((تنشدوا فالدائرة للقحاطين**ثم بشروا راعى اللزوم ابلزومه)) للشاعر

[عبدالله حامد الجذع]

بسم الله الرحمن الرحيم

هذه القصيده للشاعر الكبير/ مرير بن عبدالمحسن الحبيل العتيبي مسنده على الشيخ/حناش بن جارالله العرجي وبما ان الشاعر مرير قد امتدح فيها لقبيلة قحطان فقد قام والدي الشاعر/ حامد بن غانم الجذع بالرد عليه.


يقول الشاعر/ مرير الحبيل:


في خاطري ياأهل المواجيب بيتين=في عيال عود ماتغير اسلومه
تنشدوا فالدائرة للقحاطين=ثم بشروا راعى اللزوم ابلزومه
يلقى مطاليق سوات الشياهين=فزعاتهم تجلى عن الكبد لومه
يبشر بربع فالمواجيب وافين=اقروم في وقت تلاشت قرومه
ويحل موضوعه على الكيف ويزين=بذن الولي لو ياصلون الحكومه
مثل ابن جارالله عسى ايامه سنين=اللي عسى المعبود يبطي بيومه
حناش جارالله صعوط المجانين=اللي على الطاله تسوقه عزومه
فعل العبيدي راجح بالموازين=حر ونفسه للنشاما خدومه
عز الخوي في حزة العسر واللين=نفسه على كسب المراجل جزومه
قلت الحقيقه وان بغيتوا براهين=تنشدوا تلقون باقي علومه
رد الشاعر/ حامد الجذع:



يالله يامنزل تبارك وياسين=ياعالم سري خفاه وعمومه
انك تثبتنا على الحق والدين=ومهمومنا يارب تجلى همومه
وتوفق لساني لزين المضامين=والكلمة اللي وافيه ومحكومه
قصيدة فيه الثنا له عناوين=من شاعر فخر لربعه وقومه
شاعر عتيبه يمتدح للقحاطين=ويخص شيخ عاليات وهومه
حناش فعله يرفع الراس ويبين=بعصر به الفزعات شبه امعدومه
لما زهمته قال ذلحين ذلحين=المال يبذل والوجيه امحشومه
ومع الكرم طيبه للاقصى والادنين=هداج تيما ماتوقف جمومه
والطيب في الاجواد يطلع بساتين=تجنيه ياللي زارعه دور يومه
وانتم عتيبه واصلين وعزيزين=ونعم بكم والحق يقنع خصومه
عتيبة الهيلا كعام المعادين=شجعان والتاريخ يظهر نجومه
اعلومنا وعلومكم في الدواوين=صفحات فخر واضحه ومعلومه
يوم السنين الماضيه سلمكم زين=واليوم مجد والقبايل ترومه
هذا ردودي مرسله لاحمر العين=مرير يوم اختصنا في نضومه

[نجم الخليج]

أخي عبدالله الجذع ، بيض الله وجهك ، ووجه الشاعر مرير الحبيل وعزالله ان حناش بن جارالله يستاهل وكفو ، وبيض الله وجه أبوك اللي رد عليه نيابة عن الجميع ، والعتبان كفو ومعروفين ونشكر الجميع ، ونشكر هذا المنتدى الطيب اللي فيه كل طيب من قحطان وغيرهم .

وتقبل تحيات
نجم الخليج

[عبدالله حامد الجذع]

مشكور ولاهنت على المرور يانجم الخليج.

[ابن وهف]

هذه القصيده للشاعر الكبير/ مرير بن عبدالمحسن الحبيل العتيبي مسنده على الشيخ/حناش بن جارالله العرجي وبما ان الشاعر مرير قد امتدح فيها لقبيلة قحطان فقد قام والدي الشاعر/ حامد بن غانم الجذع بالرد عليه.

والنعم بالجميع, يعطيك العافيه اخ عبدالله

[ابن قحطان]

صح لسان ابوك
وكفو والله في حناش

[العريدي]

قصايد واااااااافيه

من قبايل وااااااااااافيه

مشكور على النقل يا بو حااامد

[نداوي]

بيض الله وجهك ووجيهم

[مهدي بن مسفر الحبابي]

بيض الله وجـهـك على نقلك هـذه القصيدتين الجزلتين من شاعرين لهم مكانتهم وغنيان عن التعريف وعن المدح

صح لسان العتيبي على قصيدته


وصح لسان والدنا جميعاََ حامد بن غانم على الراد الجزل والرايع


لقد اعجبتني هذه القصيدتين وبعد أذنك نقلتها إلى منتدى لعتيبيه وانا مشرف به ويشجعنا مثل هذه القصائد


لك خــالص شكري وتـقـديري

[عبدالله حامد الجذع]

لاهنتوا جميعا


واقول للأخ مهدي الحبابي مسموح وتمون .

[عطاالله مطيع ال كناد]

لا هنت يا بو حامد وبيض الله وجهك ولا تبخل علينا بقصايد ابوك

[عبدالله حامد الجذع]

هلا حياك الله يابو مطيع ولاهنت على مرورك .





واقبل تحياتي وسلم لي على شايبك.

[الذيب الاشيب]

لاهنت ياعبد الله على النقل





وصح الله لسان الوالد وصح الله لسان العتيبي ويستاهل حناش

[أبو صقر]

لاهنت على هذه القصيده يابو حامد


وقصيده وافيه

[الشواطي راعي عقدان]

بيض الله وجه من يدورللعلوم الغانمه يتجمل ويجمل ربعه والدنياماتدوم لاحد


راعي الفعل ماهي بغريبه منه جعله يبطي حي وجعل الردي يفداه كسب ونعم


جعل الردي تنكسررجله ولايلقامن يجبرها

[محمد بن زميع البشري]

ارررررررررحب يابو حامد

وصح لسان الشاعر مرير وصح لسان أبوك ,, (( وحناش كفو يستاهل المدح والطيب )) ((والعتيبي وربعه يستاهلون المدح والطيب ))

تحياتي لك

تحياتي لك

تحياتي لك

[جبل بن زيد]

السلام عليكم ورحمة الله وبركاته

صح الله السنت الشعار

وصحت يمناك على نقلها

تقبل وافر التحية