جبران بن عتمه
24-10-2008, 02:16 AM
بسم الله الرحمن الرحيم
السلام عليكم ورحمة الله وبركاته
كأول مشاركة فعلية لي في هذا المجلس حبيت أفتتحها بقصيدة
أتمنى أن تصل إلى مستوى ذائقتكم الشعرية وإن كان فيها هاه ولا هاه لا تبخلون علينا أبد
ما نستغني من نصائحكم وملاحظاتكم
طبعاً كلنا نعرف وش معنى الخوة وما هي واجباتنا نحوها
وكثيراً ما نتعرض للصدمات من أشخاص كانوا بمثابة أخوياء لكن بعدما وقعوا في المحك الحقيقي والإختبار
طلعوا أخوياء سعة ويا كثرهم في وقتنا هذا الله يجيركم
عديت بالمرقـاب وأوميـت بالـراس = أرعـى نجـوم الليـل بآخـر رحيلـه
شبيت ضوي في الفلا ما معـي نـاس = يـا زينهـا إليـا تهـاوت شليـلـه
يوم يتقلـب بنّهـا بحضـن محمـاس = وتفـوح ريحـة زعفرانـه وهيـلـه
من دلّة الرسلان ماهي مـن الطـاس = الكيـف يغـدق مـن نحرهـا مسيلـه
أداعـي أفكـارٍ ويدعينـي هوجـاس = قمـت اتزهـب واعتـزي للدخيـلـه
فكره دخيلـه صادقـة ود واحسـاس = من يحتميها يبشر انهـا اتحكـي لـه
ضميتها لبنات فكـري علـى السـاس = ومن وجدهـن هليـت شعـرٍ وشيلـه
هاضت هجوسي من بعد هب نسنـاس = قلّطتهـا بيـن الـبـروق ومخيـلـه
بدا الزمـن يرهـي عليّـه بالأتعـاس = جبّـار ومـزون التعـاسـه دليـلـه
حطم خفوقٍ صابـه اليـوم وسـواس = وأسقى عروق الجسـم مـرُ ومليلـه
هذا الزمن شحيـح بأوقـات الأونـاس = حتـى يدينـه للكـدر مــا تشيـلـه
الأخوياء للرجل أغلـى مـن المـاس = عونـه ليـا صكتـه بقعـاء بميلـه
يا كم صديقٍ تذخـره لا حصـل بـاس = وتعـدّه لسـود الليـالـي الجهيـلـه
تلقاه في وقـت الرخـا دوم مقيـاس = وإليا بـلاك الوقـت مـا يرتكـي لـه
فارقتهم صدقـان وأحبـاب وجـلاس = مـا بـاقـي إلا ذكـريـات عليـلـه
في وحدتي مرتـاح وأسـج الأنفـاس = والبعـد أرحـم مـن حيـاةٍ هميـلـه
مما جرى قمت أضرب أخماس وأسداس = يا وجـد روحـي يالليالـي الطويلـه
وسلامتكم جميع
طبعاً مانيب شاعر إلا على قد الحال بس المواقف تجبر الشخص يكتب ويعبر عن اللي داخله
تقبلوا ما كتبت .. لاعدمناكم
.
السلام عليكم ورحمة الله وبركاته
كأول مشاركة فعلية لي في هذا المجلس حبيت أفتتحها بقصيدة
أتمنى أن تصل إلى مستوى ذائقتكم الشعرية وإن كان فيها هاه ولا هاه لا تبخلون علينا أبد
ما نستغني من نصائحكم وملاحظاتكم
طبعاً كلنا نعرف وش معنى الخوة وما هي واجباتنا نحوها
وكثيراً ما نتعرض للصدمات من أشخاص كانوا بمثابة أخوياء لكن بعدما وقعوا في المحك الحقيقي والإختبار
طلعوا أخوياء سعة ويا كثرهم في وقتنا هذا الله يجيركم
عديت بالمرقـاب وأوميـت بالـراس = أرعـى نجـوم الليـل بآخـر رحيلـه
شبيت ضوي في الفلا ما معـي نـاس = يـا زينهـا إليـا تهـاوت شليـلـه
يوم يتقلـب بنّهـا بحضـن محمـاس = وتفـوح ريحـة زعفرانـه وهيـلـه
من دلّة الرسلان ماهي مـن الطـاس = الكيـف يغـدق مـن نحرهـا مسيلـه
أداعـي أفكـارٍ ويدعينـي هوجـاس = قمـت اتزهـب واعتـزي للدخيـلـه
فكره دخيلـه صادقـة ود واحسـاس = من يحتميها يبشر انهـا اتحكـي لـه
ضميتها لبنات فكـري علـى السـاس = ومن وجدهـن هليـت شعـرٍ وشيلـه
هاضت هجوسي من بعد هب نسنـاس = قلّطتهـا بيـن الـبـروق ومخيـلـه
بدا الزمـن يرهـي عليّـه بالأتعـاس = جبّـار ومـزون التعـاسـه دليـلـه
حطم خفوقٍ صابـه اليـوم وسـواس = وأسقى عروق الجسـم مـرُ ومليلـه
هذا الزمن شحيـح بأوقـات الأونـاس = حتـى يدينـه للكـدر مــا تشيـلـه
الأخوياء للرجل أغلـى مـن المـاس = عونـه ليـا صكتـه بقعـاء بميلـه
يا كم صديقٍ تذخـره لا حصـل بـاس = وتعـدّه لسـود الليـالـي الجهيـلـه
تلقاه في وقـت الرخـا دوم مقيـاس = وإليا بـلاك الوقـت مـا يرتكـي لـه
فارقتهم صدقـان وأحبـاب وجـلاس = مـا بـاقـي إلا ذكـريـات عليـلـه
في وحدتي مرتـاح وأسـج الأنفـاس = والبعـد أرحـم مـن حيـاةٍ هميـلـه
مما جرى قمت أضرب أخماس وأسداس = يا وجـد روحـي يالليالـي الطويلـه
وسلامتكم جميع
طبعاً مانيب شاعر إلا على قد الحال بس المواقف تجبر الشخص يكتب ويعبر عن اللي داخله
تقبلوا ما كتبت .. لاعدمناكم
.