قصيده من عامر سعيد الوهابي العبيدي طالب في جامعة الملك سعود لمدير جامعة الملك سعود

[دعلان]

ماني بمن ياتي وله شعر منقود شعري يميز بالمعاني والاوزان
شعر ابتدعته من هوى الراس مورود ياليت لي من الشعر لؤلؤ ومرجان
ابدع قصيدي وفيها رجال مقصود تضرب به الامثال للانس والجان
يعرف حقوق الناس ماهو بمقرود له منصب في العلم ماهو بجهلان
استاذي العثمان من ساس وجدود اطيب رجال الجامعة متى لو شان
فعله كريم وله كرامه وله جود قرم من قروم الشجاعة والاحسان
عبد الله الدكتور والخير ممدود في الجامعةحتى وصل لاقصى الاوطان
مديرنا كفو وقدها وقدود ترفع له الرايات في كل الازمان
كلمتك يادكتور من شرط وقيود لو تجمع كل الصحف منت غلطان
الله يجنبك الملامة وكل عود في عين من يحسد مكاريم الانسان
عندي طلب يالاجودي سر محدود بيني وبينك بطلبه وانت قدران
بطلب وتكفى ما تخليني مردود يصيبني هم وغم واحزان
انا تراني من القهر قلبي مضهود امشي وكأني ملتبس فيني اجنان
جارت بي الدنياوترى الحظ مقرود بكل المعاني خانني كل خوان
للجامعه امشي وكني على حيود مجبور لكن ويش اوي بالازمان
يالله يا مطلوب ياخير معبود فرج همومي واكتئابي يارحمن
وختامها صلوا على النبي محمود وصلى عليه الله وجنده والانسان

[عبدالهادي ابن مشتح]

السلام عليكم ورحمة الله وبركاته
أرحـــب يادعلان
صح الله لسان الوهابي
ولاهنت على النقل
دعــلان ..
عدل مشاركتك وادخل على تنظيم قصيده شعريه وافصل بين الابيات بهاذه العلامه =
كي تضفي على المشاركه شكل اجمل وقرائتـاً أسهل
تقبل تحياتي

[سلطان بن دعلان]

بارك الله فيك

[عايض الفهري ابوبندر]

لاهنت يا دعلان


تحياتي

[الظور]

لاهنت يادعلان

القصيده فيها كسور كثيره حاول وجبروا كسورها

[مشاري بن نملان الحبابي]

لاهنت يا دعلان ..

والأخ عامر الوهابي عضو معنا في شبكة قحطان ..

[محمد الداغر]

يعطيك العافيه