المساعد الشخصي الرقمي

مشاهدة النسخة كاملة : خاص لمنتدى خوالي السلاطين


سعد آل دخيل الله
13-11-2008, 12:25 PM
أسعد الله أوقاتكم جميعاً بكل خير والمعذره على التقصير والإنقطاع الطويل عنكم والشئ الثاني حبيت أضع هذه المشاركه المتواضعه مني بين أيديكم
ولكن لي رجاء حار لمن يستطيع ولديه المقدرة على الرد لا يبخل علينا ومن لديه ملاحظه أو نقد لها لا يخفيه عنا والغرض التفاعل وأعذروني على القصور :


فـالأولـه حــيـالله الـلافــي نــديــب الــطـيـبــيـن
تـرحـيـبةٍ تـفـرق عن الطايف وتقـفي من وراه
ومعـطره بالـطـيـب لأهـل الطـيـب قـومٍ مؤمنين
تـلفي على دارٍ لهم هو تاج رأس أرض السراه
والـثـانـيه يابو رغـد وش لك بعـلم الـحـاقـديـن
أهـل الـفـتـن والكـذب والبـهـتـان وعلوم الرداه
ماتـصفـق الـيـد الوحــيـده لازمٍ تصبح يــديــن
ولا يـنـطـرد مـقـفـي بـلـيـل ولالـقي ميت دواه
عـلـم نـديـب الـقـوم كان إنه على تـقـوى وديـن
لايـتـعـب أقـدامه بدربٍ يـعـثـر اللي قـد مــشـــاه
مايدرى إن الفتـنه أكبر من وعـود الـمـصلحـين
وأحـقـادها مـتجـذره فالـقـلب لـيـن أقصى ثـراه
أكـبر نـقـيصـه قــذف بالـبهـتان نـاسٍ غـافـلـيـن
وأكبر مصيبه كانها من لابـسٍ ثـوب الــصـــلاه
وبـضـاعـة الـعـاقـل تـبـاع بـنـقـد مـاتـنـبـاع ديـن
ولا يـشـتـري سـلعه بسوق لين يـنـظر ما شراه
والجاهل اللي عن سـواته يحـسب إنا جـاهـلـيـن
نـعـرض عـنه ونـصّـد ماكن الله خلقه ولا نــراه
من مــّد لي يـمـناه سـلـم أمـّد له كـف الـيـمـيــن
ومعزبي ضيفي ولو ما ألـقى يكون لحمي قراه
ولا صّدق الكذاب لو يحلف على المصحف يمين
لأنـه مـثـل لـمح السراب أزريت أنا أحــدد مــداه
ولا عــاد قــلـبـي يـأتـمن مـيـثاق قـومٍ خـايـنـيـن
وطـبـع الخـيانه لـيـلٍ والـخاين على الظلمه سـراه
إلـيا زرعـنا ما أثـمرت وإلـيا سـقـيـنـا ما تـلـيـن
ما للـتـعــب فـيـها حـــدود ولا بـقـي فـيها حـــيـاه
وخـتامها إن كان أبو موسى يبي الخاطر يـزيـن
يـقـعـد بسـتـر الله ومثلي لا يـجي يـبحث خـفـاه
فارس ولكن ماركب للحرب من عشـرة سـنـيـن
ولاعـاد بـه شـده يـقارعها ولا أدري وش حــداه

سعد آل دخيل الله
13-11-2008, 07:01 PM
اللي شاف الموضوع 58 شخص

واللي رد عليه صفر

وش السالفه يالربع عسى ما شر من الثمانيه و الخمسين ولا واحد جاز له يرد بكلمه واحده

عايض بن علاس
13-11-2008, 07:13 PM
هلا بك ياضيف خوالك ارررررررررحب ملايين


القصيدة جزلة وانت جزل ووافي ياوجه ....



العذر والسموحة لو ماحد رد عليك فاعتقد يمكن يكونون زوار ماهم مسجلين في المنتدى


ارحب بك مرة ثانية والله يحييك بين خوالك

سعد آل دخيل الله
13-11-2008, 07:20 PM
هلا بك ياضيف خوالك ارررررررررحب ملايين


القصيدة جزلة وانت جزل ووافي ياوجه ....



العذر والسموحة لو ماحد رد عليك فاعتقد يمكن يكونون زوار ماهم مسجلين في المنتدى


ارحب بك مرة ثانية والله يحييك بين خوالك

عايض الله يبيض وجهك ويجمل حالك وشكرا على مرورك اللي يسعد

لكن والله إني مستغرب صدق منتدى السلاطين نار موقده وبالذات في العلوم ذي واللي يبي يشوف قصيدته على الميزان يشوفها هنا وين القروم كود إنه مع الجو الزين كلهم بالبر الحين أكيد أكيد وينك يالسنحاني كاشت فيه الحين ههههههههههه

صالح السنحاني
13-11-2008, 11:02 PM
اررررحبووووا يا بزيّنا << تنقال للولد من خواله


وابشرك اني كاشت في البيت ههههههههه


لا هنت على هالنص الشامخ اللي يدل على حكمتك وخبرتك

تشكرااااتي

السعيدان
13-11-2008, 11:37 PM
القصيدة جزلة وانت جزل ووافي

سعد آل دخيل الله
14-11-2008, 01:36 AM
اررررحبووووا يا بزيّنا << تنقال للولد من خواله


وابشرك اني كاشت في البيت ههههههههه


لا هنت على هالنص الشامخ اللي يدل على حكمتك وخبرتك

تشكرااااتي

إيه كذا خبري فيك وافي وعلى الهقوه

أسعدني مرورك يا سنحاني

سعد آل دخيل الله
14-11-2008, 01:37 AM
القصيدة جزلة وانت جزل ووافي

مرحبا يالسعيدان

نورت الموضوع كله بطلتك عليه

وشكرا لمرورك الكريم

سعيد الجهيمي
14-11-2008, 03:01 AM
ارحب يا ابن دخيل

وصح الله لسانك واعتلاء شانك وعلى الأخرى عانك

قصيده جزله من رجال كفو و وافي

وبالنسبه للردود ما هي بمسفوه لك

ولكن كما قالوا الأخوان ربما يكونون من الزوار يعني لا يستطيعون الرد عليك وانما التصفح فقط

لا تحرمنا من مشاركاتك معنا في كل الأقسام

وننتظر جديدك

اخوكـ البشري

سعد آل دخيل الله
14-11-2008, 04:18 AM
ارحب يا ابن دخيل

وصح الله لسانك واعتلاء شانك وعلى الأخرى عانك

قصيده جزله من رجال كفو و وافي

وبالنسبه للردود ما هي بمسفوه لك

ولكن كما قالوا الأخوان ربما يكونون من الزوار يعني لا يستطيعون الرد عليك وانما التصفح فقط

لا تحرمنا من مشاركاتك معنا في كل الأقسام

وننتظر جديدك

اخوكـ البشري

حيالله الجهيمي ومرحباً مليون

يعلم الله إنه سدني حضورك ولا هانوا الأخوان كلهم يشرفون والله

وبارك الله فيك ومشكور ياكحيلان

زيد بن جليغم
14-11-2008, 01:55 PM
الحقيقه يا سعد قصيدتك جزله وتستحق الرد السمين


بيض الله وجهك على هذا النص اللي حبكته بحرفنه شعرية رائعه


اعجبني هذا الابداع وتقبل مروري



مع خالص التقدير

سعيد بن مانع
14-11-2008, 02:06 PM
بيض الله وجهك وجمل الله حالك

قصيده جزله .. وانت شاعر جزل ..


الله يحييك بين اخوانك في محلك يالغالي

واعذرنا على التأخير ولاهو انت بمسفوط .. لكن مثل ماقلت يمكن الجو الزين اشغل العرب من النت :)


صح لسانك فديتك

سعد آل دخيل الله
14-11-2008, 08:07 PM
الحقيقه يا سعد قصيدتك جزله وتستحق الرد السمين


بيض الله وجهك على هذا النص اللي حبكته بحرفنه شعرية رائعه


اعجبني هذا الابداع وتقبل مروري



مع خالص التقدير

يالله حي زيد

تو ما نورت سما الصفحه يا كحيلان ولك مني هالبيتين وأعذرني على القصور :

يا زيد دام إنك على ما يقولون ................ نـمـر ولـد نـمـر بـديـرة نـمــاره
ما فيه لوم كان مثلك يـوصـون ................ يحمي الجناب وفاهم بالأشاره

سعد آل دخيل الله
14-11-2008, 08:12 PM
بيض الله وجهك وجمل الله حالك

قصيده جزله .. وانت شاعر جزل ..


الله يحييك بين اخوانك في محلك يالغالي

واعذرنا على التأخير ولاهو انت بمسفوط .. لكن مثل ماقلت يمكن الجو الزين اشغل العرب من النت :)


صح لسانك فديتك


طولت علي يا سعيد وتمنيتك أول من يرد لعل المانع خير

ومثلك نعذره ولا نقدر نزعل منه

وشرفني والله مرورك الغالي وكلماتك وسام أتنومس به