المساعد الشخصي الرقمي

مشاهدة النسخة كاملة : من قصص يام وقحطان


علي بن شداد القحطاني
23-11-2008, 11:01 PM
هذه القصة جرت على محمد بن القينه من الاسلوم من قبيلة يام المعروفه ، كان محمد جار لاآل حشيشه الخنافر قحطان والمعروف أن البادبة دائماٍ يبحثون عن الارض الصالحة لاحلالهم فقد ذهب اليامي مع جيرانه (طواف) يبحثون عن المراتع الخصبة لادباشهم وعندما وجدوا الديره اللي تناسبهم وتناسب مواشيهم رجعوا ليحضروا أهاليهم وحلالهم وتسابقوا الخنافر على غنم جارهم اليامي وحملوها إلى المكان الخصب وتركوا غنمهم وإبلهم متأخرة (إثار وتقدير للجار وهذه من شيم العرب) ولم تصل أدباشهم إلا بعد ثلاثة أيام وعندما نزلوا عنده في اليوم الرابع أوقد ناره (شب ضؤه) وضرب الهاون (النجر) وقال لولده أذبح لنا خروفين لجيراننا قبل أن يأتوا ويحلفون ولما تقهووا قال تفضلوا الله يحييكم على العشاء وقد قلت أبيات قالوا العشاء ماهو أهم عندنا لكن اسمعنا الابيات فقال في مدح جيرانه آل حشيشه وآل حشيشة بالمناسبة خوال هادي بن قرمله فقرملة هي قرملة بن هادي بن دلعان آل حشيشة الخنافر :

ياراكب اللي تو ما جاء جديدي=يعطي على ما ريد زين التواصيف
يبعد عن اللي قصرته ما تفيدي=ويقثرب من اللي قصرته لي على الكيف
يالاجنبي ياللي ديارك بعيدي=عليك باللي يكرم الجار والضيف
أنص الخنافر ضاهدين الضديدي=كسابة الطولات لا سلوا السيف
تسمن بهم عرباً سوات المعيدي=وقصيرهم يحشم ولا يلحقه حيف
كسابة للمدح قول وكيدي=قول على ما قيل ما هوب تزيف
انشر لهم بيضاء كما ثياب عيدي=بيضا لهم تبنا بروس المشاريف
بيضاء لا بن هباش وبن سعيدي=وربيع عيد الركاب المناكيف

ابن هباش هو محمد بن علي بن هباش
بن سعيدي هو جمعان بن سعيد وقيل أخوه محسن
ربيع هو ربيع بن عبدالله بن سعيد ... وجميعهم من آل حشيشه الخنافر .


وسلامتكم

شامانـ العاطفي
24-11-2008, 12:41 AM
يعطيك العافية اخوي علي على السالفة الجزلة ..

وبيض الله وجهك ونعمن بال حشيشه وال معلا والخنافر وجية ال دهيم ..

وتقبل تحيتي ..

الضويري
24-11-2008, 07:01 AM
سالفة جزلة من رجال جزل

ونعم في الخنافر كلهم

تقبل تحياتي

خادم والديه العبدي
24-11-2008, 10:41 AM
ابو شداد بيض الله وجهك وفعل الطيب ماهو غريب على ربعنا

ومدح اليامي في مكانه واذا انمدح واحد في قحطان فهو لنا كلنا

تحياتي لقحطان

العبدي الحبابي
24-11-2008, 01:47 PM
والله ونعم يالخنافر اول وتالي


انا اشهد انهم يستاهلون المدح والطيب مايستغرب من هله


لاهنت عالسالفه يابن شداد

مرعي بن دواس الحبابي
24-11-2008, 01:55 PM
الاخ علي

شكرا لك على القصه والقصيده

والخنافر يحرون بالعلوم الطيبه
لاهنت لاهنت

اخوك / مرعي بن دواس الحبابي

مشاري بن نملان الحبابي
24-11-2008, 04:09 PM
أرحب يا أبو إبراهيم ...

ولاهنت على إيراد هذه السالفة ...

محمد آل سويدان
24-11-2008, 07:07 PM
ونعم يال حشيشه وبيام ولاهنت على السالفه..

عبدالله الوهابي
25-11-2008, 11:56 AM
يعطيك العافية على الموضوع والقصة والقصيدة

لا هنت أخوي علي

عبدالوهاب آل راضي
25-11-2008, 07:54 PM
والله ومليوون نعم بنسابتنا آل حشيشه

والله لا يهينك يابن شداد

فهد هيف الحمالي
25-11-2008, 11:13 PM
لاهنت علي القصيده

والقصه الرائعه

ولاتحرمنا من القصص والشعر الطيب


وننتظر موضوعاتك الشيقه

العبدي
26-11-2008, 12:17 PM
والله ونعم بــ يام والخنافر

لاهنت يا ابو ابراهيم

فهد المعمري
02-12-2008, 06:48 AM
يستاهلون المدح والله يعز محلفنا ويقويه مع ارجال يام

علي بن شداد القحطاني
04-12-2008, 12:10 PM
- شامان العاطفي
- الضويري
- خادم والديه العبدي
- محمد السويداني
- عبدالله الوهابي
- عبدالوهاب آل راضي
- فهد الحمالي
- العبدي
- فهد المعمري .

شكرا لكم جميعاً وترقبوا مايسركم ويبرز محاسن قبيلة قحطان .

مبارك بن حاضر
04-12-2008, 01:46 PM
قصة ممتعة و تدل على وفا قحطان لخويهم و جارهم

و نعم بالخنافر و يام محلفنا


و بيض الله وجهك يابن شداد


.

عبد العزيزبن سعد القحطاني
14-12-2008, 08:30 PM
تسلم الله لايهينك

بيض الله وجهك

هبشان
15-12-2008, 09:02 AM
بيضاء لا بن هبـاش وبـن سعيـدي
وربيـع عيـد الـركـاب المناكـيـف


وستييييييين نعم بوجيه عبدالله

ولآهيب غريبه


لاهنت

خادم والديه العبدي
15-12-2008, 10:52 PM
عاشت الاسامي

لا هنت

سعيد القير
31-01-2009, 02:00 PM
يالاجنبـي ياللـي ديــارك بعـيـدي=عليك باللـي يكـرم الجـار والضيـف
أنـص الخنافـر ضاهديـن الضديـدي=كسابـة الطـولات لا سلـوا السيـف
تسمن بهـم عربـاً سـوات المعيـدي=وقصيرهم يحشـم ولا يلحقـه حيـف
كسابـة للـمـدح قــول وكـيـدي=قول على ما قيـل مـا هـوب تزيـف


كفو والله يالخنافر وعلومهم تبيض الوجه

الله لا يهينك على الموضوع