المساعد الشخصي الرقمي

مشاهدة النسخة كاملة : تكفووووون يا عيال قحطان

عذبي الشرقية
22-07-2005, 05:49 AM
انا طلبي منكم يا الاجاويد مقطع صوتي لتركي 2000
مدري سمعتوه ولا للحين المهم
انا يغني ويقول في بدايتها
ماني بمجازيك بيصدك وهجرانك
يا ليت الي سمعها يجيبها لنا هنا
ويكون سوا خير فيني لاني بصراحة عجزت
تكفوون ردو بسرعة
العريدي
23-07-2005, 09:42 AM
نسمعك ولا نسفهك

ياخوي لاعاد تقول تكفى الله يرحم والديك ..
مضيم
07-08-2005, 02:44 AM
تكفون لا ومكثر الواو وياقحطان وجينا على وجيهنا وفى الاخير تنشد عن تركي 2001ياخوك


شكلك تجرب تكفوووون ؟??






عندي رقم السواط ينفع ؟
الهـاجري
07-08-2005, 03:56 AM
اناااااا ولد سالم


انت جيت احسبن به علم


خيل البل راعيها


تزهمناااا علشان تركي الفين


شايفنا تسجيلات المشاعر


يا جماعه ارتكز شعر راسي يوم سمعت تكفووووووون يا قحطان

الله لاتبلانا
سعيد بن مانع
07-08-2005, 07:15 AM
ابشررر ياخووووووووووووووووك بس لاتقوول تكفوون في هالأمور نفدااااك ...
وطلبك موجود ...


ماني مجازيك في صدك وهجرانك=ودعتك الله وتلقى واحد ثاني

اتعبت الاعيان والاقدام من شانك=وانته ولا شي سويته على شاني

فزيت يوم قلت اسمك وعنوانك= لوكان ما تنتمي لأسمي وعنواني

ماجيت ادورك والا اطق بيبانك=والا اترجاك مثل فلان وفلاني

انت الذي جيت لي واعلنت بلسانك= انته على شوفتي جايع وعطشاني

صدقت هجرك يالوما اثبت برهانك=واقبلت لك مندفع من كل وجداني
ما كنت افكر يجي في يوم نسيانك=وانساك وانته معاهدني ما تنساني

إلا بعد ماكتشفت الغدر باعيانك=قررت اودعك وانسى كل ما كاني

خلاص ماني بمتعني على شانك=ودعتك الله وتلقى واحد ثاني

وتحياتي لكـ
ابن شعواء
21-08-2005, 02:18 AM
يالربع ترفقو على رفيقكم وهو ما اخطا يوم زهمكم مازهمكم الا وهوعاجز ،والرجال دور الابيات ومالقاها وانتم كبرتو المسأله الله يهدينا وياكم
فارس قحطان
21-08-2005, 02:37 AM
السلام عليكم ورحمة الله وبركاته

كفووو يابن مانع ياللي جبت القصيده للرجال

واشهد انها قصيده جزله

واسمحو لي بنقلها لمجلس عذب الكلام
ذيب الليل
21-08-2005, 04:25 AM
لو كان يعرف متى تنقال تكفون يا عيال قحطان ما قالها في ذلمكان
سعيد بن مانع
21-08-2005, 05:03 AM
فارس قحطان ماعليك زوود نفداااك .... وحن خدامين عوال العم



ثاني شي حبيت اضيفه ..... لبن عمي وعزيزي ذيب الليل ......

ياخوي الرجال مااخطا وبعدين علمني متى تبيه يقولها في حررب ؟؟؟ ولا في نهب وغزو ؟؟؟

الحمد لله راح زمانهاااا



وبعدين نفداااك السالفه انتهت يعني مالها داعي التقليب في الكلام لزيادة القال والقيل والماهترات ...
حن عيال عم ونخدم بعض بدون انتقاااد ومنّــه .....
وانت رجالٍ تعلّــم ولا أنت تتعلـــم ...

تحياتي
عايض السويداني
21-08-2005, 04:49 PM
فارس قحطان ماعليك زوود نفداااك .... وحن خدامين عوال العم



ثاني شي حبيت اضيفه ..... لبن عمي وعزيزي ذيب الليل ......

ياخوي الرجال مااخطا وبعدين علمني متى تبيه يقولها في حررب ؟؟؟ ولا في نهب وغزو ؟؟؟

الحمد لله راح زمانهاااا



وبعدين نفداااك السالفه انتهت يعني مالها داعي التقليب في الكلام لزيادة القال والقيل والماهترات ...
حن عيال عم ونخدم بعض بدون انتقاااد ومنّــه .....
وانت رجالٍ تعلّــم ولا أنت تتعلـــم ...

تحياتي



8
8
8
8
8

بيض الله وجهك يا ابو مانع

كلام وافي منك نفداك