المساعد الشخصي الرقمي

مشاهدة النسخة كاملة : شيلة الليلة اللي قمرها ساطع نوره(الشاعر مرير بن جبيل)


ابن خضير
25-01-2009, 06:49 PM
بسم الله الرحمن الرحيم
السلام عليكم ورحمة الله وبركاته






الليـلـه الـلـي قمـرهـا ساطـعـن نـــوره
يضف على الأرض نورن كنه الشاشي


فـي مجلسـن للنشامـا كثـرة أحـضـوره
مـن بينهـم مــا تـوحـي كلـمـه الـواشـي


وليا انشدوا شايبـن قـد اقفـت اعصـوره
ليـا هـرج مـا يجيـب ادنــاه مــا نـاشـي


قالـوا اعلومـك نباهـا حـيـث مشـهـوره
عجـل وعطنـا علومـن تبـري الجـاشـي


تـرى لـك عـنـا غـيـاب عــده أشـهـوره
ترى الجماعه هلو مـا رودك اعطاشـي


سولـف علـوم ذهـب مـا هيـب مثـبـوره
ثـم قــال هــذا علـومـي وردت كـاشـي


امـا علـوم المطـر فـالأرض ممـطـوره
والله يـتـبـع لـهــا مـــن واحـــد نـاشــي


والأرض بعـد المطـر بالخيـر مذكـروه
وذكر الحيا في الجزيـره عـده الماشـي


هــذا هـوايـة ربـيـع القـلـب وســروره
لا وحي السوالف مـن العقـال يعتاشـي


والقلـب مدنـا بعـد مـا هيـض اشـعـوره
لا شـاف جلسـة نشامـا تنـشـده شـاشـي


هـــذا مـنـاتـي وكـــل يـقـنـع بــشــوره
ولاني من اللي ورى العربان معتاشـي


بخـيـر والـحـال والأحــوال مـسـتـوره
في مجلس لي علـى مركـاي وفراشـي


لـو مـا تعـشـى عشـايـه غـيـر شـابـوره
اخير مـن وجبتـن عنـد العـرب حاشـي


الشاعر مرير بن جبيل..





اضغط هنا لتحميل الملف (http://www.qahtaan.com/works/up/get.php?hash=gz730ytnj11232898497)



اهداء خاص جداااااااااااااااااا

(ل سعيد الجهيمي)




والله يحفظ الجميع

أبو صقر
25-01-2009, 08:02 PM
انت رائع ومميز يابو سعد

فلا تنقل الا كل رائع ومميز


لك تحياتي

مشاري بن نملان الحبابي
25-01-2009, 08:58 PM
أرحب يا بو سعد ..

القصيدة للشاعر مرير الحبيل العتيبي ..

وهي من أداء مهنا العتيبي ..

لاهنت يا مبدع الشبكة ..

سعيد بن مانع
25-01-2009, 10:13 PM
لاهنت على النقل الأكثر من رائع

ومرير الحبيل من شعراء الساحه الجزلين الذين يستحقون المتابعه

سعيد الجهيمي
26-01-2009, 01:43 PM
ارررررررررررررررررررررررررررحـــــــــــــــب ملاييييييييييييييين يا ابو سعد

والله انك غالي يا مترك والشاهد الله

وألــــــــ 1000 ـــــــف مبرووووووووووووكـ والله يزيدك من فضله ويطول عمركـ ,,,,, وتستاهل العلم الغانم.



وتسلم على الإهداء يا كحيلان وانت وااااااااافــــــــــي جعل ايامك سنين

والحمد لله انك رجعت بعد طول غياب



تـرى لـك عـنـا غـيـاب عــده أشـهـوره
ترى الجماعه هلو مـا رودك اعطاشـي


سولـف علـوم ذهـب مـا هيـب مثـبـوره
ثـم قــال هــذا علـومـي وردت كـاشـي


وصح الله لسان العتيبي مرير وسلمت يمناكـ من العطب يا ابو سعد


وصل اهدائك ولا هنت يا الفهري

ابن خضير
02-02-2009, 10:00 PM
أشكركم جزيل الشكر.. على هذا المرور العطر
وقد تشرفت به ...والله يعطيكم العافيه..
وتقبلو تحيتي