قصيد هـ للشاعره : نوره أل رشيد( رحمها الله )؟؟؟؟؟

[ابو سالم الريس]

اخواني ابكي والقصـور الفليحـة
اخوانـي اللـي لابغـوا لازم تـم

ياما انتخوا باسمي ليا حل صيحـة
اليا انتخو بي كافر الجـن يسلـم

اسمي كما نجم(ن) ضرب قاع بيحة
أو الصواقع يـوم للضلـع ترجـم

نورة أنا أخـت الشيـوخ الفليحـة
أبوي حاكم وأخوتي صفـوة الجـم

ياحيف حايل فارقن ريـح شيحـة
بذيك الشفايا تقل ماقيل لـي سـم

محمد طلال اللي جـرح القريحـة
ناس(ن) بنا خانوا وناس(ن) بنا نم

خانو بحايـل كاسبيـن الفضيحـة
وأهل العمايم جعلهم فـي جهنـم

أهـل حايـل يدعـون النصيحـة
جهال بـدو مـا تعـرف التيمـم

لابد من صلف الهوى يزيل ريحـة
ومثلي يذوق لوعة الغبـن والغـم

يالعبد عقب العز كبـدي جريحـة
حب الوطن يالعبد من عصـر آدم

ياعبد هذي من حكايـا الفضيحـة
خل السهر لي وإنت يالعبد قم نـم

من أول ياعبد نأمرك تجيب الذبيحة
واليوم ياعصر الندم صرت لي عم
http://89.144.96.107/~alhorac/showthread.php?t=35624

[سعيد الجهيمي]

صح لسانه بنت ابن رشيد

وصراحه قصيده قوووووووووويه ومعانيها متجليه و واضحه

ولكن ما يدوم الا الله سبحانه

لا هنت يالذيب على النقل

[خادم والديه العبدي]

الله لا يهينك ويعطيك العافيه

تحياتي000000اخوك

[شامانـ العاطفي]

يالعبد عقب العز كبـدي جريحـة
حب الوطن يالعبد من عصـر آدم

ياعبد هذي من حكايـا الفضيحـة
خل السهر لي وإنت يالعبد قم نـم

من أول ياعبد نأمرك تجيب الذبيحة
واليوم ياعصر الندم صرت لي عم

ال رشيد سيظل تاريخهم باقي مدى الأبد ..

وبيض الله وجهك يابن ريس ..

[عبدالله بن حسن]

رحمها الله ابيات اكثر من روعه