المساعد الشخصي الرقمي

مشاهدة النسخة كاملة : اعط رايك


ابن درعان
14-08-2008, 01:47 AM
http://www.qahtaan.com/works/up/get.php?hash=zdi2esco0k1218621512

يتجدد معكم تواصل معاني الشعر
واليكم هذه القصيدة
التي يعجز اللسان عن وصفها لما فيها من حكم



إنشـد مجـــرب وخـذ رأيـه ولا تنشـد طبـــيـب=الـلــي زمـانــه بـنـيـران الـتـجـارب كـــــــواه

خذهـا نصيحـة صـدوق لكـل قـلـب ٍ لبــــيـــب=نتيجـة الـواقـع الـلـي شــاف والـلـي لـقــــاه

لا تحـتـزم بـالـردي ، ولا تحـطـه صحــــيـــب=لأنـه ردي والـردي غيـر الــــردى وش وراه

الـنـذل مهـمـا تطـيـب بلحيـتـه مــا يطـيــــــب=إذا طبـت بالنـذل جــازاك بـــــردى مــن رداه

جمـالـة ٍ فـيـه تـقـل تطـشـهـا فـــي قـلـــيـــب=لا كاسب ٍ منه خير ولا أنت كاسـب رضـــــاه

وترى الردى من ردي الساس ماهو غريــب=هــاذي هــي القـاعـده والعـفـن هــذا مــــداه

بعـد جميـلـك بوجـهـه ينقـلـب لــك طلـيــــــب=وهـذا ثوابـك عـلـى طيـبـك ، وهــذا جـــــزاه

مـا يفهـم اللـي يقولـون الرجاجـيـل عـيـــــب=وجهـه لحـم ميـر كنـك ناحتـه مــن صـفـــــاه

دايـم وهـو لاويــن زقـمـه ووجـهـه كئـيــــب=تقـول مضـروب مـن بـيـن العـيـون بقـــنـــاه

لـو تمدحـه ضـاق بـه ثوبـه ردي النصــيـــب=لو قلـت يـا زيـن وجهـك ضيـق الله فضـــــاه

إذا بغـى منـك مطلـب جـاك يـهـذب هـذيــــــب=وإذا بغيـتـه عـطـاك بغـيـر وجـهــك قـفــــــاه

وتـرى الـردي عادتـه مـن كـل شـر ٍ قريــــب=مـا ينتهـي عـن رفيقـه ليـن يبـحـث خـفـــــاه

وإذا تـكـلـم كـلامــه حـــادر ٍ لـــه شـعـيــــــب=ودك تسـكـر فـمـه قـبــل الـكــلام بـحـصــــــاه

الله ياجعـلـه بشلـفـاً مـثــل شـلـفـا شـبـيـــــب=أو طلـقـة ٍ مــادرى جتـلـه مــن أي إتـجــــاه

عليـك بالنشـمـي الـلـي يجتـلـد تـقـل ذيـــــــب=لو حدته عـن هـوى نفسـه ظـروف الحيـــــاه

الـلـي يـسـرك وجــوده بالنـهـار الصعـيـــــب=إذا نـزل مسـتـوى الهـابـي طـلـع مسـتــــواه

إذا قلت : تكفـى وقـف باللازمـه مـا يهيــــــب=لأنـه وفـي مـا يعـرف إلاّ الوفـاء مـن وفـــــاه

تـخـب فـيــه المـشـاعـر للـعـلالـي خـبـيـــــب=مــا فـيـه سـلِّـم يــؤدي لـلـعـلا مـــا رقـــــــاه

المرجـلـه مـهـرة ٍ تحـتـه تـشــع السـبـيــــــب=والطيـب مركـب غرامـه والمـراجـل هـــــــواه

صـارت لـه المرجلـه مثـل الذلـول الأديــــــب=الـلـي تـوجــه براكـبـهـا بـأشــارة عـصــــــاه

طـلـق المحـيـا إذا قابـلـك وجـهـن حـبـــــيــب=وإذا توجـهـت بــه حـصّـلـت جـــاه وجـــــــاه

قبالـه أحلـى ، وألـذ مـن العـسـل بالحلـيـــــب=زود ٍ زِيـــــن خـلــقــه زيَّـــــن الله نـــبــــــــاه

واسـع بنايـد معـك مـا هـو قرِّيـب حضــــــيـب=ما يضيق لين المحيط يضيق بالسفـن مــــــاه

يضحك إحجاجه إذا شافـك وصـدره رحيــــــب=مـا هـو ضعـيـف ٍ إذا قابـلـك وجـهـه لـــــــواه

مـن ظـن فيـه الظنـون الطيبـه مــا يخــــيــــب=الـلـي هقـابـه يـبـي يلـقـى ورى مــا هـقــــــاه

هـذا هـو اللـي يثيبـك ، والـردي مـا يثـــيــــب=يـا مبعـد الفـرق ! مابـيـن الثنـيـن إشتـبـــــــاه

عنـدي مثـل حاضـر ٍ بالـذاكـره مــا يغــــــيـــب=قال المثل كل إناء ٍ ينضح حسـب ماحــــتـــواه

وجـه السـعـد لا تسـاوونـه بطـافـي لـهــــــيـــب=بالله يـا نـاس أخيـر النـوم وإلاّ الـصــــــــــلاه
للشاعر: سالم بن مهاوش المخلفي

أبو صقر
14-08-2008, 03:00 AM
مشكور

جزيل الشكر

على النقل

صالح السنحاني
14-08-2008, 11:38 AM
ارحب يابن درعان



إذا بغـى منـك مطلـب جـاك يـهـذب هـذيــــــب=وإذا بغيـتـه عـطـاك بغـيـر وجـهــك قـفــــــاه


الله لا يهينك على هالنقل الرائع

تشكراااااااتي

ابن درعان
14-08-2008, 01:14 PM
مشكور يا ابو صقر و الله لايهينك على المرور

ابن درعان
14-08-2008, 01:16 PM
صالح السنحاني الله لا يهينك على المرور ومشكور وما قصرت يا الذيب

عبدالله بن غفره
15-08-2008, 04:19 AM
نص جميل جداً

ونال على إعجابي بشكل كبير


وبيض الله وجهك وشكراً لك على الإختيار الجزل

عاشق الوطن
15-08-2008, 11:27 AM
ابن درعان

السلام عليكم ورحمة الله وبركاته

نص جميل وأختيار موفق

وفي الحقيقه ان القصيده يعجز اللسان عن وصفها لما فيها من حكم

تحياتي

ابن درعان
15-08-2008, 01:40 PM
مشكورين على مروركم