إعلان..للأهميه أرجو الإطلاع!

[منصور العبدالله]

السلام عليكم ورحمه الله

كيفكم ياشباب وياشيبان وعساكم بخير وعسى الله يبارك لكم في شعبان ويبلغكم رمضان وكل عام وأنتم بخير.

السالفه ومافيها يالربع هي ملاحظتين هامه أرجو العمل بها وعدم نسيانها

أولاً: المواضيع القديمه المرفوعه

ياجماعه الربع ويا خير الربع كثرت هاليومين المواضيع القديمه المرفوعه ويتم رفعها سواء من صاحب الموضوع أو أي

عضو آخر واليوم بالذات لقيت مواضيع كثيره وطبعاً قبلها بس زادت هاليومين شوي وممكن السبب هو رجعه الشباب

وكل واحد يشيك على مواضيعه وشفت مواضيع من 2006 ومن 2007 ومن سته شهور ومن اربعه مرفوعه للصفحه

الأولى وهذا بالطبع يضعف المجلس ويضعف من جودته وتميزة وكذلك لايعطي فرصه للمواضيع الجديده تاخذ حقها

واليوم والله رجعت اكثر من خمسه مواضيع من الصفحه الثالثه وتوها جديده لذلك العضو اللي ينزل موضوع وبعدها

يروح لأكثر من اسبوع فرجاء لايرفع الموضوع بالرد على الأعضاء لأني لاحظت أعضاء نزلوا مواضيعك ويروح

ويجي بعد شهر ويرفع الموضوع ....تكفون بوجهي وبوجيه عشائر المجالس المجاوره لاعاد ترفعون المواضيع

القديمه وصعب نقعد نحذف الردود ونزل وياليل ما اطولك وبصراحه ماودنا نحذف أي رد لأي عضو تقديرا لكم.

ثانياً : الردود الباهته ...البارده ...العاديه

ياشباب والله من جد علشان يكون الموضوع حلو ترى مايحلو الا بالردود والإختلافات والتعليقات الساخنه

والله أزعل وانا احط موضوع واخرتها : شكرا ...يعطيك العافيه...ماقصرت ..وهذي الردود البارده

نبي ردود سنعه وجميله وتعاليق أروع ومثلاً ياتضيف معلومه جديده أو تتكلم عن شيء له علاقه

أو تعاكس العضو اللي نزل موضوع أو تهاوش او تصارخ ...أي شيء بدل من الردود العاديه

وعلى فكره هي عاده تحسب للعضو فاصحاب شكرا واللي دائما ردودهم شكرا وقص ولزق لايهمون

كثير من الأعضاء أو الكتاب بعكس عضو دائما رده مميز وجميل وفيه شيء غير عادي فيكون مهم للكاتب أو

العضو اللي منزل موضوع علشان يعرف وش فلان بيقول أو بيعلق وحتى لو ضحك وتريقه وتحطيم معنويات

( مثل ردود تركي علي بس والله عندي تحطمني وتقول موضوعك مغبر ولاتقول شكرا وتسكت ).

هذا وسلامتكم من كل شر وفي رعايه الله إلى إعلان جديد نتفلسف فيه واتمنى تكون قلوبكم وسيعه وتتحملوني.


-------------------------------------------------------------------------------------------------------------------------------------------------------------------------


أخوكم / منصور العبدالله ( وادي الغلاااااا )

[عبدالهادي ابن مشتح]

الســــــــــلام عليكــــم ورحمــة الله وبركاتــه
وااااااااادي الغـــــــــــــلاااااااااا
أسعــد الله أيامــك بكــل خيــر وبركــة ..
كــلامك عيــن الصــواب وصحيــح تمامــاً ..
واللي لك علــي أقول لك..
علــــــى خشمــــي

[حسين فارس الفحوس]

أقووووووول لاتصرفنـا ... وين مسابقــتكـ ... ؟ ؟ ؟


((((((((( دخلـة غلط )))))))))

فـائق التقدير و الأح ـترام ... حسين فارس الفح ـوس

[عبدالله السحيمي]

علم يا ابو نوااااااااااااااااااااااااااف

وابشر بالي يرضيك:)

اخوك/عبدالله السحيمي

[عبدالله آل عباد]

موضوع جيد تشكر

[عبدالله آل عباد]

^^^^^^^^^^^^^^^^^6

بغيت أرفع ضغطك بالرد ألي فوق


أسمع يا مهندس منصور الله يرحم والديك والسامعين


سالفة رفع المواضيع القديمه هذي سالفه



كل يوم أدخل أنزل لي أقل شي 4 مواضيع وأراسل ألي رفعها

أقوله مايصير ألي أنت سويته حاول أنك ماعاد ترفع المواضيع القديمه

ولا كنك سويت شي

والدعوى يالربع أحترام متبادل

ولا ترو راس مالها قفل والله ماعاد يطلع الموضوع لو تحط تحته عفريته


فنهيب بالاخوه أن يحبو لناس مايحبوه لأنفسهم

والله ياكم من موضوع زي الحلاوى

تعبانين عليها أهلها

مواضيع مفيده ورهيبه وشيقه وماشاء الله

ماكملت 4 ساعات ألى وهي في الصفحه الثانيه

والسبب بعض الاعضاء ألي يرفعون لنا المواضيع القديمه


على كل حال

لو تأخرت يا منصور بعض من الوقت لكان أنا ألي بينزل هذا الموضوع

لأن عندي موضوع حالياً مخزنه على الجهاز

ومدرج فيه الكثير من الضوابط والشروط

تكون نواه لموضوع نسميه ضوابط أو قوانين أو أنظمة أو دستور أو سلوم أستراحة المجالس

توضع بشكل ديمقراطي عن طريق الانتخاب الشعبي أو المجلس المنتخب

لاكن نرقب الاعضاء يعودون

وأبي أطلعك أنت وعيسى أولاً على الموضوع

علشان نتناقش فيه


وعلشان في المستقبل يكون الاعضاء كلهم مشرفين

كل حكم نفسه يعرف ألي له ولي عليه

ولا يعذر أحد بعد هذا الموضوع بالجهل

أشكرك يامهندس منصور

وكمل شركتك متصلين علي ذلحين

وبلغتهم سلامك

[ماجد الخليفي]

رأي صائب

والحقيقة امس شفت موضوع مرفوع وهو من عام 2006

وصاحبه مسجل في 2006 وله 16 موضوع فقط منذ ذلك التاريخ ..!!!

[نواف الحبابي]

كلامكـ من ذهب يا منصور ,,, ومجهود تشكر عليه وما قصرت

وكثره المواضيع القديمه تقلل من حماس الأعضاء في وضع المواضيع الجديدة ,,

أو عدم الرد عليها ,, رد مرتب ,,, والعضو تاعب عليها ,, وقاعد يجيبها من ايميله أو من أي مكان ثاني

وأنـــــا على فكره صارت لي مليون مره من عضو الله يستر علينا وعليه ,, بس بأعلمكم وش يسوي ,, عشان

الملاحظة ,, مثل الموضوع من ,, خلنا نقول 20 رد ,, وهو بيرد الرد رقم 21 يقوم ينسخ من

الرد الأول أو الثاني أو من وسطه ,, ويغير فيه شوي ولا يخليه نفسه في بعض الأحيان ,, ويحط كم رمز ولا سمعه

وهــذي الطريقة ما تمشـــي ,, لا على أي واحد ولا أنـــــــا غلطان

فيا ليت يحاول يجدد ما ينسخ ويمشي ,, عشان لا يقلل من قيمه الموضوع ,, ولو كان ذا فعله بيدل أنه مر على

الموضوع مــــــــــرور الله معــــــــاك ,, ولا أحد يرضى كذا ,, صح ولا لا

ويشهد الله أن قصدي ما هو التشهير أو غيره ولكن لتعم الفائده الجميع

أخوكـم/ نواف بن صالح الحبابي

[محمدابوسلطان]

احسنت
راي واقتراح وطرح رائع

[مشاري بن نملان الحبابي]

أي أوامر تاين يا سي منصور

دحينا تحت أمرك

[نواف الحبابي]

مشــــــــــاري ,, عنده مواهب ,, ما يطلعها إلا وقت الحاجه ,,

خخخخخخخخخخخخخخخخخخخخخخخخخخخ

[العبدي]

يعطيك العافية

:)

(( مناحس ))

[زيد بن جعدنه]

الله يعينا على شروطكم


لاهنت يا منصور وكلام على العين والراس

[زيد بن جعدنه]

:)

امش يا مشاري

قدك تعرف تتحاكا مصري

والله ما انت بهين:)
جني شلك هذا مهب مصري هذا شامي على مصري

[عبدالرحمن المشجري]

ابشـــر بعــزكـ يا ابونواف

وانت تأمر امر .. وكــــــل عام وانتم بخــير


تح ــياتي لكـ ..

[سعيد بن مذي]

عُـــلِـــم نفدااااااك وإبشر باللي يسرّك .. :)

[شامانـ العاطفي]

يعطيك العافية يابو نواف ..

ونشاءالله بنتقيد بها ..

[منصور العبدالله]

السلام عليكم ورحمه الله

والله سعدت بردودكم وتفاعلكم ولو ان بعض الردود تبين انهم متضايقين

وعلى العموم شيء مو لي بل لنا جميع ولصالح الإستراحه وتزيد الإستفاده سواء من المواضيع الجديده

أو الردود الجيده والمهم الحين علمناكم وبعدها مافيه الا سجن وغرامه وممكن تسفير

الله يجزاكم خير ويعطيكم العافيه واسمحوا لي بفك التثبيت فقد وصلت الرساله

تحياتي يا احلا مجلس واحلا أعضاء