سطام الحربي
31-08-2008, 01:02 AM
بسم الله الرحمن الرحيم
دول اجنبيه تسأل عن قبيلة حرب ومصر والسعوديه تدلهم
السلام عليكم
ابشركم الأمر بسيط ..
هي قصيدة شاعر عتيبي اسمه طايل الذويبي يثني فيها على قبيلة حرب ومنشوره في منتديات المرقاب الشعبيه والله يرفع مقام الطيبين شروى من تسبب في بزوغ فجر هذه القصيده 0
( وهو الأخ سعد راكان المخلفي الحربي )
يقول الشاعر طايل الذويبي العتيبي الله يطول بعمره الرجال مواقف وهذا موقف يسجل لزميلي 0( سعد بن راكان المخلفي الحربي )
في نقل اخي بعد توفيق الله الي مدينة الطايف وقبل نشر القصيده والتي أعتبرها لقبيلة حرب كافه (ولسعد راكان خاصه )
التمس العذر من الجميع فالكمال لله وحده
أنا البارحه نفسـي تزايـد سرورهـا
كنـي مبشـر لـي بجنـه وحورهـا
زانت وزان الشعر وأجمـل قصايـده
جتنـي قوافيهـا تلاطـم بحـورهـا
وبديت أرتبها علـى شـف خاطـري
وأحرص على الترتيب لحظة صدورها
وأرسلتهـا بالفاكـس للـي يهمنـي
وتبخترت عبر الفضاء فـي عبورهـا
ويوم أستقلت وستوت فـي مسيرهـا
رصد خبير الروس لحظـة مرورهـا
وحاول يترجمهـا وضاعـت دلايلـه
جور الزمن في الروس بيّن فتورهـا
ونادوا سفير الصين يبغـون فزعتـه
شيوعي قليل إيمـان عينـه يدورهـا
مـن خلقتـه ماقـال يـارب ياصمـد
والاخـره جاحـد ومنكـر نشورهـا
يوم إشرحوا له قـال مالـي ومالهـا
يكفيني إن الصين تفخـر بصورهـا
وجاهـم مـن اليابـان حرٍقطـامـي
لارحمـة اليابـان حـزت ظهورهـا
وترجم بعض مضمونهـا ثـم دلهـم
قال أرسلوا للعُرب وخـذوا بشورهـا
ودقوا على بغـداد والغـرب جاوبـت
بنتٍ علـى خـط الصداقـه فجورهـا
قالت هـلا والـروس دولـه تفككـت
وأصحابها الافغـان حنـا صقورهـا
وحنا علـى دجلـه تمشـى جنودنـا
أرزاق والارزاق طـارت طيـورهـا
وضاقت على الروسي طواريف روسيا
وقام يتذكر ويـن سالـف عصورهـا
وبدون نفس أرسل رسالـه لسوريـا
وتعـذره بشـار خايـف شـرورهـا
يقـول أنـا ملـزوم بحـدود دولتـي
عهدٍ عليّ إمشي على الرجل أدورهـا
ودقوا على القدس العزيزه وجاوبـت
قالت عرب ويـن العـرب ياثبورهـا
خمسين عام أصيح وأنخـا جيوشهـا
ما تسمْـع الامـوات داخـل قبورهـا
وإستاذنـوا دار الكنانـه وجـاوبـت
والناس تعرف مصر وشلون دورهـا
وجاهم سفير القاهـره فـي مقرهـم
وساعة قراهـا قـال بانـت نمورهـا
هذي من أرض المملكه مهبط الوحـي
أرض الطهاره ليت حضـي يزورهـا
دقوا على دار السعـود ويجـي لكـم
حـرٍ يوردهـا ويعـرف صـدورهـا
وتعالمـوا حكامنـا عـن مصيرهـا
قالوا قبائل حـرب توفـي شبورهـا
وتجمعوا صبيان حـرب وتشـاوروا
اللابه اللـي فـي شبابـه جذورهـا
إشيوخ في المجلس وعباد في الدجى
ولمصامخ الاخصام تعطـي نحورهـا
أحـرار مافيهـم ردي لجـل يعتـذر
وأختاروا الطارف يمثـل حضورهـا
وساعة وصل قال إنجزوا هاتوا الخبر
مالـي بـدارٍ تعبـد أذنـاب ثورهـا
ورفض يصافحهـم ويأكـل طعامهـم
والارض من خوفه تجنـب عفورهـا
قالوا نبا تقـراء الرسالـه مترجمـه
وش تقصدون بحرب داخل سطورهـا
وليا الصـلاه ابـدا وصلـى وجالهـم
قال إسمعوا للترجمه مـن صدورهـا
هذي قصيده مـن عتيبـي لصاحبـه
ولا تمـدح العتبـان رجـلٍ يبورهـا
يقول في مضمونهـا وافـر الشكـر
لهل الجمايل فـي المدينـه ودورهـا
ينصى سعد راكـان سيـفٍ لعزوتـه
سـاس العلاقـه مايهـدم جسورهـا
من حرب والعـزوه يسمـى مخلفـي
خلـف لربعـه سيـرة ياحبـورهـا
وان جات صعبات المواقيـف سدهـا
لاخشـت الرديـان داخـل جحورهـا
كفـا ووفـا يـوم غيـره تخـاذلـوا
وكلمة نعم تبغى الصميـدع صبورهـا
يوم إتصل بـي قـال وفيـت لازمـك
كنه عطانـي دولـةٍ مـع قصورهـا
تحيتي للشهـم مـن صـادق النبـا
تضفي كمايضفي على الارض نورهـا
من قلب إبـن ثابـت نقيـه وصافيـه
ريح النفل والطيب زاكـي عطورهـا
وختامها منـي صـلاة علـى النبـي
عـداد ماتمـض الليـال وشـهـورها
دول اجنبيه تسأل عن قبيلة حرب ومصر والسعوديه تدلهم
السلام عليكم
ابشركم الأمر بسيط ..
هي قصيدة شاعر عتيبي اسمه طايل الذويبي يثني فيها على قبيلة حرب ومنشوره في منتديات المرقاب الشعبيه والله يرفع مقام الطيبين شروى من تسبب في بزوغ فجر هذه القصيده 0
( وهو الأخ سعد راكان المخلفي الحربي )
يقول الشاعر طايل الذويبي العتيبي الله يطول بعمره الرجال مواقف وهذا موقف يسجل لزميلي 0( سعد بن راكان المخلفي الحربي )
في نقل اخي بعد توفيق الله الي مدينة الطايف وقبل نشر القصيده والتي أعتبرها لقبيلة حرب كافه (ولسعد راكان خاصه )
التمس العذر من الجميع فالكمال لله وحده
أنا البارحه نفسـي تزايـد سرورهـا
كنـي مبشـر لـي بجنـه وحورهـا
زانت وزان الشعر وأجمـل قصايـده
جتنـي قوافيهـا تلاطـم بحـورهـا
وبديت أرتبها علـى شـف خاطـري
وأحرص على الترتيب لحظة صدورها
وأرسلتهـا بالفاكـس للـي يهمنـي
وتبخترت عبر الفضاء فـي عبورهـا
ويوم أستقلت وستوت فـي مسيرهـا
رصد خبير الروس لحظـة مرورهـا
وحاول يترجمهـا وضاعـت دلايلـه
جور الزمن في الروس بيّن فتورهـا
ونادوا سفير الصين يبغـون فزعتـه
شيوعي قليل إيمـان عينـه يدورهـا
مـن خلقتـه ماقـال يـارب ياصمـد
والاخـره جاحـد ومنكـر نشورهـا
يوم إشرحوا له قـال مالـي ومالهـا
يكفيني إن الصين تفخـر بصورهـا
وجاهـم مـن اليابـان حرٍقطـامـي
لارحمـة اليابـان حـزت ظهورهـا
وترجم بعض مضمونهـا ثـم دلهـم
قال أرسلوا للعُرب وخـذوا بشورهـا
ودقوا على بغـداد والغـرب جاوبـت
بنتٍ علـى خـط الصداقـه فجورهـا
قالت هـلا والـروس دولـه تفككـت
وأصحابها الافغـان حنـا صقورهـا
وحنا علـى دجلـه تمشـى جنودنـا
أرزاق والارزاق طـارت طيـورهـا
وضاقت على الروسي طواريف روسيا
وقام يتذكر ويـن سالـف عصورهـا
وبدون نفس أرسل رسالـه لسوريـا
وتعـذره بشـار خايـف شـرورهـا
يقـول أنـا ملـزوم بحـدود دولتـي
عهدٍ عليّ إمشي على الرجل أدورهـا
ودقوا على القدس العزيزه وجاوبـت
قالت عرب ويـن العـرب ياثبورهـا
خمسين عام أصيح وأنخـا جيوشهـا
ما تسمْـع الامـوات داخـل قبورهـا
وإستاذنـوا دار الكنانـه وجـاوبـت
والناس تعرف مصر وشلون دورهـا
وجاهم سفير القاهـره فـي مقرهـم
وساعة قراهـا قـال بانـت نمورهـا
هذي من أرض المملكه مهبط الوحـي
أرض الطهاره ليت حضـي يزورهـا
دقوا على دار السعـود ويجـي لكـم
حـرٍ يوردهـا ويعـرف صـدورهـا
وتعالمـوا حكامنـا عـن مصيرهـا
قالوا قبائل حـرب توفـي شبورهـا
وتجمعوا صبيان حـرب وتشـاوروا
اللابه اللـي فـي شبابـه جذورهـا
إشيوخ في المجلس وعباد في الدجى
ولمصامخ الاخصام تعطـي نحورهـا
أحـرار مافيهـم ردي لجـل يعتـذر
وأختاروا الطارف يمثـل حضورهـا
وساعة وصل قال إنجزوا هاتوا الخبر
مالـي بـدارٍ تعبـد أذنـاب ثورهـا
ورفض يصافحهـم ويأكـل طعامهـم
والارض من خوفه تجنـب عفورهـا
قالوا نبا تقـراء الرسالـه مترجمـه
وش تقصدون بحرب داخل سطورهـا
وليا الصـلاه ابـدا وصلـى وجالهـم
قال إسمعوا للترجمه مـن صدورهـا
هذي قصيده مـن عتيبـي لصاحبـه
ولا تمـدح العتبـان رجـلٍ يبورهـا
يقول في مضمونهـا وافـر الشكـر
لهل الجمايل فـي المدينـه ودورهـا
ينصى سعد راكـان سيـفٍ لعزوتـه
سـاس العلاقـه مايهـدم جسورهـا
من حرب والعـزوه يسمـى مخلفـي
خلـف لربعـه سيـرة ياحبـورهـا
وان جات صعبات المواقيـف سدهـا
لاخشـت الرديـان داخـل جحورهـا
كفـا ووفـا يـوم غيـره تخـاذلـوا
وكلمة نعم تبغى الصميـدع صبورهـا
يوم إتصل بـي قـال وفيـت لازمـك
كنه عطانـي دولـةٍ مـع قصورهـا
تحيتي للشهـم مـن صـادق النبـا
تضفي كمايضفي على الارض نورهـا
من قلب إبـن ثابـت نقيـه وصافيـه
ريح النفل والطيب زاكـي عطورهـا
وختامها منـي صـلاة علـى النبـي
عـداد ماتمـض الليـال وشـهـورها