ذا الليل ياقحطان بأغزيكم........؟

[بوجابر]

أول شيء يشرفني أن أكون عضو في منتدى قبيلة قحطان

وأتمنى العرفة الطيبة من تواجدي معكم كما أتنمى محاورة

أحد شعار المنتدى وربما يكون في بعض البيوت نوع من التحدي

وأرجوا أن تتفهموا المقصد من البيوت الحماسية (( للاثارة )) فقط

لا بغضاء ولا محقرية . موال جديد

ذا الليل ياقحطان بأغزيكم , ببيوت شعر ماتنسيكم , فعولي يوم الهوش أنا فيكم

والمرجلة من حظ راعيها

يالالالا تو سار اللعب حامي يالالالا
يالالالا ماتغيب عن غزية يالالالا
يالالالا وصلكم شيخ همامي يالالالا
يالالالا ماقعد في وسط فيه يالالالا

[سعيد بن مانع]

أرررررررررررررررررررررحب تراحيب الحيا .... بين اخوانك .... ويشرفنا نحن ايضا انضمامك الينا ولمنتدانا
ويامرحبا بملفاااااااك .. .... ومرحـــبا الف ...







اشوف ناري شبة القازي .... حتى بو جابر صار لي غازي .... لزّيت شعرك لزّت الازي ...
والمرجله من حظ راعيهـــا





يالالالا مرحبا عد الغمامي يالالالا=يالالالا بين قحطان الابيّه يالالالا
يالالالا هاك علمي بالتمامي يالالالا=يالالالا انتبه والنار حيه يالالالا

[بوجابر]

يابن الرفيدي طافيه ضوك , من يوم بو جابر عرف جوك , شعري جزل ولا أنت ياتوك
والمرجلة من حظ راعيها



يالالالا والبقا واثني سلامي يالالالا
يالالالا بين صبيان الحمية يالالالا


يالالالا حقنا سير السنامي يالالالا
يالالالا من جدودي الاولية يالالالا

[ابن وهف]

أرحب أرحب أرحب أرحب

[سعيد بن مانع]

ارررررررررررحب من جديد ولو انك تأخرت علينا .... لكن حياااك وكل غايب عذره معه .

اسلتــم .


بعض الحماس يدق لك خشمك=واحذر تراني محترم لإسمك
الضوي ضوي وانت مايمك =والمرجله من حظ راعيها



يالالاله والجزاله في كلامي يالالاله
يالالاله تاعبٍ ماجبت زيّـه يالالاله
يالالاله يارفيده ياحزامي يالالاله
يالالاله ناظروا وش ذا البليـه يالالاله

[بوجابر]

أولاً والبقا بكم عد نجوم السما ربعي وغالين ومن ناحية التأخير من يوم الخميس
مافتحت الجهاز لاني مسافر لكن الحين اطلب عزك وهالك البيت يالريفيدي وخل خاطركذ
وسيع . .

الظاهر أنك راقد وحالم , والله ماتطلع معي سالم , ودق الخشوم لمثلك يوالم
والمرجلة من حظ راعيها


يالالالا كل جزله لي دوامي يالالالا
يالالالا مادخل هرجي دنيه يالالالا
يالالالا يام يا يام العدامي يالالالا
يالالالا بارتكب فالورع سية يالالالا

[سعيد بن مانع]

هههههههههههههههههههههههههههههههههه الله واكبر عليك .. معليه معليه


وصدري وسيع وانا خوك والزعل مرفووع من الطرفين والبساط احمدددي ...

اسلتم نفداك


لاوالله إلاّ صاحي وواعي=والعلم علمٍ ماهو بإشاعي
وانا ترا محدن لوا ذراعي=والمرجله من حظ راعيها




يالالاله واثرك اللي قال يامي يالالاله
يالالاله محلفي كف الخطيه يالالاله
يالالاله ورعنا للجنب حامي يالالاله
يالالاله ورع يهدي له مطيه يالالاله

[بوجابر]

يفداك اللاش , بيض الله وجهك وهذا المطلوب وأنا أخوك والدعوى مزوح تجي وتروح
سم نفداك :

أنا أشهد أني بأحلق أشنابك , وألوي ذراعك وأكسر أنيابك , والبسك ثوبً على ثيابك
والمرجلة من حظ راعيها

يالالالا ايه يامي لا تهامي يالالالا
يالالالا محلفك مافيه ليّة يالالالا
يالالالا ورعنا للرمح رامي يالالالا
يالالالا صايب رمحه قديه يالالالا

[سعيد بن مانع]

شاربي كلن ترا عـده = وإلاّ انت تبطي منت له نده
من جا لصوبه لاعنن جده =والمرجله من حظ راعيها





يالالاله عشقي ماهو بالغرامي يالالاله
يالالاله عشقي في فعلة يديّه يالالاله
يالالاله لابتي نسل الكرامي يالالاله
يالالاله فالجنوب وفالعذيه يالالاله

[بوجابر]

الشارب الواصل ترى عندي , ولا أنت ماتزمر على هندي , وماراح صوبك غير ابو حدي
والمرجلة من حظ راعيها

يالالالا أنت عاشق في الحلامي يالالالا
يالالالا مالك فعول في هيّه يالالالا
يالالالا لابتي والدم دامي يالالالا
يالالالا تروي كبود ضميّة بالالالا



الناعشه في يبتك الثاني (( مكسورة )) (( الجنوب ونجد العذيه )) لحنها وبتعرف

[سعيد بن مانع]

خابر خابر وتوني انتبه لها والله .. على العموم عدلناها فوووق يالخوووي
.
واسلتم



ابعد ورا عني ياهالعلـه=وانا طريقي عارفه كله
ولاّ أنت دربك ضايعٍ حلّه=والمرجله من حظ راعيها



يالالاله كيف تنكر يالحرامي يالالاله
يالالاله وانت حيه راس حيه يالالاله
يالالاله فعلنا عالي مقامي يالالاله
يالالاله من نكرنا بألف كيّـه يالالاله





واسمح لي يالخوووي استاذنك من البارح ماقد نمت والله ....
ولنا لقااء الليله انشالله ....
تحياتي لك وبيض الله وجهك

[بوجابر]

مابه من العلات أحد غيرك , ولا حد دعاك ولاطلب سيرك , أرقى على الهامات مايضيرك
والمرجلة من حظ راعيها


يالالالا كيف تقدر للقطامي لالالا
يالالالا رحت لا شارب ولحيه لالالا
يالالالا فعلنا رد الحيامي يالالالا
يالالالا انشد الباشا واخيه يالالالا



يعطيك العافيه على هالمحاوره الطيبة يالرفيدي

[الحــاير]

الله يعطيكم العاافيه وكفوا يا النشااما
ايوه نبي مثل هذي الموااضيع من فعل النشااما شروواكم

[أبو زيد]

بيّض الله وجيهكم
ونبغى المزيد ،،،،،،،،، صراحة قمة المتعة والإثارة.
لاهنتوا ولا تحرمونا من الجديد.

أخوكم أبو زيد

[سعيد بن مانع]

الحاير .... ابو زيد ...
ارحبوووووو ونورتوو الصفحه
ولاهنتوا على المرور ............ وابيض وجيه

[الهـاجري]

كفوووووووووو يا الرفيدي

وانا في صفك يا عصابة الراس

[سعيد بن مانع]

ارررررررحب يالصالاني ولاهنت على المرور يالعزوه

[بوجابر]

مرحبا عد ماهل المطر بالجميع ولو انكم أصحاب محل لكن أنا بعد في
ضيافة قحطان وأرحب عنهم
وأعدكم بأقوى من هذه المحاورات

[ابن منصور]

الله لايهنكم