المساعد الشخصي الرقمي

مشاهدة النسخة كاملة : السرااااااااب


سعيد ابو ديه
24-10-2008, 02:29 AM
بدايتها بذكر الله والتسبيح والتهليل=ابا اتعوذ من الشيطان واسم الله نسمي به
سبحانه منزل التورات والقرأن ولأنجيل=إله باحسن الاسماء تسما واسمه ابدي به
بعد ذكره بديت السالفه والشرح والتفصيل=ابا اعبر عن شعوري وللمعنى تعاجيبه
معا دومة التفكير يسري بي ظلام الليل=وانا ادري انه يتيه اللي ظلام اللييل ساريبه
ظلام وليل براق ورعد وانا ابدوي وخيل=وهاجوسي رجيف العاصفه يقبل ويقفي به
انا محتار في معنى سؤال ليس له تحليل=كسور وظرب قسمه جمع يامكثر تحا سيبه
عجب علامة استفهام ما نلقى لها تأويل=ياعل الشاعر الفاهم سؤال سعيد يدريبه
يامخبل راعي الخيمه بناها في طريق السيل=رقد بامان مير السيل تالي اللل غاديبه
ومن يزرع بذور الثوم ما يجني ثمرها هيل=ولا نجني الزهر من غصن عرق الحنظله صيبه
وذرة ملح ما تهّمج عذوبة نهر النيل=ودون الجوهره غبة بحر والبحر له هيبه
وراعي الذود لله العجب يحلب مطايا حيل=يبا در من الحايل ولكن حصل الخيبه
سراب القائله يخدع بريقه للنظر تظليل=بريقه يخدع الظامي بعيد وصعب تقريبه
نجوم الليل لو تكثر يضيعها طلوع سهيل=ونوره بينها صاطع بلا شكٍ ولا ريبه
وضلع طويق ما ينزاح واقفا جيل واقبل جيل=ومن دارت به الدنيا وعاندها بدا شيبه
ونا بارجّح الميزان ياهل العرف ووفي الكيل= وبا ابدي حسنة الطيب ولا باكشف عذاريبه
صليل السيف يعجبني ويطربني صهيل الخيل=وراعي السيف لا ثور عجاج الخيل يومي به
هذي حقيقة الواقع ماهو وهم ولا تمثيل=اصم ابكم عما مجنون مدري ويش اسوي به
تفكر ياوسيع العرف بين العدل مدري الميل=وراعي العرف نظربه مثل وسمه نماريبه
ولا ينقال قولٍ يارجال المعرفه قد قيل=ومن يبدي عيوب الناس مفضوح وبدا عيبه
احب اهل المعرفه والمعرفه لاهلها تفضيل=نهايتها سلام اسلام للعراف نثني به

سعيد ابو ديه
25-10-2008, 12:35 AM
؟؟؟؟؟؟؟؟؟؟؟

شاهر الفهري
25-10-2008, 12:44 AM
جزاك الله خير اخي الفاضل


قصيده جزله من شاعر جزل



اتمنى تسجيل مروري المتواضع على صفحتك الراقيه

لك مني كل التقدير والمحبه

@تركي السنحاني@
25-10-2008, 04:13 AM
صح لسااااااانك يابو مبارك


وبيض الله وجهك



مبدع اينما كنت


تقبل مروري

محمد بن مسفر بن جليد
23-03-2010, 02:50 AM
الله لايهينك ويبيض وجهك يا لقرام سجل اعجا بي