قصيدة الشاعر خالد الجروي

[خالد الجروي]

بسم الله الرحمن الرحيم
الرفيق إلي ذخرته لعجفات السنين=الله أكبر باح سده وهي باقي سعه
أن زهمني بعت دمي وجبت له الثمين=وأن زهمته زاد همي ولابه منفعه
الليالي غرته يحسب أنها ما تشين=لكن أنها لا قست والله لا أوقف معه
الرفيق أقف بصفه وذي مني يمين=لاضناه الحمل يشرلي براس أصبعه
ارتكي للحمل وأشله بزند" متين=مأرتدع يوم" غيري خوفه يردعه
العبيدي لأعتزا غمضت منه ألف عين=عزوته قبست ظفر ويل منهو ناشعه
والرفيدي لأعتزا يقسم الجمع العرين=وأبن هادي عزوة" للمعادي مخلعه
وأبن بشر" لا أعتزا يرجف القلب الرزين=وبن سنحان العزاوي ماهي تفزعه
والحبابي عزوة" كنها الحصن الحصين=ورعهم يوم الملاقا يسوي زوبعه
ياقحطان أهل الوفا في ضميري كلمتين=والله انكم فزعة إلي زمانه موجعه

[عبدالله الوهابي]

أبشر بعزك وأنا أخوك

صح لسانك على القصيدة

وعلا شأنك

وبيض الله وجهك يالقرم

[العبدي]

صح لسانك , وكفوو يا قحطاني

ونعم بـ كل من ذكرت

وننتظر جديدك


تحيّاتي

[شاهر الفهري]

اررررررررررحب يالجروي

قصيده جزله من شاعر جزل

في انتظار جديدك جعلك تحيا


دمت في حفظ الله

[سعيد بن مانع]

صح لسانك ياكحيلان ..


وياحليل من ماله عرب .. مثل قحطان



لاهنت

[خالد الجروي]

الله يبيض وجيهكم والشاعر وان اشهد ان الشاعر الي ربعه شرواكم ان ما عاد له عذر وارقو سنود والله لا يهينكم

[خالد الجروي]

الله لا يهينكم والشاعر الي ربعه شرواكم ما عاد له مجال انه يعتذر وارقو سنود انا والله ضروفي ما سمحت لي اني اشارك في امسيات او محافل لظروف دراسيه لكن والله ما انقصر منكم