بطي مسفر الحبابي
09-01-2009, 09:57 PM
الشعر وزنه ومعناه وقوافيه = شعاره المبدعين، أصفوفه، أعلامه
الملعبه والقناوات الفضائيه = جمهوره اللي تحب الشعر بقسامه
النظم والرد وأحرفه الهجائيه = حسن الخلق والكرم والطيب وانسامه
تنعي بشدة وحسره فيصل العيه = اللي عسى جنت الفردوس لعظامه
الشعر عايش بمأساةٍ حقيقيه = الحزن خيم عليه ونكّس أعلامه
فقده على عزوته حماية الهيه = وعلى القبايل مثل عزوته واحزامه
فيصل من أركان ساحتنا الخليجيه = في شعره وفعله وموقفه وأقدامه
شيد صروحٍ على الإبداع مبنيه = ورفع مقام الشعر وافنى له أعوامه
غنا فحبه لموطنه السعوديه = ولنصرة الدين ولحبه لحكامه
موته فجيعه لكن قدرة إلاهيه = مايجزع المسلم اللي حافظ اسلامه
وأنا رثيته من أحزاني بمرثيه = والشاعر شعوره يعبر عن آلامه
لوكان مالي معرفه معه شخصيه = أحزن ليا مات رجل شامخ الهامه
ومن يوم صياف مات وفيصل العيه= وإنكان غاب ابن شايق باقي أيامه
يحسن عزا ساحه الشعر الخليجيه = والشعر مالومه إليا نكس أعلامه
الملعبه والقناوات الفضائيه = جمهوره اللي تحب الشعر بقسامه
النظم والرد وأحرفه الهجائيه = حسن الخلق والكرم والطيب وانسامه
تنعي بشدة وحسره فيصل العيه = اللي عسى جنت الفردوس لعظامه
الشعر عايش بمأساةٍ حقيقيه = الحزن خيم عليه ونكّس أعلامه
فقده على عزوته حماية الهيه = وعلى القبايل مثل عزوته واحزامه
فيصل من أركان ساحتنا الخليجيه = في شعره وفعله وموقفه وأقدامه
شيد صروحٍ على الإبداع مبنيه = ورفع مقام الشعر وافنى له أعوامه
غنا فحبه لموطنه السعوديه = ولنصرة الدين ولحبه لحكامه
موته فجيعه لكن قدرة إلاهيه = مايجزع المسلم اللي حافظ اسلامه
وأنا رثيته من أحزاني بمرثيه = والشاعر شعوره يعبر عن آلامه
لوكان مالي معرفه معه شخصيه = أحزن ليا مات رجل شامخ الهامه
ومن يوم صياف مات وفيصل العيه= وإنكان غاب ابن شايق باقي أيامه
يحسن عزا ساحه الشعر الخليجيه = والشعر مالومه إليا نكس أعلامه