أبا الذموم
29-01-2009, 12:31 AM
السلام عليكم ورحمة الله وبركاته صبحكم الله بالخير لجميع الاخوان الاعضاء
فيه مرقب (رجم) جنوب وادي الدواسر باتجاه تثليث.
في اسفل خيور يسمى (رجم مقتل حمر عين) هذا المرقب اسمع به من زمان لكن ماادري ليه سموه بهذا الاسم؟ لين سألت شايب يحفظ السوالف وعلمني
يقول:
كان فيه فارس من الدواسر يسمى (احمر عين) وهو العقيد الفارس أحمر عين الطوال الرجباني وكان دائما" يسرب (يتسلل) في ركب قليل صوب قحطان ثم يسبر الابل اللي ماعندها احد والابل (الهمل) ويثبت مكانها وإذا غابت الشمس دبر عليها وسرا بها ولايصبح إلا في حدود الدواسر
وفي يوم من الايام تقابل هو والفارس سعيد بن زي آل رحمان آل عاطف في مجلس في وادي الدواسر00
فقاموا الدواسر يطلبون من (احمر عين) قصيدة قايلها 00 قصدهم يسمعون العاطفي!
فعلمهم بها ومنها:
يافاطري ياللي تثالغ دبـــرها = ياطول ما نيّك يكب الشـــــدادي
ارجي عليها غارة في احضرها = في جر تثليث حوالي البجادي
يا ماحلا صك الغناء في ظهرها = لانكبت للحزم صوب البلادي
يفـز غـزلان حسين نظرهـــا = وتقول ياكوبان جوك العوادي
يوم سمعها الفارس سعيد بن زي آل عاطف فـرد عليه بهذه البيتين وهم في نفس المجلس:
حاذور من جبعا حشاد سحرها = تجعل عظام الساق مثل التوادي
والله ان اجيلك عزرة من عزرها = في الليل حراس وفي الصبح بادي
قال احمر عين : ((انتظرني وتشوف وجهي في الايام الجاية مير انتبه لاتوخذ ابلك وانت في الليل حارس وفي النهار بادي))
قال العاطفي: (( انا قدامك واللي يختلف عن كلامه يحسّن شاربه))
المهم ان الفارس سعيد بن زي آل عاطف قام يتحرى له كل يوم يشرف في راس مرقب لعله يشوف الدوسري0
ويوم شرف عصر يوم من الايام في راس هذا الرجم اللي في اسفل خيور فشاف حوالي خمس ركايب مقبلة عليه من شمال00 فخبأ نفسه في الرجم وقعد يسبرها لين لزت على الرجم اللي هو في راسه00 ثم قام واحد منهم وطلع الرجم يبغى يتشوف للابل00 والعاطفي متخبئ ويوم قرب منه وعرفه فقام ومد عليه البندق وقال: [هو انا ماانذرتك امس ياالدوسري؟ ]
ثم اطلق عليه وقتله0
ويوم سمعوا ربعه اللي في السهل صوت البندق وعرفوا ان احمر عين قتل فانحاشوا00
## نيّك: يعني سنامك
## خيور : جهة المريبخ جنوب وادي الدواسر.
## الفارس سعيد بن زي آل رحمان آل عاطف يلقب بـ [ ابن سعيّده ] ومن شجاعته في هية [ حليف ] بين آل عاطف بقيادة الشيخ الفارس مسفر بن هادي بن سعيدان والشيخ الفارس مناحي بن جرمان بن عويضه بن سعيدان وقبيلة دهم ومعهم فرسان من يام بقيادة الشيخ الفارس هضبان بن عفراء شيخ قبيلة دهم ومعه عقداء من قبائل الوعلة يام وفي اثناء المعركة والطراد ومن شراسة الطرفين قام احد فرسان آل عاطف وهو الفارس علي بن مجثل آل رحمان آل عاطف بعد ما خلص فشق بندقه أخذ نصب كبير [ حيد ] واومابه على شيخ دهم هضبان بن عفراء وأصابة إصابة مميته في رآسه وطيحه من الفرس وقام الفارس سعيد بن زي آل رحمان آل عاطف بضربه بالرمح وكمل عليه وانتهت المعركةبانتصار آل عاطف على قبائل دهم و يام.
فيه مرقب (رجم) جنوب وادي الدواسر باتجاه تثليث.
في اسفل خيور يسمى (رجم مقتل حمر عين) هذا المرقب اسمع به من زمان لكن ماادري ليه سموه بهذا الاسم؟ لين سألت شايب يحفظ السوالف وعلمني
يقول:
كان فيه فارس من الدواسر يسمى (احمر عين) وهو العقيد الفارس أحمر عين الطوال الرجباني وكان دائما" يسرب (يتسلل) في ركب قليل صوب قحطان ثم يسبر الابل اللي ماعندها احد والابل (الهمل) ويثبت مكانها وإذا غابت الشمس دبر عليها وسرا بها ولايصبح إلا في حدود الدواسر
وفي يوم من الايام تقابل هو والفارس سعيد بن زي آل رحمان آل عاطف في مجلس في وادي الدواسر00
فقاموا الدواسر يطلبون من (احمر عين) قصيدة قايلها 00 قصدهم يسمعون العاطفي!
فعلمهم بها ومنها:
يافاطري ياللي تثالغ دبـــرها = ياطول ما نيّك يكب الشـــــدادي
ارجي عليها غارة في احضرها = في جر تثليث حوالي البجادي
يا ماحلا صك الغناء في ظهرها = لانكبت للحزم صوب البلادي
يفـز غـزلان حسين نظرهـــا = وتقول ياكوبان جوك العوادي
يوم سمعها الفارس سعيد بن زي آل عاطف فـرد عليه بهذه البيتين وهم في نفس المجلس:
حاذور من جبعا حشاد سحرها = تجعل عظام الساق مثل التوادي
والله ان اجيلك عزرة من عزرها = في الليل حراس وفي الصبح بادي
قال احمر عين : ((انتظرني وتشوف وجهي في الايام الجاية مير انتبه لاتوخذ ابلك وانت في الليل حارس وفي النهار بادي))
قال العاطفي: (( انا قدامك واللي يختلف عن كلامه يحسّن شاربه))
المهم ان الفارس سعيد بن زي آل عاطف قام يتحرى له كل يوم يشرف في راس مرقب لعله يشوف الدوسري0
ويوم شرف عصر يوم من الايام في راس هذا الرجم اللي في اسفل خيور فشاف حوالي خمس ركايب مقبلة عليه من شمال00 فخبأ نفسه في الرجم وقعد يسبرها لين لزت على الرجم اللي هو في راسه00 ثم قام واحد منهم وطلع الرجم يبغى يتشوف للابل00 والعاطفي متخبئ ويوم قرب منه وعرفه فقام ومد عليه البندق وقال: [هو انا ماانذرتك امس ياالدوسري؟ ]
ثم اطلق عليه وقتله0
ويوم سمعوا ربعه اللي في السهل صوت البندق وعرفوا ان احمر عين قتل فانحاشوا00
## نيّك: يعني سنامك
## خيور : جهة المريبخ جنوب وادي الدواسر.
## الفارس سعيد بن زي آل رحمان آل عاطف يلقب بـ [ ابن سعيّده ] ومن شجاعته في هية [ حليف ] بين آل عاطف بقيادة الشيخ الفارس مسفر بن هادي بن سعيدان والشيخ الفارس مناحي بن جرمان بن عويضه بن سعيدان وقبيلة دهم ومعهم فرسان من يام بقيادة الشيخ الفارس هضبان بن عفراء شيخ قبيلة دهم ومعه عقداء من قبائل الوعلة يام وفي اثناء المعركة والطراد ومن شراسة الطرفين قام احد فرسان آل عاطف وهو الفارس علي بن مجثل آل رحمان آل عاطف بعد ما خلص فشق بندقه أخذ نصب كبير [ حيد ] واومابه على شيخ دهم هضبان بن عفراء وأصابة إصابة مميته في رآسه وطيحه من الفرس وقام الفارس سعيد بن زي آل رحمان آل عاطف بضربه بالرمح وكمل عليه وانتهت المعركةبانتصار آل عاطف على قبائل دهم و يام.