عبدالله بن عايض الفهري
29-10-2008, 03:30 AM
بسم الله الرحمن الرحيم
أعتذر عن الإنقطاع الإجباري في الفترة الماضية , وأضع بين أيديكم هذه القصيدة التي شاركت بها في إحتفال أهالي هجرة قنيفذا بمناسبة عيد الفطر لعام 1429هـ .
شوفكم يا عيال مفلح مكسب وعيديّه = بيض الله وجه راع المدح بن صبحيّه
هو سبب جمعا عيال العود في ذا الحفله = ليت كل البيض ما تالد سوا اللي زيّه
قالها اللي يفخر بربعه وذا من حقه = كيف لا . لا صار فهري ولابته فهريّه
لابة(ن) يا سعد منهم عزوته وحزامه = لا التهمهم شاش راسه في نهار الهيّه
كاسبين السمعه العليا وقولة وانعم = سمعت(ن) بالسيف وخذت ما هي بعاريّه
والفخر موصول حتى راس ابونا الشايب = شايب(ن) ارث عيال امضيم ناره حيّه
الفخر وامضيم وجهين(ن) الـ/عمله وحده = عملة الناموس ماهي عملة(ن) بنكيّه
ما رضو غير بسنام المجد قسم ومكسب = من طناخة روسهم وقفاتهم مسميّه
الرجل منهم يوصي بالسلوم عياله = مع وصاته باتباع السنّه المهديّه
ويرضع المولود قو العزم من ديد امه = منجح(ن) همته فالعليا وغيره نيّه
الكريات بدم القحطاني تحصلها = الشجاعه في كريّه والوفا فكريّه
رجلهم ما يشبع من المرجله ما يروى = يوم ولد اللاش لا هاذي ولا هاذيّه
الردي شبره عن الطاله قصير(ن) ناقص = ما وصلها كنّها صيده وسط محميّه
ومدحي الـ/قحطان ما نقّص حظوظ سواهم = ومن ارشاش الطيب ما به ديرة(ن) منسيّه
واعذروا عبدالله الفهري إذا انّه قصّر = المشاعر ترجمتها وزن مع قافيّه
وكل مدح(ن) في حدود الصدق يزهى الشاعر = ودامني فهري فانا افخر لابتي فهريّه
وسلامتكم
أعتذر عن الإنقطاع الإجباري في الفترة الماضية , وأضع بين أيديكم هذه القصيدة التي شاركت بها في إحتفال أهالي هجرة قنيفذا بمناسبة عيد الفطر لعام 1429هـ .
شوفكم يا عيال مفلح مكسب وعيديّه = بيض الله وجه راع المدح بن صبحيّه
هو سبب جمعا عيال العود في ذا الحفله = ليت كل البيض ما تالد سوا اللي زيّه
قالها اللي يفخر بربعه وذا من حقه = كيف لا . لا صار فهري ولابته فهريّه
لابة(ن) يا سعد منهم عزوته وحزامه = لا التهمهم شاش راسه في نهار الهيّه
كاسبين السمعه العليا وقولة وانعم = سمعت(ن) بالسيف وخذت ما هي بعاريّه
والفخر موصول حتى راس ابونا الشايب = شايب(ن) ارث عيال امضيم ناره حيّه
الفخر وامضيم وجهين(ن) الـ/عمله وحده = عملة الناموس ماهي عملة(ن) بنكيّه
ما رضو غير بسنام المجد قسم ومكسب = من طناخة روسهم وقفاتهم مسميّه
الرجل منهم يوصي بالسلوم عياله = مع وصاته باتباع السنّه المهديّه
ويرضع المولود قو العزم من ديد امه = منجح(ن) همته فالعليا وغيره نيّه
الكريات بدم القحطاني تحصلها = الشجاعه في كريّه والوفا فكريّه
رجلهم ما يشبع من المرجله ما يروى = يوم ولد اللاش لا هاذي ولا هاذيّه
الردي شبره عن الطاله قصير(ن) ناقص = ما وصلها كنّها صيده وسط محميّه
ومدحي الـ/قحطان ما نقّص حظوظ سواهم = ومن ارشاش الطيب ما به ديرة(ن) منسيّه
واعذروا عبدالله الفهري إذا انّه قصّر = المشاعر ترجمتها وزن مع قافيّه
وكل مدح(ن) في حدود الصدق يزهى الشاعر = ودامني فهري فانا افخر لابتي فهريّه
وسلامتكم