ايش علوم الحيا

[ابن حابي]

السلام عليكم
انا مستغرب ما احد اعطانا علوم الامطار من اي منطقه ولا من اي مدينه ولا من اي قريه وكنت اتوقع اجد صور الامطار واخبارها بسهوله هنا في الشبكه

اتمنى كل واحد يعطينا علوم ديرته والمنطقه اللي هو عايش فيها

من صوبنا مابعد جانا المطر ننتظر في رجاء كريم

تحياتي 7

[ماجد الخليفي]

الله يحيك ابن حابي

قرات بعض اخبار الامطار في شريط الاهداءات

ان شاء الله يرزقكم بالامطار في ديرتكم

[أبوعوض البشري]

«®°·.¸.•°°·.¸¸.•°°·.¸.•°®»الله يغيثنا ويغيثكم الله المستعان«®°·.¸.•°°·.¸¸.•°°·.¸.•°®»

[ابومشرف]

الاخ بن حابى

لقد نشرت عدة اخبار عن الامطار على سراة عبيدة وصقر بنى بشر ..ونجران وتهامة قحطان

وتهامة جيزان ..وكلها اصابتها رحمة الله وامطارغزيرة على هذه الديار ....وجميع م\ن المملكة

ولله الحمد الا انه ما زالت بعض المناطق لم يصبها شى حتى الان ...الله يعم رحمته جميع الديار

امين يا رب العالمين

[ابن حابي]

الاخ ماجد الله يحيييك انت بنسألك عن علوم الزلازل الله يحميكم منها اما بالنسبة لشريط الاخبار فانا ماني اتابعه واجد

اشكرك وعسى الله ينزل خيره ورحمته علينا وعلى بلاد المسلمين

ابو عوض البشري اشكر لك مرورك

ابو مشرف الله يبشرك بالخير ويجعلها امطار خير ورحمه وينزل معها البركه بس ترى صقر بني بشر ماهو مقياس وانا خوك كلها صماع ولكن عسى الله ينزل الخير على عموم بلاد المسلمين

[ابن حابي]

ما اعرف من هو المشرف اللي تفضل ونقل موضوعي من المجلس العام الى مجلس الرحلات واالبدو او الباديه والرحلات الحين يامشرف يامحترم ايش في موضوضعي من الباديه ولا الرحلات ولا انت تربط المواضيع ربط تخيلي يعني اذا نزل مطر نبتت الارض اخضرت وازينت ورعت الخلفات واحلبت وزان الجو والربيع وخرجنا الى الباديه في رحله فهو موضوع عن الباديه والرحلات
ياعزيزي انا ابي الموضوع في العام لانه يهم حتى اللي مايطلعون البر ولا يحبون الباديه ولا يكشتون ولا عندهم نياسين ولا كروزرات ولا يملكون جمسات ولا عندهم شجاعه يرقدون بدون نور ولا يعرفون يشبون النار ولا يزينون دله ولا يذبحون ارنب ولا يطبخون دجاحه ولا ينسمون كفر يعني الموضوع له نصيب بسيط من الباديه بس بعد اهل القرى والهجر والمدن لهم منه نصيب اتمنى عليك تفهم الهدف من الموضوع وتنقله مره ثانيه الى العام وترى ماهو من كثر المواضيع في المجلس العام ولا من كثر الزحمه من الزوار والاعضاء الحين انا اكتب لك الموضوع وانا والسحيمي فقط اللي متواجدين

تقبل تحياتي يامشرفنا العزيز وعسى الله يدل الجميع لمافيه الخير والصالح العام
ويرحم ديرتكم وارضكم بالمطر والخير وينزل معه البركه وتكشت وتنبسط ويتوسع صدرك ويستقبل طلبي برحابة

تحياتي