المساعد الشخصي الرقمي

مشاهدة النسخة كاملة : محمد بن شديد يجاري الشاعر فلاح القرقاح في قصيدة الصاطوح


عبدالله بن غفره
02-12-2008, 09:52 PM
لقد ابدع الشاعر محمد شديد العاطفي في مجاراة الشاعر الكبير فلاح القرقاح

في قصيدتة التي قالها في الشيخ / نايف الصاطوح ال شريم العاطفي

بمناسبة تبرعة بـ 30 مليون لفك رقبه ابن عمة الذي محكوم عليه بالقصاص ...


قال فلاح القرقاح في قصيدته ماهو آتي :



ياكثرالعلـوم الـي تقـال وتجـي وتــروح=ونــــاس تـصـدقـهـا ونــــاسٍ تـكـذبـهـا
كـــلامٍ بـلـيـا فـعــل جـســمٍ بـلـيــا روح=غـلـيــثٍ يــطــارد صــيــدتٍ ماينـيـبـهـا
ولا صدق مثل العود الازرق لاقام يفوح=تعطـربـه ادقــون الـرجــال وشـواربـهـا
وانا شاعرٍعن واجبـي مانـي بمسمـوح=واحـس بمشاعـر ربعـي الــي تحسبـهـا
والا يالجحادر سلمولي علـى الساطـوح=علـي دربـه الشيخـان حفـيـت ركايبـهـا
ثلاثيـن مليـون لرضـا ربـع واحيـا روح=عــزالله العـزيـز انــه تجـمـل وفـازبـهـا
له البيض فوق النايف من الجبال تلوح=وله الشكر من حاضر ربوعـه وغايبهـا



ومجاراة لقصيدة فلاح القرقاح من الشاعر محمد شديد العاطفي ويقول فيها :





باجاريك يالقرقاح من خاطر مشروح = وانظم طواريق القصيدة وارتبها

وانا والله اني داري انك بعيد شبوح = ونظرتك من فوق النجوم وكواكبها

وانا القرم يعجبني يامادح وياممدوح = على حلها فزعاته اللي يقوم بها

صحيح المواقف تظهر القرم والطحطوح = يهبد المخاطر كلما هاب هايبها

لاجات النضا العجلة تموح الهبايب موح = وهذا يبعدها وهذا يقربها

على خطمها لا وقفت والدمي سفوح = لاجت نايف الصاطوح صفاّ مشاربها

ابو مرحبا والباب من خلقته مفتوح = وحالة ومالة دون ربعة وواجبها

ولاهو غريب اليا بنى بالجميل صروح = ولايحسب الشيكات لاقام يكتبها

ثلاثين مليون مافيها ريا و مزوح = ولاهي كثيرة فأبن عمه لاجاكبها

ومن عهد ابونا آدم ومن عهد حتى نوح = يالين الجنايز تبتعث من نصايبها

مامثله وقف في ساعة الضيق للمجروح = ورد الامل في نفس مييس وطربها



صح لسان القرقاح وصح لسان ابن شديد ويستاهل الشيخ نايف الصاطوح

مرعي بن دواس الحبابي
02-12-2008, 10:14 PM
ابو غاده

الله يبيض وجهك
راعي علوم غانمه
صحةاللسنةالشاعرين
وبيض الله وجه الصاطوح

لاهنت لاهنت
احوك / مرعي بن دواس

سعد الجروي
03-12-2008, 01:34 AM
الشيخ :عبدالله .

الله ليهينك

دمتم سالمين

فهد العلياني
03-12-2008, 02:56 AM
صح لسان القرقاح وصح لسان ابن شديد ويستاهل الشيخ نايف الصاطوح


وبيض الله وجه الصاطوح


لاهنت

صالح ابو مريحة البشري
03-12-2008, 06:32 AM
لاهنت يا عبدالله

مشاري بن نملان الحبابي
04-12-2008, 12:15 AM
صح لسان القرقاح ولسان ابن شديد ...

ويستاهل الصاطوح المدح والثناء ...

ولاهنت على النقل ...

أبو عساف
04-12-2008, 02:23 AM
صح لسان الشعار وبيض الله وجه الصاطوح عند رفيقه

وبيض الله وجهك يابو غاده على النقل والمتابعه وعادتك العلم الغانم

تحياتي

عبد العزيزبن سعد القحطاني
04-12-2008, 01:13 PM
مشكور يابو غاده


الله لايهينك
وبيض الله وجهك