خالد الجروي
15-12-2008, 12:04 AM
بسم الله الرحمن الرحيم
يالله يا منشي صدوق المخاييل=يا مولج البحرين يا عالم الغيب
رجواي صخر لي دروب التساهيل=وأعوذ بك من طرقة الريع والعيب
جور علي وقتي ولا عاد بي حيل=كدر زماني صافيات المشاريب
لايا وجودي يا زمان الغرابيل=أحرمتني من جمعت العز والطيب
من كنة الجوزاء ليا طلعت سهيل=وعيني ترف ورمشها بان به شيب
همي ضوامي والمحاني غدت غيل=قامت تلوج بخاطري دون ترتيب
عج الرمك يشعف قلوب المشاكيل=ولا الردي يقرعه صفق المشاعيب
ولي لابة" فالوغا تعدل الميل=جروية" ترقا فعالي المراقيب
هل سربة" تطرب نفسون مغاليل=وغريمهم ما أمسا يفتل الأشانيب
ما يستره من بطشهم عتمة الليل=ليلين والثالث بيمسي عشا ذيب
ربعي ضياغم نجد ركابة الخيل=ستر الهنوف ألي توجد على الصيب
فجتني مع الطراش زين المراسيل=قصيدة" تكرم عن الشك والريب
قصيدة" تكشف جميع التفاصيل=مضمونها يشفي الجروح المعاطيب
عبدالله اصبر والليالي مقابيل=ورجوا الفرج يااخوك ما ظنها تخيب
لابد ما نشعل فتيل القناديل=وشمس الحكر يا سعود لابدها تغيب
بتبدل الغرفه وقيد المهابيل=بشوف جرفان الذواري المحاديب
في مربخ" طوق على جاله السيل=أسقا الضوامي والأراضي المجاديب
وأنبت ثمام" لاطرقه الهوا يميل=ترعاه ذود" سرد كنها مشاهيب
فج النحور ألي أذنيها مهاليل=برم الفخوذ وكن ثفنها مناصيب
جرد الرقاب وشاربينن مهاديل=طويلت النسنوس حرشا عراقيب
لا درهمت وصلت بعيد المداهيل=وأن درت فلبنات ما هي بمشاحيب
لا شافها راعي الطرب والمواويل=أيشيب قافه ما جزا الفطر الشيب
وعاداتنا ما نتبع القال والقيل=وألي حكا يا سعود جعله عشا أمنيب
ولولا الشقا محد" هنته المحاصيل=ولا طعمنا لذة أشها المكاتيب
من عادة الدنيا تخل المكاييل=محزم فشل لو صاب له يوم بيخيب
شال الجمل تسعين خرج" محاميل=وأجيالنا من صاع تشكي التعاذيب
فيالله سترك من لهب واهج الويل=وأنك تجنبنا دروب السكاريب
أنت العزيز ألي عليك التواكيل=وأنت الوحيد ألي سلمت العذاريب
يالله يا منشي صدوق المخاييل=يا مولج البحرين يا عالم الغيب
رجواي صخر لي دروب التساهيل=وأعوذ بك من طرقة الريع والعيب
جور علي وقتي ولا عاد بي حيل=كدر زماني صافيات المشاريب
لايا وجودي يا زمان الغرابيل=أحرمتني من جمعت العز والطيب
من كنة الجوزاء ليا طلعت سهيل=وعيني ترف ورمشها بان به شيب
همي ضوامي والمحاني غدت غيل=قامت تلوج بخاطري دون ترتيب
عج الرمك يشعف قلوب المشاكيل=ولا الردي يقرعه صفق المشاعيب
ولي لابة" فالوغا تعدل الميل=جروية" ترقا فعالي المراقيب
هل سربة" تطرب نفسون مغاليل=وغريمهم ما أمسا يفتل الأشانيب
ما يستره من بطشهم عتمة الليل=ليلين والثالث بيمسي عشا ذيب
ربعي ضياغم نجد ركابة الخيل=ستر الهنوف ألي توجد على الصيب
فجتني مع الطراش زين المراسيل=قصيدة" تكرم عن الشك والريب
قصيدة" تكشف جميع التفاصيل=مضمونها يشفي الجروح المعاطيب
عبدالله اصبر والليالي مقابيل=ورجوا الفرج يااخوك ما ظنها تخيب
لابد ما نشعل فتيل القناديل=وشمس الحكر يا سعود لابدها تغيب
بتبدل الغرفه وقيد المهابيل=بشوف جرفان الذواري المحاديب
في مربخ" طوق على جاله السيل=أسقا الضوامي والأراضي المجاديب
وأنبت ثمام" لاطرقه الهوا يميل=ترعاه ذود" سرد كنها مشاهيب
فج النحور ألي أذنيها مهاليل=برم الفخوذ وكن ثفنها مناصيب
جرد الرقاب وشاربينن مهاديل=طويلت النسنوس حرشا عراقيب
لا درهمت وصلت بعيد المداهيل=وأن درت فلبنات ما هي بمشاحيب
لا شافها راعي الطرب والمواويل=أيشيب قافه ما جزا الفطر الشيب
وعاداتنا ما نتبع القال والقيل=وألي حكا يا سعود جعله عشا أمنيب
ولولا الشقا محد" هنته المحاصيل=ولا طعمنا لذة أشها المكاتيب
من عادة الدنيا تخل المكاييل=محزم فشل لو صاب له يوم بيخيب
شال الجمل تسعين خرج" محاميل=وأجيالنا من صاع تشكي التعاذيب
فيالله سترك من لهب واهج الويل=وأنك تجنبنا دروب السكاريب
أنت العزيز ألي عليك التواكيل=وأنت الوحيد ألي سلمت العذاريب