن انا وضحت لك ان الأبيات غير موزونه وغير مقفاه

وحاول تلحن ابيات ابن عشان وغن ابياتك على نفس اللحن وتشوف الفرق

اما من ناحية القافية ففي ابيات ابن عشان على ( أنها) مع أهمال حرف الآلف
وأبياتك مره على ( أونها ) ومره ( آنها )

لك تحيتي وتقديري وآسف على التاخير

ولاهان من مر على الموضوع

بن القيم

13-02-2009, 07:49 PM

الله يبيض وجهك يا بن غفرة

استفدنا نكم

وتحياتي لأخوي سعيد الجهيمي ... مع رفع قبعاتي لابن عشان

والله يوفق الجميع

ابن عشان الحبابي

17-02-2009, 07:10 PM

اشكرك يا ابن القيم وأسمحلي إذا زليت

عليك يا طويل العمر المعذرة وإنشاالله

نلتقي في المرات المقبلة

محبكم محمد الحبابي