جديد الشيخي(من بعيد اجمل)

[فهد سعود الزهراني]

شهرين مشغول عن غيرك وفاضي لك
احاول افهمـك بالتفصيـل والمجمـل
وارسمك واتفنّـن برسمـك وتشكيلـك
=واعتّقك في زوايـا الذاكـرة واثمـل
واحيا معك وقتي الحاضر واضحي لك
=بالقادم المنتظـر والماضـي المهمـل
ماودي اطفي وهج صوتك بشوفي لـك
=وارجع بحلمٍ كسيـر وجـرح مايدمـل
اتركنـي اعـذب اسورتـك ومنديلـك
=والعقد الالماس والبرفـان والمخمـل
واعوّذك بامّهات الحرز وادعـي لـك
=من باسمه البرق سبّح والرعـد بسمـل
صحيح زينك يشكّل فرق عـن جيلـك
=وان ما كملت انت عمر الزين ما يكمل
لكن ظلمتك وعين العقل ظلمـي لـك
=لو كان فسرتهـا علـى كـذا محمـل
جوري عليك انتصف لك من مقاتيلـك
=يوم احصروك بنطاق العين وانت اشمل
واللي منعني( ل) اجي واقرا تفاصيلك
=احساسي اني اشوفك من بعيد اجمـل
ابراهيم الشيخي=[/poem]

المصدر موقع الشاعر الرسمي
http://www.alshaikhe.com/