هدية ابن جليغم

[ابن جليغم]

اخواني الاعزاء في شبكة قحطان هذي القصيدة سمعتها من رواة القصيد واعجبتني كثيراً وكتبتها منه علماً بانه يقول انها اطول من ذالك . فأرجوا من الجميع البحث عنها كامله وعن مناسبتها واذا احد لدية معلومات عنها فلا يبخل علينا بها .
القصيدة يقال انها للشاعر وافي الجبعه من ال محمد الجحادر وقيلت في قبائل قحطان سنة الخبت عام 1353 هـ
والله اعلم



انا من ال محمد المذاريب = اللي يروح العلم منهم وياتي
لاجاتنا هجن وعليها مواجيب = قلنا ارحبوا ياللي على الموجفاتي
عاداتنا في الطيب هو والتراحيب = بن يسوا وعقب البن شاتي
لا ترك الماجوب خطوا الدعابيب = اللي مراجلهم على الخالياتي
يقولون الانذال هون عن الطيب = قلت اعقبوا والا سووا سواتي
ياهل الركاب اليا انتحيتوا مجانيب = انصوا عبيده كلهم ياشفاتي
الشيخ ابن شبعان هو والمخاظيب = من خب وبراد ليا سوق السراتي
اذيابة لاما عوا الذيب لشيب = جاتك على مكل اللحم ظارياتي
الشيب اخوا رثعا وابو مترك ذيب = ياويل من ردوا عليه البراتي
ضياغم ماخالطوهم لجانيب = الجدود غير جدودهم هافياتي
هم العدود وما سواهم تشاريب = وهم الجبال الشمخ النايفاتي

[نجم الخليج]

ابن جليغم والله والنعم بك وأيضا براعي القصيده ، ونطمع في المزيد منك .
والطيب دائماً ما يجي منه الا الطيب ، وأنت كفو وربعك كفو ، والسلام ختام .
أخوك نجم الخليج

[محب الخير ( ابن سعد )]

ابن جليغم لا هنت وصح لسانك وصح لسان الشاعر
الى الأمام والى المزيد من المشاركات الجميلة

[فارس قحطان]

السلام عليكم ورحمة الله وبركاته

شكرا لك اخي ابن جليغم ولقيت لك القصيده في كتاب مناهل الباديه
للشاعر سياف بن محسن بن منيجل الفهري القحطاني رحمه الله

وفيها بعض الأختلاف واوردتها لك من جديد

والقصيده موجهه للشيخ شافي بن شبعان شيخ قبيلة بني هاجر
والشيخ مترك بن عشق بن شفلوت - شيخ شمل قبائل عبيدة قحطان
رحمهما الله



انا من ال محمد المذاريب = اللي يروح العلم منهم وياتي
لاجاتنا هجن واهلها مواجيب = قلنا ارحبوا ياللي على الموجفاتي
عاداتنا في البن مع التراحيب = وكيف يقدم ثم يتلاه شاتي
ان ترك الماجوب خطوا الدعابيب = اللي مراجلهم على الخالياتي
تقول لي الانذال هون من الطيب = قلت اقمحوا والا فسووا سواتي
وياهل الركاب اللي انتحيتوا مجانيب = انصوا عبيده كلهم ياشفاتي
الشيخ ابن شبعان هو والمخاضيب = من خب وبراد وحدود السراتي
ذيابة لاما عوا ذيبها الشيب= جاتك على فرس الحم ضارياتي
والشيب اخوا رثعا (1)وابو مترك الذيب (2)= ياويل من ردوا عليه البراتي
ضياغم ماخالطوهم لجانيب = اجدودهم وافعالهم وافياتي
اهم العدود وما سواهم تشاريب = وهم الجبال الشمخ النايفاتي


1- اخو رثعا :الشيخ مترك بن عشق بن شفلوت
2- ابو مترك : الشيخ ذيب بن عشق بن شفلوت

[ابن جليغم]

نجم الجليج + محب الخير = شاكرًا لكم المرور ولاشكر على واجب وهذا واجب الجميع
فارس قحطان اسم على مسمى ولو لم تكن فارس حقاً لاما ركظت حتى اتيت بخبر القصيدة والكتاب المذكوره فية . جزيت خيراً على مافعلت ولا يستغرب الطيب من اهله وفقك الله

[ابن الجيطاء]

بيض الله وجهك يابن جليغم وفّيت وكفيت

[وحش]

كفوووووووووو يا بن جليغم ......الله من الكرم والطيب فيكم يا جلاغمه بيض الله وجهك .......

[عبد العزيز الجهني]

تسلم ياجليغم ولا يسلم ردي العزاااااااااااااااااااااااااااااااااااااااااااااا ااااااااااااااايم



يقول الشاعر :


لا جت من جليغم علوم ومراسيل ............... وجابو علوم الصيد دقه وجله
ثم ارتوينا مع ربوعن حلاحيل ................ النفس معهم دايم مسفهله


تحياتي وتقديري .......



الجهني

[ابن جليغم]

اخواني الأعزاء اشكركم جميعاً على المرور ونعدكم بالمزيد انشاء الله .

اخي : عبدالعزيز الجهني نيابة عن اعضاء ومشاركي شبكة قحطان نرحب بك في هذه الشبكة اجمل ترحيب
وشاكرين لك المرور . وما عليكم زود ياجهينه .

[محمد الجبعه]

اخوي ابن جليغم السلام عليكم ورحمة الله وبركاته .
ايضاح بسيط مني وهو ان هذه القصيده للشاعر المرحوم وافي بن هادي الجبعه الخنفري وليست كما قال الأخ فارس قحطان انها للشاعر سياف مع العلم ان لقصيده لدي كامله وهي قصيده اكثر من كذا بكثير وهي في جميع فخوذ قحطان ومن ضمن ابياتها الت تحضرني الأن قوله :

وانا من ال محمد المذاريب الي يروح العلم منهم وياتي

وشلون من ال محمد ويرجع فهري . هذا للتصحيح وسلمت يداك


تحياتي لك .


اخوك محمد الجبعه

[ابن قريش]

القصيدة مدرجة في ديوان مناهل البادية للشاعر سياف بن منيجل بأسم وافي الجبعة...

[محمد الجبعه]

بيض الله وجهك يابن قريش ولك تحياتي

[الـــجـــحــلــي]

تسلم على المشاركه الرائعه ولك تحيات اخوك/



الجحلي

[فيصل ابن جليغم]

لا هنت

[سالم الخنفري القحطاني]

ارررررررررررررحب يامحمد الجبعـــــــــــــه صدقت تقبل مروري يابن جلغيثم وشكرا لك يامحمد الجبعه