المساعد الشخصي الرقمي

مشاهدة النسخة كاملة : ابيات وابي مجاراة زملائي الشعراء -لاهانوا-


ناصر بن هذال ال شري
01-02-2009, 06:53 PM
لاتراضيني


لاتراضيني ترى ماني بـراض(ي)=كبريائي يرفـض أنـواع التـراض
وان بغيت الصدق هذا حكي فاضي=من يفرط فيك ؟ مافيـك إستعـاض
أنت لو صديت صار الإنتقـاض(ي)=وجيت كلي أطـوي بعـاد الأراض
أعتذر لك عن خطاياك العراض(ي)=واتسامح منك يـا ريـم الريـاض
لانك أول حب.. يعني إفتراض(ي)=وانت احلى حب في قلبـي وفـاض
وانت خصمي في هواك وأنت قاضي=سو ماتبغي وما عنـدي إعتـراض



,
وسلامتكم
ملاحظه:ارجو من الشعراء السماح لي باضافة بنسخه من مجاراتهم لهذا النص ان وجدت الى ديواني الالكتروني .

سعيد الجهيمي
02-02-2009, 03:06 AM
السلام عليكم


وصح الله لسانك يا ابن شري وعلى الاخرى عانكـ

وقصيده جزله وراعيها كفو


والشعار اخواننا ما بيقصرون ان شاء الله وبيجارونها وينفذون مطلبك

ولاهنت يا الذيب وننتظر جديدك وخاصه ما كتبت في قحطان ولو كان من قديمك ولا عليك امر


اخوكـ البشري

بعيد المدى
02-02-2009, 06:07 PM
لاتراضيني ترى ماني بـراض(ي)=كبريائي يرفـض أنـواع التـراض
وان بغيت الصدق هذا حكي فاضي=من يفرط فيك ؟ مافيـك إستعـاض
أنت لو صديت صار الإنتقـاض(ي)=وجيت كلي أطـوي بعـاد الأراض
أعتذر لك عن خطاياك العراض(ي)=واتسامح منك يـا ريـم الريـاض
لانك أول حب.. يعني إفتراض(ي)=وانت احلى حب في قلبـي وفـاض
وانت خصمي في هواك وأنت قاضي=سو ماتبغي وما عنـدي إعتـراض



يابو هذال اننقض لي جرح ماضي=سامحك رب السماوات العراض
ماتقوله كنه للماضي يحاضي=يوم ساس القلب جا فيه انقضاض
يوم زعلني محبي باغتراضي=قلت ابذوقه درس فيه لاض
لكن اللي صار مافيه اعتواضي=لوّح إل شخصي بكفين البياض
قال في دربي ترا ياشيخ ماضي=دام لاول غلطة ٍ عفت الفياض
ودّع وغاب ورفيقك من يقاضي=ليته اصبر عن تفاكيره وراض


الشاعر/ بعيد المدى...................

بن القيم
02-02-2009, 07:44 PM
بعيد المدى وناصر بن هذال

ما شااااااااااااء الله عليكم بيض الله وجيهكم

عز الله

وافية

وافية

وافية

ناصر بن هذال ال شري
03-02-2009, 04:22 AM
سعيد الجهيمي
ارحب
وشكرا لمرورك وطلباتك اوامر ياغالي.

ناصر بن هذال ال شري
03-02-2009, 04:23 AM
بعيد المدى
صح لسانك ..وشرفتني بمجاراتك الجزله.
لاهنت يالقرم

ناصر بن هذال ال شري
03-02-2009, 04:23 AM
ابن القيم ماعليك زود
وتشرف النص وراعيه بمروك

ناصر بن هذال ال شري
03-02-2009, 04:33 AM
مجاراة الشاعر القدير / عايض بن حيبان المسردي
,
,

هيه ياللي جـاد فكـرك واستهاضـي=من هواجيس (ن) طويلات (ن) عراض
كبريائـك لايجـي فيـه انخفـاضـي=ولا يجي حولـه سـواد و لا بيـاض
والمحبه شرعهـا حاضـر وماضـي=مايجي فيهـا رفـاع (ن) وانخفـاض
يندمـج فيهـا التسامـح والتغـاضـي=من كلا الاطراف حسـب الافتـراض
هكـذا والا فسيـحـات الاراضــي=عن حياض الشـح ترويـك الفيـاض

خادم والديه العبدي
03-02-2009, 02:15 PM
كفيتو ووفيتو وكلام جزل

تحياتي للجميع

سعيد الجهيمي
04-02-2009, 02:54 AM
صح الله لسانك يا بعيد المدى وانت وافي ولا على الباقين قصور

وصح الله لسان عايض المسردي وقصيده وافيه بعد ومجاراه جزله




...............................

وتسلم يا ابن شري على تلبيطة الطلب

ولا هنت

موسى بن محمد آل شاهر
04-02-2009, 07:50 PM
السلام عليكم ورحمة الله وبركاته

عند قراءتي للقصيدة كان بجواري الاخ عبدالله القزلان التميمي مشرف الابداع الشعري في منتديات بني تميم واحب مجاراة القصيدة واليكم قصيدة الاخ عبدالله القزلان التميمي ابو علي:

لا تراضيني ترى مانيب راضي
..............قالـها ناصـــر وابن هـــذال هـاض
كن في قلبه من اللوعات شاضي
..............يشتكي لاهل الهـوى والقلب شاض
قلت من دش البحر ياهيه خاضي
..............وفي بحور اهل الهوى حول وخاض
كان قلبك عن حسين الدل راضي
..............وكان قلبــه بالهــوى شفــق وراض
سم بالرحمن ودرور شيخ قاضي
..............يكتب اللي بينكـــم دون اعتـــراض
ونادني يالمسردي لا صرت فاضي
..............واذبـــح اللي سمــها بنت المخاض

ودمتم في حفظ الله

ناصر بن هذال ال شري
04-02-2009, 11:35 PM
ارحب ياابو محمد وبيض الله وجهك وبلغ التميمي تحياتي وصح الله لسانه.
,,
الجهيمي:شكرا مره اخرى لمتابعتك وتواصلك
والشكر لكلمن تابعنا من لقراء وانشاء الله قدمنا شيئ يليق بذائقتهم.

بدر بن احلاص الخنفري
08-02-2009, 11:04 AM
صح لسانك يابن شري

ناصر بن محمد
09-02-2009, 01:05 AM
صح الله السنتكم جميع.,.,


قصآئد رآئعه ولآهيب غريبه عليكم.,.,

ناصر محمد القرقاح
05-03-2009, 01:53 AM
صح لسانك

عبدالله بن غفره
05-03-2009, 05:46 AM
النص الرئيسي جميل جداً

وصح لسانك ياناصر بن هذال

مبدع ومتالق



والمجارات كذلك
في غاية الجمال وأستمتعت بقراءة النصوص


صح الله السنتكم يالربع



تحيتي

المرزم
08-03-2009, 12:09 PM
صح السانك