مشخص الفهري
07-09-2008, 11:59 PM
بسم الله
السلام عليكم
متواضعه
رن الجهاز ودار فكري وفزيت = فزت غريب ٍ غربلته الحلومي
قريت مضمون الجواب وتعزويت = لنا ولد مفلح ,, قوي العزومي
وقع الرساله مثل وقع الدناميت = ليا انفجر في شامخات الرجومي
وفيت ياراعى الرساله وكفيت = يفدونك ضعاف النفوس الرخومي
لاتحسبني ’’ ياحمر العين صديت = ولاسمعت مروجين العلومي
عن واجبي يامحزمي ماتخليت = لاعاش قلب ٍ ماتجيه الهمومي
انا من دلال ’ الحمايا ’ تقهويت = سلم ٍ لربعي من خيار السلومي
والعذر منكم يالسنافي ليا ابطيت = ضاع الجهاز الي يضم الرقومي
ودورت رقمك يارفيقي ودقيت = غير اعتذر خمسة ليال ٍ ويومي
ولاصار ياطير السعد ماتهنيت = كيف اتسلى واتهنى بنومي
ويالادمي لوفي حياتك تعنيت = ترى العنا " مثل الهنا مايدومي
والضيقه الي تشتت الفكر تشتيت = باتي فرجها بين ليله ويومي
عنز على رب المخاليق والبيت = وابشر بفزعة من يسد اللزومي
لاتقول عاصرت الليالي ومليت = من رحمة الله مايعيش محرومي
وترى التكاتف منوتي لوتمنيت = بين الرجال الطيبين القرومي
وبعض الرجال ليازهمته تسليت = تشوف قسمه من خيار القسومي
وعلى ماقال ابن العجي ذايع الصيت = ’’ الي جوابه مثل صقع النجومي ’’
بعض العرب لاهوب حي ٍ ولاميت = بهيمة ٍ والله ,, بخلقه رحومي
واستغفر الله واتعذر ليا اخطيت = مانيب عن زل اللسان معصومي
وصلو على نبع الهدى يوم صليت = عداد مالاحت " بروق الغيومي
وسلامتكم
السلام عليكم
متواضعه
رن الجهاز ودار فكري وفزيت = فزت غريب ٍ غربلته الحلومي
قريت مضمون الجواب وتعزويت = لنا ولد مفلح ,, قوي العزومي
وقع الرساله مثل وقع الدناميت = ليا انفجر في شامخات الرجومي
وفيت ياراعى الرساله وكفيت = يفدونك ضعاف النفوس الرخومي
لاتحسبني ’’ ياحمر العين صديت = ولاسمعت مروجين العلومي
عن واجبي يامحزمي ماتخليت = لاعاش قلب ٍ ماتجيه الهمومي
انا من دلال ’ الحمايا ’ تقهويت = سلم ٍ لربعي من خيار السلومي
والعذر منكم يالسنافي ليا ابطيت = ضاع الجهاز الي يضم الرقومي
ودورت رقمك يارفيقي ودقيت = غير اعتذر خمسة ليال ٍ ويومي
ولاصار ياطير السعد ماتهنيت = كيف اتسلى واتهنى بنومي
ويالادمي لوفي حياتك تعنيت = ترى العنا " مثل الهنا مايدومي
والضيقه الي تشتت الفكر تشتيت = باتي فرجها بين ليله ويومي
عنز على رب المخاليق والبيت = وابشر بفزعة من يسد اللزومي
لاتقول عاصرت الليالي ومليت = من رحمة الله مايعيش محرومي
وترى التكاتف منوتي لوتمنيت = بين الرجال الطيبين القرومي
وبعض الرجال ليازهمته تسليت = تشوف قسمه من خيار القسومي
وعلى ماقال ابن العجي ذايع الصيت = ’’ الي جوابه مثل صقع النجومي ’’
بعض العرب لاهوب حي ٍ ولاميت = بهيمة ٍ والله ,, بخلقه رحومي
واستغفر الله واتعذر ليا اخطيت = مانيب عن زل اللسان معصومي
وصلو على نبع الهدى يوم صليت = عداد مالاحت " بروق الغيومي
وسلامتكم