زيد بن جليغم
03-11-2008, 06:12 PM
اعضاء شبكة قحطان الاوفياء
اعتذر عن انقطاعي الفترة الماضية ... وهذه القصيدة للتواصل
البعد والفرقا على مر الأيام=من سنة الدنيا ولا هي غريبة
الايام دوّارة ولظروفها احكام=والانسان ما يكتب له الا نصيبه
وبعد القلوب اشد من بعد الأجسام=بعض القلوب شتات لو هي قريبة
وبعض القلوب يقودها الود بإخطام=طرقٍ على خشوم الظروف الصعيبة
لو بعدها بعد اليمن عن قرى الشام=من بينها جسور المحبة قطيبة
شرع القلوب البيض من ماض الاعوام=دايم وعرق الطيب ينبض بطيبه
واهل الوفا لاهل الوفا دايم حشام=من خلقت آدم لين يفنون صيبه
في بعضهم ما همهم لوم لوّام=لو كلٍ اله اسمٍ واصل يعتزيبه
ذا من ضنا حام وهذا من ضنا سام=من بينهم قدر النفوس النجيبة
وشلون لو انهم قرابات وارحام=من يجهل شعور القريب لقريبه
قدر وغلا والدم والعرق لزّام=واخوان في الثنتين ما فيه ريبه
اخوةٍ في الاصل واخوة اسلام=هي راس مال اهل الاصول العريبه
وحنا ضنا عودٍ ثرى الارض له ضامّ=لعل مثواه الجنان الرحيبة
عاش وخذا قسمه من خيار الاقسام=وورّث لنا مجدٍ ما زال انهنيبه
ورحل من الدنيا بعد ما ارّث اقوام=قبايلٍ مثل البحور المهيبة
سجوا ثرى شبه الجزيرة بالأقدام=وكل(ن) يهمّه شانه ومشتقيبه
ويدّور لرزقه وفي سيره اهمام=دوّارت اللي غاديٍ له ذهيبة
وان حل في دارٍ وحظه بها قام=تريّح ونزّل شداد النجيبة
وعيّن من الله خير وارتاح واقام=واللي من الله كاتبٍ له رضيبه
وخلّف حرارٍ له معاضيد وحزام=ربوا على عز ومعزه وهيبه
عاشوا بعز وماتوا بعز واكرام=يوم الردي لا ما انفقد ما دريبه
وتوالت الاجيال والخير دوّام=مثل الغروس اللي بالارض الخصيبة
وحنا امتداد اجيال وافين الاذمام=منهاجهم نفخر به ونقتديبه
في كل شبر من الوطن عزّنا دام=(شواهد المجد العريق) تحكي به
وارض الجنوب لمجدنا فيه مرسام=ومنزالنا في نجد راس الرقيبة
جينا واخذنا حقنا وافي وتام=بمواقف(ن) راس الغليّم تشيبه
وعزوم ومصامخ طحاطيح وزحام=ما هو بحب خشوم والا طليبة
صحيح كان الظلم سايد والاوهام=ووقتٍ ظلام الجهل به يندعيبه
حتى شلع نور الفرج ستر الاظلام=ومن الشمال الشرقي اقبل نديبه
بشاير الرفعة مع حكم الامام=عبدالعزيز اللي عسى الله يثيبه
زال الظلام وسيّر الركب قدّام=وحكّم بشرع الله وسنة حبيبه
ولم الشمل والتمت قلوب الاخصام=وساد العدل والظلم عوّد بخيبة
وتوحدت دار الشريعة والاسلام=امن الخليج الين مكة وطيبة
ومن تبوك وما ورى حدها شام=ما رده الخالي وحقل أبو شيبة
وتحولت للواقع آمال وأحلام=وأقفت حناديس الظلام العصيبة
واليوم حنا في رغد عيش وانعام=بفضل من لا يعلم الناس غيبه
وفي ظل حكّام(ن) ما هم بأي حكّام=هم سيفنا اللي في اللقا نحتسيبه
إخوان نورة غدة الضد لا زام=سور البلد من دون طمعة حريبه
ويعيش ابو متعب عسى ايامه اعوام=ولعل ثوب العافية يكتسي به
وجميعنا لأرض الحرمين خدّام=نموت ما نرضى عليها غليبة
وتبت يدين اللي نواها بالإجرام=اللي نسى ثديٍ رضع من حليبه
ما هوب منّا كل خوّان واخمام=ولا له مكان(ن) بيننا وش نبي به
وصل الله وسلم على سيد الأنام=اخير ما نبدابه وننتهي به
اعتذر عن انقطاعي الفترة الماضية ... وهذه القصيدة للتواصل
البعد والفرقا على مر الأيام=من سنة الدنيا ولا هي غريبة
الايام دوّارة ولظروفها احكام=والانسان ما يكتب له الا نصيبه
وبعد القلوب اشد من بعد الأجسام=بعض القلوب شتات لو هي قريبة
وبعض القلوب يقودها الود بإخطام=طرقٍ على خشوم الظروف الصعيبة
لو بعدها بعد اليمن عن قرى الشام=من بينها جسور المحبة قطيبة
شرع القلوب البيض من ماض الاعوام=دايم وعرق الطيب ينبض بطيبه
واهل الوفا لاهل الوفا دايم حشام=من خلقت آدم لين يفنون صيبه
في بعضهم ما همهم لوم لوّام=لو كلٍ اله اسمٍ واصل يعتزيبه
ذا من ضنا حام وهذا من ضنا سام=من بينهم قدر النفوس النجيبة
وشلون لو انهم قرابات وارحام=من يجهل شعور القريب لقريبه
قدر وغلا والدم والعرق لزّام=واخوان في الثنتين ما فيه ريبه
اخوةٍ في الاصل واخوة اسلام=هي راس مال اهل الاصول العريبه
وحنا ضنا عودٍ ثرى الارض له ضامّ=لعل مثواه الجنان الرحيبة
عاش وخذا قسمه من خيار الاقسام=وورّث لنا مجدٍ ما زال انهنيبه
ورحل من الدنيا بعد ما ارّث اقوام=قبايلٍ مثل البحور المهيبة
سجوا ثرى شبه الجزيرة بالأقدام=وكل(ن) يهمّه شانه ومشتقيبه
ويدّور لرزقه وفي سيره اهمام=دوّارت اللي غاديٍ له ذهيبة
وان حل في دارٍ وحظه بها قام=تريّح ونزّل شداد النجيبة
وعيّن من الله خير وارتاح واقام=واللي من الله كاتبٍ له رضيبه
وخلّف حرارٍ له معاضيد وحزام=ربوا على عز ومعزه وهيبه
عاشوا بعز وماتوا بعز واكرام=يوم الردي لا ما انفقد ما دريبه
وتوالت الاجيال والخير دوّام=مثل الغروس اللي بالارض الخصيبة
وحنا امتداد اجيال وافين الاذمام=منهاجهم نفخر به ونقتديبه
في كل شبر من الوطن عزّنا دام=(شواهد المجد العريق) تحكي به
وارض الجنوب لمجدنا فيه مرسام=ومنزالنا في نجد راس الرقيبة
جينا واخذنا حقنا وافي وتام=بمواقف(ن) راس الغليّم تشيبه
وعزوم ومصامخ طحاطيح وزحام=ما هو بحب خشوم والا طليبة
صحيح كان الظلم سايد والاوهام=ووقتٍ ظلام الجهل به يندعيبه
حتى شلع نور الفرج ستر الاظلام=ومن الشمال الشرقي اقبل نديبه
بشاير الرفعة مع حكم الامام=عبدالعزيز اللي عسى الله يثيبه
زال الظلام وسيّر الركب قدّام=وحكّم بشرع الله وسنة حبيبه
ولم الشمل والتمت قلوب الاخصام=وساد العدل والظلم عوّد بخيبة
وتوحدت دار الشريعة والاسلام=امن الخليج الين مكة وطيبة
ومن تبوك وما ورى حدها شام=ما رده الخالي وحقل أبو شيبة
وتحولت للواقع آمال وأحلام=وأقفت حناديس الظلام العصيبة
واليوم حنا في رغد عيش وانعام=بفضل من لا يعلم الناس غيبه
وفي ظل حكّام(ن) ما هم بأي حكّام=هم سيفنا اللي في اللقا نحتسيبه
إخوان نورة غدة الضد لا زام=سور البلد من دون طمعة حريبه
ويعيش ابو متعب عسى ايامه اعوام=ولعل ثوب العافية يكتسي به
وجميعنا لأرض الحرمين خدّام=نموت ما نرضى عليها غليبة
وتبت يدين اللي نواها بالإجرام=اللي نسى ثديٍ رضع من حليبه
ما هوب منّا كل خوّان واخمام=ولا له مكان(ن) بيننا وش نبي به
وصل الله وسلم على سيد الأنام=اخير ما نبدابه وننتهي به