خالد الجروي
02-12-2008, 03:33 AM
بسم الله الرحمن الرحيم
نصاني ولد هادي وأنا ناوين أنصاه=وجدد جروحن قد لها عام منسيه
ذكرت الوليف ألي عجز خاطري ينساه=وليفن طواني بالهوا طي مطويه
أخايل جبينه بارقن والهلال أدناه=وعينه كما عين الوحش فوق مبريه
وخده سنا بدر الدجا شع بأمحياه=وخشمه شباتن ناشها راعي أحميه
توت وكرز نرجس وكادي رحيق أشفاه=ترف النحر والخصر دلة جنوبيه
متسيدن بالحسن نصف العباد أسراه=مستيسرن كل القلوب الهواويه
جفاني يأبن هادي ولا أدري وأش ألي جاه=وراحت وعوده لحق ميعاد شاويه
أقفا وقفا الحال مني عقب فرقاه=وقلب العنا ياخوك كثرت هقاويه
وجودي يأبن هادي على شوفه ولاماه=وجود اليتيم ألي فقد شوف واليه
عندي عقب فرقاه كل الوجيه أشباه=ما أعرف وجيه البوم من وجه الأدميه
أسامر نجوم الليل وأسج في مسراه=وعيني تهل ودمعها مزن وسميه
فياجر قلبي جر دلو" علق برشاه=يجره شجاع" أتخالج ضواميه
مضا عام عقب العام والعام ذا يتلاه=وأنا أشفق عليه من الضمانه على الخيه
تفطنت بأن الحب جرحن صعيب أدواه=يرث جروحن فالمحاني رهاويه
ولا كل مبلي بيتصبر على بلواه=لزومن على صاحبه يبدي خوافيه
أمحق وليف وحب وأمحق زمن مقساه=قامت على قلبي تسردا شباريه
عفت الهوا والكيف مافادني نشواه=ولا عاد لي فالحب وأمقاربه نيه
من خوفي أن القلب يبطي على مرماه=وأيقل حيلي والغضي يردف أكويه
فيا قلب كف ولف وأحرق كبود وشاه=ومن يستر أخماله أبيستره واليه
نصاني ولد هادي وأنا ناوين أنصاه=وجدد جروحن قد لها عام منسيه
ذكرت الوليف ألي عجز خاطري ينساه=وليفن طواني بالهوا طي مطويه
أخايل جبينه بارقن والهلال أدناه=وعينه كما عين الوحش فوق مبريه
وخده سنا بدر الدجا شع بأمحياه=وخشمه شباتن ناشها راعي أحميه
توت وكرز نرجس وكادي رحيق أشفاه=ترف النحر والخصر دلة جنوبيه
متسيدن بالحسن نصف العباد أسراه=مستيسرن كل القلوب الهواويه
جفاني يأبن هادي ولا أدري وأش ألي جاه=وراحت وعوده لحق ميعاد شاويه
أقفا وقفا الحال مني عقب فرقاه=وقلب العنا ياخوك كثرت هقاويه
وجودي يأبن هادي على شوفه ولاماه=وجود اليتيم ألي فقد شوف واليه
عندي عقب فرقاه كل الوجيه أشباه=ما أعرف وجيه البوم من وجه الأدميه
أسامر نجوم الليل وأسج في مسراه=وعيني تهل ودمعها مزن وسميه
فياجر قلبي جر دلو" علق برشاه=يجره شجاع" أتخالج ضواميه
مضا عام عقب العام والعام ذا يتلاه=وأنا أشفق عليه من الضمانه على الخيه
تفطنت بأن الحب جرحن صعيب أدواه=يرث جروحن فالمحاني رهاويه
ولا كل مبلي بيتصبر على بلواه=لزومن على صاحبه يبدي خوافيه
أمحق وليف وحب وأمحق زمن مقساه=قامت على قلبي تسردا شباريه
عفت الهوا والكيف مافادني نشواه=ولا عاد لي فالحب وأمقاربه نيه
من خوفي أن القلب يبطي على مرماه=وأيقل حيلي والغضي يردف أكويه
فيا قلب كف ولف وأحرق كبود وشاه=ومن يستر أخماله أبيستره واليه