المساعد الشخصي الرقمي

مشاهدة النسخة كاملة : الشاعر / فهد بن حمود بن سلطان السحيمي يهدي هذه القصيده إلى ناجع المصطاع الحبابي


حسن بن مرعي الجابري
04-02-2009, 12:09 AM
بسم الله الرحمن الرحيم

السلام عليكم ورحمة الله وبركاته


الشاعر / فهد بن حمود بن سلطان السحيمي القحطاني يهدي هذه القصيده رد على الجميل والمعروف الذي سواه ناجع بن عوض المصطاع الجابري الحبابي بيض الله وجهه من المشرق إلى المغرب وأطلب من الله أن يوسع عليه في الدنيا والأخره وأن يصلح له النيه والذريه ولاقدرت أجازي أبو حسين إلا بهذه الأبيات ولا هي بحقه ولكن أرجو المعذرة والسموحه :



قبل مبدا القيل مزين طلبت الله = ربنا اللي عالم كل السريره
عقبذا لا جيت أبو حسين قله = الكريم ابن الكريم حامي القصيره
نمدح اللي يستحق المدح كله = ناجع المصطاع إنخصه قبل غيره
يوم مدحت القرم مدحي في محله = يشهد الله والخلايق والعشيره
كاسب الناموس ناجع يشهد الله = في زمان الجوع والسنين العسيره
الشحم والكيف يلقا في محله = والجناب الزين والوجيه السفيره
عاش قرم يجعل الكيفات فله = عادة للقرم مايذخر ذخيره
من يريد الزين يلقا الزين كله = ومن يريد الشر حستوله مريره
من حباب تكسب الناموس كله = يكسبون المدح بالسيوف الشطيره
سعد منهم فالحرايب فزعتله = فعلهم بالطيب سايد كل ديره
جعل صبي ما يحط الكيف فله = جعل كل الشين هو خاتمة مصيره
من يسب القرم جعله فدوتله = كيف يسب القرم نطاح المغيره
ياجماعه من سمع قافي يشله = وانشروه وسط الجرايد للجزيره


أرجو أن تنال إعجابكم

أخوكم / حسن بن مرعي الجابري الحبابي

مشاري بن نملان الحبابي
04-02-2009, 01:19 AM
أرحب يا بو مرعي ..

بيض الله وجهك عاى نشر القصيدة ..

وصح الله لسان الشاعر القطري فهد السحيمي ..

وأبو عوض يستاهل المدح والثناء ..

كفو يا صبيان ال الجابر ..

تقبل مروري يا بو مرعي ..

أخوك/ مشاري بن نملان الحبابي

خادم والديه العبدي
04-02-2009, 10:02 AM
قصيدة جزله في واحد يستاهلهاونعمين يا ناجع والله يكثر امثاله

لا هنت يا ابو مرعي الله يعطيك العافيه

تحياتي000000اخوك

حسن بن مرعي الجابري
05-02-2009, 11:30 AM
أرحب يا بو مرعي ..

بيض الله وجهك عاى نشر القصيدة ..

وصح الله لسان الشاعر القطري فهد السحيمي ..

وأبو عوض يستاهل المدح والثناء ..

كفو يا صبيان ال الجابر ..

تقبل مروري يا بو مرعي ..

أخوك/ مشاري بن نملان الحبابي


ولك البقاء

وجهك ابيض يالغالي

وصح بدنك

ونعم ابوحسين كفو ولا عليكم زود

يشرفنا مرورك أخوي ( مشاري بن نملان الحبابي )

تحياتي .........لك

.......................
........

حسن بن مرعي الجابري
05-02-2009, 11:34 AM
قصيدة جزله في واحد يستاهلهاونعمين يا ناجع والله يكثر امثاله

لا هنت يا ابو مرعي الله يعطيك العافيه

تحياتي000000اخوك



مرحبا بخادم والديه العبدي

مرحبا بطاري آل العبد ربعنا واخونا

وماعليكم زود يالعبدي

والله يجزاك خير على المرور