والد يتحسر على ولده

[داهم بن نجيم]

عبدالله انا حالي دنا منه قصاف = من وقتنا اللي تحرق الناس شمسه

لحقت مشاذيبك عديمين الأوصاف = وأنا لحقني من عنى الوقت لمسه

يابوك دن الكيف من عقب الأنكاف = وأحمس لنا قد أشقر الجمر حمسه

يا علها تطفي لواهيب الأنجاف = و تفتح نظر عين من الهم عمسه

في ديرة ما حلها كل حلاف = ولا صار تحت أشجارها دين خمسة

[سعيد بن مانع]

داهم بن نجيم .............. لاهنت لاهنت على القصيده ونقلها ....



بس ياخوك ولا ودي اعذرب ..... بغينا لو انك جايب مثلا اسم الشاعر .. او انك سردت القصه

لانه واضح من القصيده الحزن ... وان لها قصه حلووه ....


فأتمنى لو لك خلفية عنها تسرد ابوها لاهنت


واشكرك مره ثانيه على النقله ......
تحياتي

[داهم بن نجيم]

الأبيات لابن عمرة الحبابي

ومناسبتها انه له ولد اسمه عبدالله وخرجوا للبر وكان الوالد يراقب الولد ويفكر في ممستقبله
والظاهر انه خاف عليه من اهل زمننا وماشاف منه ولذلك يقول :( لحقت مشاذيبك عديمين الأوصاف...)
ثم وصف ان مالحقه هو من اهل الزمان مقارنة بما يتوقع لولده ليس الا لمسه (...وانا لحقني من عنى الوقت لمسه)

من اجمل ماسمعت من الشعر الحديث وشاعر بمثل هذة القدرة الشعار منه ودون على ما قالوا
القافية من اصعب القوافي في الصدر الف وفاء وفي العجز ثلاثة حروف ميم سين هاء
اما الفكرة فصادقة من هو اللي مايفكر في مستقبل اولاده؟؟؟؟؟؟؟؟
والتعبير والجزالة والتلميح والتشبيه ماشاء الله جعل عز قايلها يدوم على طاعته
والي يبغى يتأكد من الشعار يعلمنا وين الديرة اللي يصفها في آخر بيت؟؟؟؟؟؟؟؟؟؟؟؟؟؟؟؟

بقي على الحبابية يزيدونا من شعره

[فارس قحطان]

السلام عليكم ورحمة الله وبركاته

لاهنت ياداهم بن نجيم
قصيده روووعه في معانيها

وتم نقل القصيده الى الشعر وسوالف الاولين

[كحيلان]

الله يعطيك الف عافيه قصيده رائعه بمعنا الكلمه

والزمن هذا دواره مثل اللوم وانا اخوك

وامحق دنيا عشناها ذا الزمان

وصح السانك على النقل


ولكم جزيل الشــكر



اخوووكم / كحيلان

[الكزماني]

صح لسان الشاعر ولا هان من جابها

[تركي الفهري]

الله يعطيك العافيه

[عيد المشابيب]

فعلا قصيدة جزله ومعبرة ، زادك الله من فضله .