الهـاجري
19-07-2005, 10:31 PM
قصيدة الشاعر الجزل سعد بن مناحي بن شفلوت
((( ابن حبشان )))
أحب التمشيه في كـل ديـره=واحب المشي في جو ٍ خـلاوي
مع نبتـه ونسناسـه وطيـره=دوى اللي مايداويـه المـداوي
أشوف العشب وأستنشق عبيره=وأسلّي ضيقة القلب الشقـاوي
مع خبت من خبوت الجزيـره=خلا ! ماداجه مدوّر وشـاوي
بعيـد مـن القنـوات المثيـره=ومن شوف المصايب والبـلاوي
ومن هذا الزمان ومن دشيـره=هل الدّجه وجلسات القهـاوي
ومن تشويه الأسمـاء الشهيـره=وتبديـل المحاسـن بالمسـاوي
أسـج بخـوة وجيـه ٍ سفيـره=رجال كلهـم فـوق الهقـاوي
هل الخـوّه بالأيـام العسيـره=ولاهم من مـدوّرة الحكـاوي
خفاف نفوس وسيوف شطيـره=وساع صدور مافيهم قصـاوي
نشاما كل منهم فـي ضميـره=يكنّ الخير من قلب ٍ صفـاوي
على اللي ما بعد نـزّل سبيـره=على قطع الفرج دايم جـراوي
من خيار الموديـلات الأخيـره=في اكس ار ٍ كما الحر النداوي
يشق القـاع والأرض الغزيـره=ويرسي مع صعيبات المـلاوي
لا قفّى يشعق القلب بصفيـره=والى اقبل كنّه السيل النحـاوي
بدايـة يومنـا خيـر ٍ وخيـره=مع تيسيـر عـلاّم الخفـاوي
لا صلينا الفجر والضـو نيـره=يدور الكيف والتمر الحسـاوي
دلال نحّـرت جمـر الدهيـره=وبن ٍ يكسر عماس الشفـاوي
وهرجنا فـي شريعتنـا المنيـره=قبل لاشراق في جـو ٍ نقـاوي
وذكرنـا الله عـلاّم السريـره=ولاحدٍ من دعاء ربـه غنـاوي
ولا نذكر على العزبـه قصيـره=لزومٍ نحتسي كـل الدعـاوي
ومن حاف الشغل ما أحد ٍ يديره=وكل ٍ فـي لزومـه مايـراوي
ورزّينا النصع في أعلى الجديره=لين يغدي من الشاطر شـلاوي
وماضي الوقت والخيل المغيـره=لها من بيننا سـوق ٍ غـلاوي
ونذكر من سير الأمجـاد سيـره=فعول اهل المواقف والعـزاوي
مثل فعل المهادي مـع قصيـره=وجدّي يوم صبّحـه العطـاوي
وأبن هادي وأبن هندي وغيـره=وأخوهملا وفجحـان الفـراوي
وهـرج مايجـي فيـه تغييـره=رواية راوي ٍ مـن علـم راوي
قضينا أيام لو ما هـي كثيـره=لكن يِرجِع بها القلب السناوي
ضعيف الراي فيها ما أستشيره=ولا أدري من غلاها كم تساوي
سموم القيض والبـرد وهجيـره=ماتردع لفحة القلب المهـاوي
تعيش الروح في حبـه أسيـره=وقلبي في هواه اصبح فـداوي
وأنا بين القدر شـره وخيـره=قضيت الوقت امال ومنـاوي
لكن ما ينعش القلـب ويثيـره=يكوون البر !! والجوّ الخـلاوي
‘‘ ‘‘ ‘‘ ‘‘
وسلامتكم
((( ابن حبشان )))
أحب التمشيه في كـل ديـره=واحب المشي في جو ٍ خـلاوي
مع نبتـه ونسناسـه وطيـره=دوى اللي مايداويـه المـداوي
أشوف العشب وأستنشق عبيره=وأسلّي ضيقة القلب الشقـاوي
مع خبت من خبوت الجزيـره=خلا ! ماداجه مدوّر وشـاوي
بعيـد مـن القنـوات المثيـره=ومن شوف المصايب والبـلاوي
ومن هذا الزمان ومن دشيـره=هل الدّجه وجلسات القهـاوي
ومن تشويه الأسمـاء الشهيـره=وتبديـل المحاسـن بالمسـاوي
أسـج بخـوة وجيـه ٍ سفيـره=رجال كلهـم فـوق الهقـاوي
هل الخـوّه بالأيـام العسيـره=ولاهم من مـدوّرة الحكـاوي
خفاف نفوس وسيوف شطيـره=وساع صدور مافيهم قصـاوي
نشاما كل منهم فـي ضميـره=يكنّ الخير من قلب ٍ صفـاوي
على اللي ما بعد نـزّل سبيـره=على قطع الفرج دايم جـراوي
من خيار الموديـلات الأخيـره=في اكس ار ٍ كما الحر النداوي
يشق القـاع والأرض الغزيـره=ويرسي مع صعيبات المـلاوي
لا قفّى يشعق القلب بصفيـره=والى اقبل كنّه السيل النحـاوي
بدايـة يومنـا خيـر ٍ وخيـره=مع تيسيـر عـلاّم الخفـاوي
لا صلينا الفجر والضـو نيـره=يدور الكيف والتمر الحسـاوي
دلال نحّـرت جمـر الدهيـره=وبن ٍ يكسر عماس الشفـاوي
وهرجنا فـي شريعتنـا المنيـره=قبل لاشراق في جـو ٍ نقـاوي
وذكرنـا الله عـلاّم السريـره=ولاحدٍ من دعاء ربـه غنـاوي
ولا نذكر على العزبـه قصيـره=لزومٍ نحتسي كـل الدعـاوي
ومن حاف الشغل ما أحد ٍ يديره=وكل ٍ فـي لزومـه مايـراوي
ورزّينا النصع في أعلى الجديره=لين يغدي من الشاطر شـلاوي
وماضي الوقت والخيل المغيـره=لها من بيننا سـوق ٍ غـلاوي
ونذكر من سير الأمجـاد سيـره=فعول اهل المواقف والعـزاوي
مثل فعل المهادي مـع قصيـره=وجدّي يوم صبّحـه العطـاوي
وأبن هادي وأبن هندي وغيـره=وأخوهملا وفجحـان الفـراوي
وهـرج مايجـي فيـه تغييـره=رواية راوي ٍ مـن علـم راوي
قضينا أيام لو ما هـي كثيـره=لكن يِرجِع بها القلب السناوي
ضعيف الراي فيها ما أستشيره=ولا أدري من غلاها كم تساوي
سموم القيض والبـرد وهجيـره=ماتردع لفحة القلب المهـاوي
تعيش الروح في حبـه أسيـره=وقلبي في هواه اصبح فـداوي
وأنا بين القدر شـره وخيـره=قضيت الوقت امال ومنـاوي
لكن ما ينعش القلـب ويثيـره=يكوون البر !! والجوّ الخـلاوي
‘‘ ‘‘ ‘‘ ‘‘
وسلامتكم