المساعد الشخصي الرقمي

مشاهدة النسخة كاملة : قصيدة صوتية(على سنة نبي الله) في ردى النسيب والرفيق


ابو عبدالله المعمري
25-09-2008, 05:24 AM
السلام عليكم ورحمة وبركاتة ..

كما وعدناكم عدنا لكم بقصيدة صوتية للشاعر تركي بن مصلح الأشاعرة بصوته ..


حيث بيّن في القصيدة معاناتة مع أحد أقربائه تسبب له بقصر النصيب بدون سبب صريح للخلاف


وقد وصف في القصيدة معاناته وكيفية تجاوز هذه المشاكل ..


القصيدة بالصوت في الملف المرفق



وهذه كلماتها



على سنّة نبي الله أمشي مستريح البال ,,
ولا أفخر ولا أختال بشيء يعيب جدّاني ,,

وأقول الحق وماني مخاوي (ن) في دنيتي محتال ,,
ولو هو صار من ربعي او واحد من أخواني ,,

أنا أتبرى من إللي يحمل بقلبه ولو مثقال ,,
كبر(ن) أو حسد ماهمّني لو عشت وحداني ,,

أنا أبغى الكفو الوافي إللي بكلمته رجال ,,
يوصيني على التقوى ويشجعني على إحساني,,

ولاني بتبع المقفي ولاني بهادي (ن) كل ضال ,,
على الله موكل (ن) أمري وله بفوض أحزاني ,,

ولاني بنجرف خلف الهروج القيل ويّا القال ,,
بألزم صمتي اللي به أزين باقي اوطاني ,,

ولاني بشايف (ن) نفسي وازكي حضرتي بالحال ,,
أنا مخطيء وأسأل ربي سبحانه غفراني ,,

أنا عزيت نفسي عن ردا وفي دفتري امثال ,,
أرددها وأكررها وأفحم فيها شيطاني ,,

عسى الله يغفر ذنوبي ويعدّل حضّي اللي مال ,,
أنا مابدخل الجنّه عشان الأصل قحطاني ,,

بطهّر زلّتي بذكره لوجه تصدق الأقوال ,,
وبخلّي نيّتي بيضاء وبمحي باقي ألواني ,,

وبوفي لو يكلفني وفاي دنيتي إجمال ,,
خسارة دنيتي ماأعدّها ذا اليوم خسراني ,,

ولاهو يهمّني منصب وأسلوب (ن) وشكل ومال ,,
أنا راضي بقسمة ربيّ وراضي بما أعطاني ,,

وفكري خالي (ن) من كل خطة مثل هالأنذال ,,
ولاني بحاسد شخص (ن) ولاني شخص خوّاني,,

وإذا الغلطه صدرت منّي فعذري أظهره بالحال ,,
ولاني أرجع الكره وأزعل منهو خاواني ,,

ولاني بفتخر بأصلي بفعل (ن) خاسين ميّال ,,
ولاني حارم (ن) روحي سعاده تغمر أحزاني ,,

الا يامن وهبته حب ّصادق ثم جيته ذال ,,
أبي اسقيه منّي صادق الإحساس وخلّاني ,,

تذكر إنك بفعلك خسرت بدنيتك رجّال ,,
يابخت اللي يصونه ويكسبه ويصير ربحاني ,,

مميز في طبوعه وبالأمانه وفعله اللي طال ,,
مشارق والمغارب ومن تبوك لين أقصى نجراني ,,

الا ياحبّ ياقاسي سمعت لهرجة الأنذال ,,
وش اللي غيرك فيني ومكانك وسط أعياني ,,

أنا جيتك عفيف (ن) صادق وضيّفتني بإهمال,,
وش المغزى من فعلك بغدرك كيف تجزاني ,,

تذكر إني الوافي على درب القدا وصّال ,,
مع الخاين أصير أشرس وأعده أعدا عدواني ,,

ولاني بقابل (ن) عذرك ولو عذرك لجرحي زال ,,
انا ماأجبر أحد بالحبّ ولو هو كان يبغاني ,,

عطيتك صدق ودلّعتك ولعّبتك لعب عيال,,
وسكوتي خوفي إنّي بالكلام بيغلط لساني ,,

وكنت أحفظ كتب وأكتب قصايد والبحر هلال ,,
أبي أصبح بقلبك شخص واحد مامعه ثاني ,,

ولكن قسمة الله ذا نصيبي وبيئتي أنذال ,,
ومن يسمع كلام النذل عاش العمر وحداني ,,

تهيّأ للعذاب اللي بيجيك في غيبتي اشكال ,,
تسنّع يالغضي حاول تصحح موقفك ثاني ,,

انا برحل عن عالمك ومافي القلب لو مثقال ,,
حسرة او ندم خلاص أبنساك وإنت إنساني ,,


وسلامتكم جميع ..

آرائكم .؟

مقبل السحيمي
03-10-2008, 01:34 AM
لاهنت ولاشنت

قصيدة جزلة ومؤثرة

وصح لسان قايلها وناقلها

ابو عبدالله المعمري
10-10-2008, 02:12 PM
شاكر مرورك اخوي مقبل

ابن خضير
10-10-2008, 11:44 PM
بسم الله الرحمن الرحيم
السلام عليكم ورحمة الله وبركاته


صح السااااااان قايلها


جااااااااااااااااااااااري التحميل

الله لا يهينك ويعطيك العافيه