توضيح معركة تين

[الهـاجري]

قصـــــــيدة ( معركـــة تيــــن )

نظرا ً لكثرت مغالطة إحدى القبائل وهي الدواسر في معركة تين مع الأشراف فقد تم إستقصاء الحقائق وجمع الأدلة والشهود والبيانات وتم سرد هذه المعركة واسبابها ونتائجها في القصيدة التاليه لكي لايخفى ذلك على علم من يود معرفة الحقيقة بهذا الأمر.

سبحان من كوّن ابن آدم من الطيــــــن
وفضـــــــايله كل النفوس اغمرتها
وخص البشــــــر بالعقل وانزل لهم دين
وبصيرة ٍ للعاقلين ارشــدتـــــها
هيض غرامي قول من كـــان غاويـــن
اللي مواقيــــف الرجال عكستـــها
لاهم بصــــــاحين ٍ ولاهم مجــانيــــــن
يعني كــذا ماثمنـــوا عاقبتــها
والعلم مايثبت بليــا بــراهيـــــــــــــن
لكن غبــــاوه والعقــول افهمتــها
والبكـــره اللــي وسمها يسـار ويمين
ماســــومة ٍ في خدودها ورقبتــــها
ماهوب وســــم ٍ واحـــد ٍ غيـر وسمين
ولولا الوســوم النـــاس منا خذتـــها
والوسم قســم وفوقــه ثبـــات ويمين
ولاخيـــر في اللي هرجتـــــه ماثبتها
وعنـــد الرواه وعند نــاس ٍ فهيميـــن
ماهيـــب غفل ٍ من بغــاها عفتــــها
ماهيــــب موقف بين رجل ٍ ورجليـــن
من صغــــرها بعض العقول اغترتـــــها
وكرّم الســــامع من المنطق الشيـــن
ذيك البغيـــله فيه نـــاس اركبتـــها
ناس ٍ على تزويـــــر لحداث ظاريـــن
اقوالـــهم ينــدا الجبين اعرقتــــها
والسالفه وان كــان فيها غتيــريــن
ولابعد نــاس ٍ تعــرف ونستـــــها
في علمـــــها يدرون ناس ٍ كثيــرين
وعنـــــدي وانـــا الي عارف سالفتـها
الشيخ ابن هـادي ارسل له ذلــوليـن
ومنــدوب واحـد والشليـله عمتـــــها
وخذا الوصـاه اللي بها حرص وذهين
وديــرة بني هاجــر ذلوله نصتـــــها
شرق الحســا ماهوب حول البسـاتين
في ديـرة ٍ عدوانــها مارعتــــــها
ومنصــاه شافي ضد من كان صعبين
ومشورتــه معــروفة ٍ ببركتـــــها
شيـــخ الشيوخ وشيــخ قوم ٍ مسمين
هواجـــــر ٍ عيــــن المعادي ملتـها
هواجــــر ٍ عنـــد القبايــل عزيزيــــن
وكل ٍ درا سياتــــها وحسنتــــــها
وحث الســرا والسيـر حروة اسبوعين
وشـــاف البيـــوت اللي الهواجــــر بنتها
ثم عارضـه خيـــالة الخيـــــــل لدنيين
سبـــور الهواجر للذلول انطحتـــــــها
قالــوا علامـك وانت ويش انت ومنيـن
واجابتــه عـند السبــور اقنعتـــــها
وقال الشليـله مرسـله صوبـكم ليـــن
شـافي ولاغيــره يفـــك اربطتــــها
وعدا على شيــخ القبيله وفي الحين
شليلتــه يمنا الكــــريم اقطعتـــــها
وسلم وقـال العلم ياشيــخ علميــــن
وصــاة ابن هـادي ورد اجوبتــــــــها
وانا الشعـــَرا هادي ٍ ياأحمــرالعيـن
سقـت النجيبــه ليـــن شفـت اقبلتــــها
فرد الســلام وقـــال حييت واهليــن
ورسالتـه صوبــي تفضـــل وهتـــــها
قال الجحـــــادر حاربوا حول عامين
لشـــراف واقــوام القرايـا اتبعتـــها
ويستنـجدونـك يازبــون المـجنيـــــن
لشـــراف في دار الجحـادر بلتـــــــها
وربــعي تبي ردك عسا علمك ايزين
من بعـد ماذنـك للوصــاه اسمعتـــــــها
ورد العقيــــره واخدموها المواليـــن
كرامـــــة ٍ له والربـــوع احظرتـــها
ثم قــال له شافي انجهـز وماشيــن
من السهــل اليــن ناتي احجرتــــــها
في نجـــدة اللي ضايمينه معاديــن
اللي إلى إعتـــــاز الهـــواجر نعتــها
ومر الحســا ثم قــام له حول يومين
للناس مقضــاة الحوايـــج بغتـــــها
وســلاحهم لبيض على فتـــق حدين
والصانـــع البيــطار حــد افتقتــها
وخذوا مزاد المـــا وماكـــان باغين
ومهــــارهم اهـــل الحذايـــه حذتها
وتسعيــن يوم ٍ سيرهم غرب عجلين
من قـــــول ناس ٍ في القصيـــد احسبتــها
وساروا بي هاجر الى الغرب غازين
اليـن وصلــوا تيـــن ومناوشتــــها
وشيخ الهـــواجر قال نبغي مناخين
امراوح ٍ والصبـــــح هي معركتـــــها
وركبـــوا على صفر ٍ تهز الميــادين
وفرسانــها حمـــر الجوخ إلبستـــــها
وفي اليــوم الأول بس عشر وثلاثين
غارت على لشــــراف بمراوحتــــــها
وفي يـــوم ثاني للملاقـــاه ناوين
يوم الهـــــواجر وقحطان اكدرتـــــها
وللمعركـــة وردوا وهــم مستعدين
بمشوك ٍ كن الرعـــــود ارعدتــــها
من فجــر ليـن الوقت بين الصلاتين
متخـالط ٍ بـارودها وغبـرتـــــها
وسلاحـهم لبيض على قبـض ليـدين
والمعركة حدب السيـــوف احسمتـــــها
وعبدالشريف اللي حضر معركة تين
قصيدتـــــه فيما حكاه وسمتـــها
ورمـاه عمــه مايبي قــوله ايبيـــن
والنــاس لابيــاته بتين احفظتــــها
ومحفــوظة ٍ بموثقـات الــدواويـــن
ومحفوظة ٍ بصـــدور نـــاس ٍ روتــها
وبــقول مما قـال لو كان شطريـن
الزبـده اللي قالها وشهرتـــــــها
قـــال التقينا حـن وخيل القحاطين
والخيــــل شجعان الطنــايا حدتـها
وجــاوا الهـواجر مثل ورد ٍ محيمين
بالغـــاره اللي ارضنــا زلزلتــها
ولشــراف لانو عقب ماكان قاسين
وانتـــوا بعد تدرون وش تكملتــــها
وهذا الخبــــر مافيه وحده وثنتين
وشهــودها ووسومـــها بينتــها
ذا المخـتصر وانتوا بذا العلم دارين
ولبيات لاطالــت تقــل اثمرتـــها

الشاعر: مبارك بن سالم آل نويمي الهاجري



واليكم بيتين من قصيدة للشاعر هادي بن سالم القحطاني يرد فيها على الدواسر يقول




بعض العرب تاريخهم بالساني
يومن فالماضي بطولاتهم ماش
مثل الدواسر مالهم فعل بانـي
ماعندهم كود المتايش بني لاش

[المنار]

السلام عليكم ورحمة الله وبركاته :
مشكور اخي العزيز الصالاني ولاهنت
والله قول وفعل في ذمتي يابني هاجر
وقصايد والله في محلها .

[بن جديد]

بيض الله وجهك يالصالاني على هالقصيد

[الريس]

لا هنت يالصالاني ويعطيك العافية.

[العريدي]

تجيب العلم يالصالاني

موضوعك سمين وبيض الله وجهك ..

وترى موهوب كل دوسري زي ماقلت !!

وأشركك ثاني مره ..

[سيف الدواسر]

اقول يا الصالاني اقظب ارظك ولا تجي يم مطاليق الشوارب منت بقدهم
لو تعد بطولات جدانك كلها ما جو لبطولات فخذ من الدواسر
انتم والهواجر دايما تحكونها عند كل امير
وقد جانا واحد من بني عمك منتدانا يقول نفس الكلام اللي قلته وردينا عليه باسلوب محترم وان كانك تبي نتحاور بكلام التاريخ
انا موجود

[ابن وهف]

مشكور

[داحس]

الأخ / سيف الدواسر أذا رجعنا لتاريخ فأنشد عن قائل هذه القصيده


لي ديره من الحصاتين ويسار = ويحدها من قبله حيد الأضلة

رحت انا منها ولا نيب مختار = مير عدوني منزحت كل حله

جحادر مثل التهامي لياثار = أو لاحلو دار حطوها ممله


وللمعلوميه هي لشيخ من شيوخ الدواسر وهو الشيخ محمد بن ملحم الحراجين

[اقلاع السحمه]

أرحب أرحب أرحب أرحب أرحب أرحب أرحب يالصالاني
ولاهنت على القصيده وكفووووووووووو بالهواجر
وصح اللسان قايلها

[يعرب بن قحطان]

الصالاني

من حقك ان تذكر القصيدة التي اوردتها للشاعر هادي بن سالم

اما البيتين الاخيره فلا داعي لذكرها في مجالس قحطان

وكل قبيلة لها الحق ان تقول فعلت وسويت ومثل ما انت تشوف في نفسك وقبيلتك
ايضاُ غيرك يشوف في نفسه وقبيلته . وليس من حقنا الانتقاص من حق الدواسر او غيرهم
واذا انت شايف ملاحظات تستحق الذكر فاذكرها عندهم في منتداهم او في المكان الصحيح

هذا رايي وشكراً

[محمد بن سعود العبيدي]

بيض الله وجهك على هاذ1ا الموضوع كان معكم محمد بن سعود العبيدي من الكويت

[ابن سعران]

الله لا يهينك
على القصيده الطيبه
وبيض الله وجهك
يا الصالاني

[الراحل]

اقول يا الصالاني اقظب ارظك ولا تجي يم مطاليق الشوارب منت بقدهم
لو تعد بطولات جدانك كلها ما جو لبطولات فخذ من الدواسر
انتم والهواجر دايما تحكونها عند كل امير
وقد جانا واحد من بني عمك منتدانا يقول نفس الكلام اللي قلته وردينا عليه باسلوب محترم وان كانك تبي نتحاور بكلام التاريخ
انا موجود

الأخ العزيز / الصالاني...

مليون نعم بك وبربعك يالهاجري و تقولون وتطولون وخيالين علي ذي وعلى غيرها.......

اما بالنسبة لسكين الدواسر فمدري ورا ه مطرطع مع أن الشاعر القحطاني وصفهم بوصف انيق لهم وجاملهم كثيراً!!!!

ولو تدور ياسكين الدواسر عن وصف في الدواسر ما تجد أبلغ من وصف الخلاوي اللي أشهد انه وصفكم أحسن وصف؟؟؟

[القاتل]

مشكور يالصالاني

ونعم بصبيان بني هاجر مطوعه الاعوج

وهذه قصيدة قالها عبد الاشراف او خادمهم بعد هزيمة الاشراف في معركه (( تــيــن )) :

يالله لا تسقي نهار على تين

يوم خذينا يابديع به اقطاع

يوم التقينا حن وخيل القحاطين

كلنا لهم بالمد وافوا لنا الصاع

جونا الهواجر مثل ورد محيمين

قطاعة ماهم يبغون الاطماع

والصفر مثل مغلثات الشياهين

والخيل من ضرب المزاريج خراع

حطيت رجلي في حسين التوامين

وعرضتها من بينهم مثل فراع

كله لاعنى لابسات السباهين

اللي يحطن الخواتم بالاصباع

والاشراف لانوا عقب ماكان قاسين

والشق مايرفاه خمسة عشر باع

ياشيب عيني ليلة الغزو ملفين

لو نجمع العشرين عشاهم الصاع

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

وهذه القصيدة معروفه بين القبايل


لان بعض الرواه يذكرها خطاء في بعض الابيات ......

[ابن سابره]

الله يجعل ابوك في الجنه
ويعطيك العافيه






دندن

[ذيب_ال روق]

ياسيف الدواسر بعد التحيه ياخوي اسمع الله يهديك ونعم بالدواسر ولهم رجال وفرسان وافعال طيبه ولهم تاريخ طيب بس تقول كل جدانا افعالهم ماتجي عند فخذ من الدواسر الاالدواسر كلهم كم فخذ وقحطان ست بطون بفخوذها بتقارن ذولا بذولا حرام مافي مقارنه تقارن ناس سكنوا الوادي بناس حكموا نص الجزيره حرام عليكم يامسلم الظلم شين مابه قصور بكم بس مجرد مقارنه بين قحطان والدواسر لا توجد ابد ابدا ابدا.ولاهنت ياالصالاني على توضيحك.