الى منتدى قحطان...

[الشريفي]

السلام عليكم ورحمة اللة وبركاتة.

الى جميع الاخوان في منتدى قحطان.

اولا يشكر على من قام على تصميم هذا الموقع الخاص بقبيلة قحطان الكبيرة واتمنى ان يعكس تاريخ

وامجادها امام الزوار والقراء مع العلم ان تاريخها معروف من قديم الزمان لجميع القبائل.


من هنا اقول... وليعلم الجميع ان هذا المنتدى هو واجهة مفتوحة امام الجميع ويمثل قبيلة كبيرة وعريقة ولها تاريخها

الطويل والمعروف فاتمنى من المشرفين والقائمين على هذا الصرح الكبير

الحرص والمتابعة الشديدة لكل ما يكتب والتحقق منة وتعميم المصداقية والبعد عن العشوائية في اختيار

المواضيع...

استقطاب شعراء قحطان المعروفين سيكون لة الاثر الايجابي لاحياء هذا المنتدى وهم

كثيرون واتمنى ان يقدم لهم دعوة عبر المنتدى للحضور والمشاركة....

اخيرا....كثرة الاسماء المستعارة الغير مقبولة الحد منها سيكون من صالح المنتدى لانها ستكتب مالذ وطاب لها

خلف هذا الستار ...اتمنى للجميع التوفيق والنجاح


اخوكم/ الشريفي

[فارس الشواطي]

السلام عليكم


ارررررررررحب يالشريفي يالللللله ان تحييييه
اسعدنا انضمامك معنا
ونتمنى نشوف مواضيعك ومشاركاتك الفعّاله بإذن الله

أخوي كلامك عين العقل وزي ما قلت هالمنتدى يعتبر واجهة مفتوحة امام الجميع ولازم من الحفاظ على هالواجهه
وبرأيي إن الحرص والمتابعه للمواضيع مع المصداقيه هي اهم الدعائم بعد توفيق الله في الارتقاء بشبكتنا شبكة قحطان

ولكن عزيزي عندي بعض الغموض على نقطه أثرتها وهي :

((اخيرا....كثرة الاسماء المستعارة الغير مقبولة الحد منها سيكون من صالح المنتدى لانها ستكتب مالذ وطاب لها
خلف هذا الستار))

ما أدري بالضبط وش تقصد بالغير مقبوله ؟؟؟؟
وبعض النظر يا صاحبي ان كان الاسم صحيح او مستعار فكل المواضيع سوف تكون تحت الرقابه
من قبل مشرفينا وأتوقع ان باقي الاعضاء راح يكونون مشرفين بالملاحظات والمتابعه للمواضيع والتليغ عن الغير لائق من الاطروحات
وسوف يتخذ القرار من قبل الإداره

يا شباب مازلنا فالبدايه وكل اللي نبي هو الدعم والوقفه الصادقه
نبي نشوف نقاشات بنّائه
نبي نشوف أخبار يوميّه
نبي نشوف قصايد .. سوالف .. سعة صدر

الى الآن ما أشوفه تحقق الا الربع وانشالله مع الوقت بتكمل الصوره

اعتذر عن الاطاله
وأكرر ترحيبي فيك يالشريفي وحياك الله بين ربعك وأخوانك

أخوك فارس الشواطي

[حراف]

اقول ولا على الي قبلي قصوووور احب اطرح نقطه مهمه جدا

الحمدلله حن الا الحين في بداية المشوار...ولازم الواحد يشوف اخطاء غيره علشان يتجنبها

والنظر في المنتديات الاخرى ونظر في عيوبها و الابتعاد عن اخطاءهم

من ناحيتي انا ناظرت لبعض المنتديات ((منتديات قبايل)) _بدون ذكر اسامي_ لاحظت شي عجيب

وانا ابي من المشرفين اخذ الحيطه و الحذر منه هو:

الغزل

يتغازلون شباب وفتايات المنتدى بشكل غير مباشر بس يكووون واضح في نظر الجميع

ان هاذي البنت معجبه بهاذا الولد او العكس

فلو سمحوا المشرفين قبل حدوث هذه الاشياء

هذا منتدى قبيله قحطان واجهه لقبايل قحطان ...وغير هذا فيه معصيه لله

فاتمناء اخذ الحرص من هذا الموضوع قبل كل شي

واخذ العقوبات التي تمنع حدووووثها

___واسف على الاطاله ___

اخوكم المحب لقحطان وقبايلها

حراف

[فارس قحطان]

مرحبا بك اخوي الشريفي

وكلامك كله عين العقل


واعتقد ان رد اخوي فارس الشواطي كان ردا كافيا على مقترحاتك

وننتظر وقفتك معنا في هذا الصرح الكبير


اخوك
فارس قحطان

[ابن شويه]

حياك الله يالشريفي

والواجب انا نتساعد مع الادارة للرقي بمنتدانا الغالي

لاهنت

[محمد القويفل]

ارحب ياشريفي

معنا في شبكة قحطان

بس انا مااشوف ان فيها شي اذا كتب الواحد
باسم مستعار
واذا كتب شي غير لائق بيوقف عند حده

تحياتي لك
اخوك القويفل

[فارس قحطان]

هلا والله باخوي حراف

بالنسبه لكلامك ، فما عليك مسوين رقابه مره :)

يعني اي واحد انشوفه يتميلح عندنا مسكناه وعلى الهيئه على طوووول



اخوك
فارس قحطان

[شيخ المهادية]

اررررررررررحب يالشريفي الله ايحييك وما بزيد على كلام الاخوان من الاسم المستعار لان بعض الناس لهم خصوصياتهم وظروفهم الي ما تسمح لهم يسجلون بسماءهم الحقيقيه ومرحبا الف...
ضحكتني يا فارس قحطان على سالفه الهيئه ههههههههههههههههه صار مركز تجاري هذا مهوب منتدى الله ايهديك...

اخوكم شيخ المهادية

[خالد آل مطرف العاطفي]

حياك الله اخوي الشريفي ... الله يحييك بين ربعك واخوانك
ومشكور على الحضور ..

وننتظر ...مشاركاتك ..المفيده ... انشاء الله ...

.................................................. ............................
اخوي الشواطي... بارك الله فيك ..

حراف .. لاتخاف ..الربع ... ..جعلهم ..يسلمون ..منتبهين .. ..لذ ..النقيطه ..


اخــــوكم
اللي .يرحب ..باالشريفي تراحيب المطر
خـــــالـــد