سؤال محيرني بخصوص المحلات التجارية

[آل معمر]

ألاحظ يا أخوان الكثير من المجمعات التجارية والأسواق والمحلات يحطون مكيف على باب المجمع او المحل

ويكون مشغلين المكيف على أقوى شي وما يمديك تدخل السوق أو تخرج منه إلا ينفخ في وجهك هذا المكيف

يا ترى وش الفايدة ؟؟؟ :confused:

ما لقيت من أسأل وقلت ما لي إلا شباب وشيبان الاستراحة :)

[عبدالله آل عباد]

أنا فكرتك تنشد من شي من الاجرائات

المكيف هذا لاحضته في كثير من المحلات

وهو ماهو مكيف

مروحه

لاكن حاطينها بشكل خنفشاري


والمروحه هذي

لها فايده

أنها تمنع دخول الذباب والنامس

والبعوض والحشرات الطائره والحشرات ألي في وضع الطيران

والحشرات المحلقه


هذي كل المعلومات ألي عندي

وأكثر ما يركب في المطاعم

أما البقايل والحلاقين والمغاسل ومحلات التأجير وغيرها

ما يحطونها


هذا والله العالم

[ماجد الخليفي]

ما ذكره Aj صح

[عبدالله آل عباد]

^^^^^^^^^^^^^^^^^^^^^^^^^^^^^^^^

طيب

أنا تأكدت أن أجابتي خاطئه


طووووووط طوووووووط طوووووط

[مشاري بن نملان الحبابي]

والله توني شفت ذا المرواح في ابن داود ..

لاهنت يا بو جابر على التوضيح ..

[هبشان]

متل م أل ابو جابيير


اي تئبرنييي

[ذيب الخزامى]

هذي الله يسلمك لاجل الهواء البارد مايطلع

والله العلم

[عبدالله بن غفره]

هذي عشان اللي فيه ريح خنيز تقوم بطرد الرائحه قدر المستطاع

>>>>>>>>>>> يفسر على كيفه


والله ماعندي خبر لكن متابع وفي انتظار الاجابة من المتأكدين منها

[محمد بن حمد]

غير كذا توضع في المتاحف

لانهم اكتشفو ان الغبار الي يجي على الاثار والمجسمات هو الخلايا الميته الي تسقط من جسد الانسان او ذرات غبار تكون متعلقه في ملابسهم

على شان كذا فكرو بالمراوح هذي ويقولون فادتهم كثير

[آل معمر]

بس والله حركة غبية

أنا اتنرزف منها

ياخي أنا مو وسخ عشان تنفخ الهواء في وجهي وعلى جسمي

[سعد محمد الفهري]

علشان شيين والله العالم علشان ترجع الهواء البارد للداخل وعلشان الحشرات ماتدخل المتجر

وهاذي المرواح قد طيرت شماغي من على راسي >>>>>>>>>>>> وش رايكم هاذي تنبلع ولالا

[منصور العبدالله]

والله انك فاضي يابو عبدالله


قلت الحين الرجال جايب موضوع ثقيل ويستاهل


طيب ليش ما سألتهم


على العموم ممكن علشان جو المحل يصير معتدل

وممكن علشان الحشرات


لاهنت يابو عبدالله

يكفي طلتك وحتى لو في موضوع زي هذا

وعادي أسأل على راحتك


حنا مشرفين وعلى كيفنا