خالد بن حمير الحبابي
07-11-2008, 03:47 AM
هذه قصيدة للشيخ الشاعر / حامد بن مايقه الحبابي وهي غزلية وهي طلب من الاخ سعيد الجهيمي :
طبع مركبي في الحب والموج قافيني=سبب واحد شفته ضحى اليوم لاقيني
لقاني ووقفني ووقفت كنني=مليك ملكني بالدنانير شاريني
تهولت من ما شفت ونسيت حاجتي=تعوذت من الشيطان والزين مغويني
جهرني بعين تجهر اللي يشوفها=جثيل هدبها والمحاجير ترميني
رماني وخلاني صويب وتلني=على غبة العشاق مالت موازيني
رجح وزن ميزانه بميزان فكرتي=بهرني جماله واريش العين واليني
ولاني وطوعني ودلا يقولي=علامك نسيت الحب ولا انت ناسيني
تعذرت له واقسمت بالتين والضحى=بانك غرامي دام دينك على ديني
ولا اجوز من دار تحلون حيها=ولا اصبر ولا تشتاق في غيركم عيني
ولا اقطع مواصلكم ولو حال دونكم=عدو على سبة وصالك يعاديني
ولا ردني من وصلكم حب غيركم=وانا المبتلي غير المقادير تلهيني
الا يادقيق العنق ياهايف الحشا=انا تايه في حبكم لا تخليني
وحيد حداني حادي الشوق والهوى=وانا في هواكم ميسم الحب كاويني
وانا مغرم فيكم ولو طال هجركم=على ذا الأمان وكف يمناك بيميني
تعاهدت انا وياه وانقاد بيننا=غرام المحبه زاد مابينه وبيني
سكرنا بغبات الهوى مايشوفنا=سوا اللي خلق الإنسان الأول من الطيني
تواعدت انا وياه وانفل شملنا=على نية الميعاد لي حان يرجيني
عنود براني ودها وصف عودها=كما عود موز ناعم في البساتيني
هنوف تضيم ردوفها من زلوفها=محاري ذراع تحت الأمتان تخميني
لها مبسم كن اللآلئ بثغرها=عليها جمال لي تفكرت يغريني
وانا المهتوي والمهتوي كيف ينتهي=وانا لي خصيم بالطوابير غازيني
غزتني جنود من عيونه يقودها=لها قايد بمزرج الرمح ناصيني
الا ياعذولي بالهوى طحت بالغوى=وانا ما اسمعك ياعاذلي لو تحاكيني
انا ما اسمعك في خطة كان قبلنا=عليها البشر قدامنا كان ماشيني
عليه مشى بوزيد في سالف مضى=وعنتر مع مجنون ليلى مجانيني
ولا ردهم عن مطلب الزود والعلى=على مجتمع الأخصام كانوا فراعيني
صناديد قوم يكسر الضد صوتهم=على منهج العشاق صاروا ذياهيني
وانا في الهوى ما اسير في منهج الردى=وانا لي فؤاد من هل الغش ناهيني
ولا اود بين الناس من لا يودني=ولا اساير الرديان من خوف ترديني
وانا المقتنع باللي قسم لي وصارلي=وانا عارف ان اللي وطى الناس واطيني
وانا في مجال الشعر زجيت فكرتي=على منوتي لا اعتزت الأشعار تاتيني
اراها تزاحم في حشى الصدر كنها=رعايا حيام والوراريد مضميني
تزاحم وانا انقى خيرتي من خيارها=غزير النشيد الزين لو قل يكفيني
ولانيب هذار وانا مرهي بها=وانا ادري كلام الناس لأخطيت قافيني
وانا اضمن تماثيلي من اللي يعيبها=على شان ذا قدمت مضمون تأميني
طبع مركبي في الحب والموج قافيني=سبب واحد شفته ضحى اليوم لاقيني
لقاني ووقفني ووقفت كنني=مليك ملكني بالدنانير شاريني
تهولت من ما شفت ونسيت حاجتي=تعوذت من الشيطان والزين مغويني
جهرني بعين تجهر اللي يشوفها=جثيل هدبها والمحاجير ترميني
رماني وخلاني صويب وتلني=على غبة العشاق مالت موازيني
رجح وزن ميزانه بميزان فكرتي=بهرني جماله واريش العين واليني
ولاني وطوعني ودلا يقولي=علامك نسيت الحب ولا انت ناسيني
تعذرت له واقسمت بالتين والضحى=بانك غرامي دام دينك على ديني
ولا اجوز من دار تحلون حيها=ولا اصبر ولا تشتاق في غيركم عيني
ولا اقطع مواصلكم ولو حال دونكم=عدو على سبة وصالك يعاديني
ولا ردني من وصلكم حب غيركم=وانا المبتلي غير المقادير تلهيني
الا يادقيق العنق ياهايف الحشا=انا تايه في حبكم لا تخليني
وحيد حداني حادي الشوق والهوى=وانا في هواكم ميسم الحب كاويني
وانا مغرم فيكم ولو طال هجركم=على ذا الأمان وكف يمناك بيميني
تعاهدت انا وياه وانقاد بيننا=غرام المحبه زاد مابينه وبيني
سكرنا بغبات الهوى مايشوفنا=سوا اللي خلق الإنسان الأول من الطيني
تواعدت انا وياه وانفل شملنا=على نية الميعاد لي حان يرجيني
عنود براني ودها وصف عودها=كما عود موز ناعم في البساتيني
هنوف تضيم ردوفها من زلوفها=محاري ذراع تحت الأمتان تخميني
لها مبسم كن اللآلئ بثغرها=عليها جمال لي تفكرت يغريني
وانا المهتوي والمهتوي كيف ينتهي=وانا لي خصيم بالطوابير غازيني
غزتني جنود من عيونه يقودها=لها قايد بمزرج الرمح ناصيني
الا ياعذولي بالهوى طحت بالغوى=وانا ما اسمعك ياعاذلي لو تحاكيني
انا ما اسمعك في خطة كان قبلنا=عليها البشر قدامنا كان ماشيني
عليه مشى بوزيد في سالف مضى=وعنتر مع مجنون ليلى مجانيني
ولا ردهم عن مطلب الزود والعلى=على مجتمع الأخصام كانوا فراعيني
صناديد قوم يكسر الضد صوتهم=على منهج العشاق صاروا ذياهيني
وانا في الهوى ما اسير في منهج الردى=وانا لي فؤاد من هل الغش ناهيني
ولا اود بين الناس من لا يودني=ولا اساير الرديان من خوف ترديني
وانا المقتنع باللي قسم لي وصارلي=وانا عارف ان اللي وطى الناس واطيني
وانا في مجال الشعر زجيت فكرتي=على منوتي لا اعتزت الأشعار تاتيني
اراها تزاحم في حشى الصدر كنها=رعايا حيام والوراريد مضميني
تزاحم وانا انقى خيرتي من خيارها=غزير النشيد الزين لو قل يكفيني
ولانيب هذار وانا مرهي بها=وانا ادري كلام الناس لأخطيت قافيني
وانا اضمن تماثيلي من اللي يعيبها=على شان ذا قدمت مضمون تأميني