سعد بن عدال
09-09-2008, 01:01 AM
كل عام وأنتم بخير
يقوم الضعيف وترتفع هامته ويطيح = على شان خشمه قبل مايرتفع مفروك
على باله إن المرجله تقبل التلقيح = ولا يدري إن الملك لله وهو مملوك
يحسب الرجوله عند الأجواد بالترشيح = يفكر ضعيف الحيل بانها طرب وضحوك
خبل يعتقد بإن الرياح أسرع من الريح = على ظهر حظ أوفر يدور على مبروك
يخفّي على الحاضر خفا ما مضا ويبيح = يكابر لو إنه في عيون البشر منهوك
صدم نفسه بنفسه وأخذ ركلة الترجيح = جمع حصة إفلاسه وحط الفلس في البوك
معه قطعتين سلاح وأظهر لها تصريح = ولكن زناد سلاحه اللي معه مفكوك
يده في المواقف تشتكي كثرة التقريح = تقول إنه أجرم وأصبح بما أرتكب ممسوك
عليه إسم ربي من قسا الناس والتجريح = بنا مملكة حزنه وجنّد حرس لملوك
وعلى كثر ما واجه يبي للغبي توضيح = نسا إن الرصيد أكبر سبب بإفتتاح بنوك
وسلامتكم
يقوم الضعيف وترتفع هامته ويطيح = على شان خشمه قبل مايرتفع مفروك
على باله إن المرجله تقبل التلقيح = ولا يدري إن الملك لله وهو مملوك
يحسب الرجوله عند الأجواد بالترشيح = يفكر ضعيف الحيل بانها طرب وضحوك
خبل يعتقد بإن الرياح أسرع من الريح = على ظهر حظ أوفر يدور على مبروك
يخفّي على الحاضر خفا ما مضا ويبيح = يكابر لو إنه في عيون البشر منهوك
صدم نفسه بنفسه وأخذ ركلة الترجيح = جمع حصة إفلاسه وحط الفلس في البوك
معه قطعتين سلاح وأظهر لها تصريح = ولكن زناد سلاحه اللي معه مفكوك
يده في المواقف تشتكي كثرة التقريح = تقول إنه أجرم وأصبح بما أرتكب ممسوك
عليه إسم ربي من قسا الناس والتجريح = بنا مملكة حزنه وجنّد حرس لملوك
وعلى كثر ما واجه يبي للغبي توضيح = نسا إن الرصيد أكبر سبب بإفتتاح بنوك
وسلامتكم