المساعد الشخصي الرقمي

مشاهدة النسخة كاملة : مبارك بن حاضــر واخـر ماكتـب ((كأس المـوده))


عبدالله السحيمي
16-01-2009, 01:19 AM
بسم الله الرحمن الرحيم

السلام عليكم ورحمة الله وبركاته


اسعد الله ايامكم بكل خير

اطرح لكم قصيده للـ الشــاعــر/مبارك بن حاضـــــر





سبحان من جمـّـع مزايا الحلا فيك = عقل. و جمال. و ثقل. و شعور. و احساس

محدن على وجه البسيطه يحاليك= اختص فيك الزين من بدّت الناس

اساورك !! غارت من انعومة ايديك= و الجيد الاتلع مبتلي عقد الالماس

و انا بعد فتنتني يا محاكيك = فتنة بسوس لقوم تغلب و جسـّـاس

طيفك يناديني .. و نبضي يلبيك = و اقرا حروف اسمك معا كل هوجاس

من كثر ما عيني و قلبي تراعيك = وسوست بك و اعوذ من كل وساس

اي والله احبك و اقدرك و اغليك = محبة ٍ يا صاحبي مالها قياس

احب من حبك .. و اعادي معاديك = و اسل سيفي و البس الدرع و الطاس

و آصلك .. لو موتي على شوف عينيك = متفاني(ن) في الود ماصابني ياس

بس اسقني كاس المودة و انا اسقيك = ترى عروق القلب ماهيب يبـّـاس

و لاتخليني عسى الله يخليك = وضعي معك حسـّـاس .. و القلب حسـّـاس

كن الوصل عقب الجفا يوم الاقيك = ربح التجارة للغني عقب الافلاس

و كن الجفا عقب الوصل يوم اناديك = كبت المشاعر في زمن كتم الانفاس

مشاري بن نملان الحبابي
16-01-2009, 02:05 AM
لاهنت على النقل يا بو محمد ...

وصح لسان مشرفنا وشاعرنا ابن حاضر ..

سعيد بن مانع
16-01-2009, 02:07 AM
ارررررررررررررررحب يابوعابد


ولاهنت ع النقل الجميل لاخونا مبارك

عبدالله بن غفره
16-01-2009, 02:12 AM
صح لسانك يامبارك


قصيدة رائعه وغير مستغربه منك


ولاهنت ياعبدالله اختيار رائع وجزل

خالد الجروي
16-01-2009, 07:10 AM
الله الله

متميز يأبو محمد في كل موضوع

تقبل تحياتي

اخوك

عبدالهادي ابن مشتح
16-01-2009, 01:43 PM
السـلام عليكـم ورحمـة الله وبركاتـه

مسـاء الخيـر / النـووور ..

آآآالله .. آآآالله ..
مـا شـاء الله عليـك يـا بـن حـاضـر ..
صـح لسـانك .. وأعتــلا شـانـك ..

ولاهنـت يـا عبدالله علــى الأختيـار ..

كـُْ ـُْل الـُْ ـُْـود

نايف راكان
16-01-2009, 02:40 PM
لاهنت يابو محمد على النقل الرائع لشاعر مبارك ابن حاضر


قصيده جميله



مشكووور

مبارك بن حاضر
16-01-2009, 06:12 PM
ارحب يابو محمد

بيض الله وجهك على نقل القصيدة

و انا والله اني ناوي انزلها

لكن خدمتني و الله يجمل حالك


و صحت ابدانكم جميع

و الله لايهينكم

شرفتوني



لاعدمتكم


.

سفر بن مبارك
23-01-2009, 05:05 PM
أستاذنا الكريم/عبدالله السحيمي شكر الله لك على هذا النقل الموفق وتقبل خالص تحياتي...................

شامانـ العاطفي
23-01-2009, 05:57 PM
صح لسانك يابو فيصل..

مبدع في ذمتي ..

ويعطيك العافية يابو محمد ..