قصيدة شاعر عنزي في قحطان

[شالح المسردي]

هذه قصيدة لشاعر عنزي يلقب بأبو سارة العنزي قالها عندما حظر مناسبة عند أحد زملائه من قحطان

يالله يامنزل تبارك وياسين
رب الفلق والملك والطور والتين
بديت باسم الله وعلى الله توكلت
محيي هل الكهف النيامى من سنين
من بعذ ذكر اللي هداني لذكره
بهيم في قافي واجيب المضامين
والتينالحمد لله دارنا مملكتنا
وآل السعود ملوكنا والسلاطين
اخوان نوره عايشين بحماهم
وقفاتهم دايم على العسر واللين
لو خيروني بدولتن غير هذي
بختار اني ماتكونت للحين
سلام للحفل وتحيه عظيمه
من شاعرن مايخلط الصاد بالسين
عداد ماغرد على الغصن طيره
وعداد ماتنبت ورود البساتين
وعداد ماصلى بخمس الفرايض
وعداد ماكبر امام المصلين
الادمي بالكون لو زاد شانه
يبقى عصارة طين ويعود للطين
ولادايمن بالكون ياكود وجهه
والا الحياه لذه ومتاعن الى حين
سلطان تكفى ودني لآبو خالد
لتركي الفزعات خذني من الحين
هذاك ابوخالد الى من نخيته
ياقف لقلبن لاعه الهم والبين
كريم متواضع وفي الخصايل
حكيم راي وكل نسله حكيمين
له طاعتن بالعقل ماهي تونا
ولو طاعته بالجن صرنا مجانين
وان كان تنشد وش كتبت بقصيدي
كتبت مايدهش عقول الملايين
شعري كذا مايقبل افكار غيري
كنه عدد مايقبل القسمه اثنين
شيطان قاف وساكنن وسط راسي
كل ماعدمته جابت امه شياطين
يقولها من خص فكره وولف
قام الجمل ماطاح تحت السكاكين
ماقلتها مشكك ولاهي هزيله
وعشره بعشره دبلوها ثلاثين
وقل للمشكك عن خريطة قصيدي
الكرم في لبنان والسور بالصين
اخر قصيده اسمع شقلت فيها
سميتها لقحطان نعم المسمين
قومن لهم تاريخ مشرق ومنور
مايجحده ياكود ناسن جحودين
ربع الفخر واهل المعزه والامجاد
رجالهم وقت المقابل عن الفين
عند الكرامه يرخص العمر كله
قحطان لاوردوا على الموت عجلين
ماجيت ادور شهرتي من قصيدي
ولاهمني قول الصحف والعناوين
حرام ماجيت الحفل باغين شي
ماغير حبن في رجال القحاطين

[عبيد ابن جليغم]

بسم الله الرحمن الر حيم
الله يعطـيك العافيه ومشكور على النقل المميز ولاهي غريبه عليك الفعل الغانم ياخوي شالح المسردي

والقصيده طيبه وصح السان من قالها وتستاهل من قيلت فيه ****** بس عندي اضافه بسيطه بان القصيده

لشاعر /[عطاالله العنزي .......وهي مسنده الى] الشيخ /تركـــي بن خالــد بن جليــغـــم [/size]................في حفله اثناء نزايل بيته الجديد

تقبل مروري ياخ شالح وكفيت وفيت

[سعيد الجهيمي]

الله يا المسردي والقصيده الكفو

عز الله يستاهل بن جليغم القصيد وفعولهم تنومس قحطان

والله يبيض وجهك و وجه الشاعر العنزي على القصيد والنقل

و يبيض وجه عبيد بن جليغم على توضيح المعني بالقصيده

وتقبلوا المرور

[شالح المسردي]

أرحب يا عبيد

وبيض الله وجهك على التوضيح الرجال بصراحة صديق لي على الماسنجر وهو ما بين لي التفاصيل

لكن الحين وضحت ويستاهل ابو خالد ولا هي غريبه في مثله هذي القصايد

ولا هو بغريب عليكم كلكم ياال جليغم الطيب وارثينه أب عن جد .




أرحب يا سعيد

ولا عليك زود منك نتعلم طال عمرك

ويشرفني مرور أمثالك

[احمد عبدالله]

مشكووووووور يالغالي

وصح لسان الوايلي

[الوهابى]

مشكور يا شالح وصح لسان الشاعر