المساعد الشخصي الرقمي

مشاهدة النسخة كاملة : وين شعار عوال الشايب

الهـاجري
04-08-2005, 12:10 AM
السلام عليكم

ونبغا محاوره ذليل


يا سلام الله على اللي يسدون اللزوم= لابتن على القبايل تنوف اخبارها

يا القحاطين وينكم وينكم هاتو العلوم= والصالاني يفتخر لالقى شعارها
سعيد بن مانع
04-08-2005, 04:14 AM
اررررررحب يالصالاني
واستاذن اخواني واحاول استفيد منك ومعك يالخووي ...






مرحبا يامرحبا ياعسى الملفي يدوم=جت علومي ياعميلي وشبة نارها
مرحبا يالهاجري عد ميزات الغيوم=من بروق ومن رعودٍ ورش امطارها
الهـاجري
04-08-2005, 04:39 PM
تبقاا يا الرفيدي

واستلم نفدااااااااااك

البقابك يا الرفيدي جعل عمرك يدوم=والحرار الشقر تعجبك في مطيارها
الصالاني لادخل سوق يصمل ثم يسوم=وكل سلعه غاليه عارفين اسعارهـا
سعيد بن مانع
05-08-2005, 01:11 AM
لاهنت ... والمعذره على التأخيرررر

اسلتم نفداااك ...



خذ صحيح القول ياجعل تفداك الرخوم=وانت فاهم بالمعاني وكن اسرارها
المرادد ماتبي غير رجالٍ عزوم = والدروب ميّسره والسفن بأبحارها
الهـاجري
05-08-2005, 01:52 AM
استلم يا الرفيدي



يالرفيدي مرحبا بعد غيبة نص يوم=والدلال امبهره في طرف اوجارها

الصالاني طول عمره على الشـده قـدوم=والمراجل مكسبي وغيرها ماختاراها
سعيد بن مانع
05-08-2005, 02:49 AM
ابقاك الله يالخوي ...
اسلتم فديت خشمك ..........


والنّعم مليون يالقرم يانسل القروم =ياشيوخٍ تكرم الضيف تكرم جارها
حن رفيده سلمنا نعرفه عز السلوم=يالصالاني وان جهلته تنشّد دارها
فارس قحطان
05-08-2005, 03:02 AM
السلام عليكم ورحمة الله وبركاته

ياسلام عليكم يالصالاني
ويابن مانع الرفيدي

واصلوا وياليت مباشره

وانا متابع لكم

تحياتي
الهـاجري
05-08-2005, 03:51 AM
خلووووووووووووها
ماعليك زود
واستلم يا الرفيدي



الهواجر ربعي اللي مطوعت الخصوم=يا الرفيدي نومستني ترى اذكارها

وقسمكم بين القبايل من اخيار القسوم=والحقيقه ياأجودي ما نغط أنوارها
الهـاجري
05-08-2005, 03:53 AM
فارس قجطان


ارحب ارحب


مرورك شرف لنا يا الغالي
سعيد بن مانع
05-08-2005, 05:04 AM
ارررررررررررررررحب يافارس ...
ولاعليك زود يالصلاني وانتوا معروفين طال عمرررك ..
اسلتم نفدااك


الحقيقه واضحه عكس لمحات الحلوم=لاتعلمني بربعك علا مقدارها
الرقاب الخايبه ماتبي غير الصروم=والهواجر قد طغت في العدا واشرارها
العريدي
05-08-2005, 08:35 AM
ارحبوا يارجال

حيا الله كلن باسمه

واااااااااااااااصلو ا
وااااااااااااااصلوا
الهـاجري
05-08-2005, 02:39 PM
خلوووووووها

استلم يا الرفيدي




العدو في سالف الوقت امقيَد ومخزوم=والهواجر من عصر نوح اتعسف امهارها
والعدو اليا جمعله قبايل قام يزوم= لابتي قحطان شبت عليهم نارها
الهـاجري
06-08-2005, 12:13 AM
اله يبقيك يا العريدي


شكرل لمرورك
سعيد بن مانع
06-08-2005, 12:31 AM
ابقاك الله يالعريدي ولاهنت على المرور ...

والمعذره يالخووي يومني اتأخر لكن ظروف وقتي ماتسمحي اكون متواصل بكل وقت ... وانت رجالن تعذر ..

اسلتم نفدااااك ..


كلنا نعرف فعايل جدودك والخصوم=مانكرنا ذا الهواجر خزا نكّارها
والصبي لاقال جدي لزوم وثم لزوم=مايضيّع سيرة الجد دربٍ سارها
الهـاجري
08-08-2005, 07:47 AM
الله لايهينك وبيض الله وجهك يا الرفيدي اسعدني التحاور معك

واسمحلي على التأخر في الرد

لاهنت
سعيد بن مانع
08-08-2005, 09:09 PM
ولاتهون طال عمرك ووجهك ابيض
وانا والله اللي لي الشرف بالتحاور معك

والسموحه على الزلات نفداااك

تحياتي