عبدالله العبيدي أضغط هنا

[عبدالله بن غفره]

استلم يابو عابد


جاك حرب النجوم وجاك حرب السلاح = ومن بغى المشكله يا خوك يبلى بها
فيه عدً هماج وفيه عدً قراح = ودلتك يالعبيدي جاك شرابها

[عبدالله العبيدي]

الله الله ياسلام يابنن غفره

لحظات

[عبدالله بن غفره]

قد آيست يابو عابد

وقلت أكيد سرى


لكن جابك الله ههههههههه

[عبدالله العبيدي]

مرحبا يابن غفره وخذ كرت السماح = والذياب الضواري حدت انيابها
انت تحت اختبار وياعسى الفكر صاح =واترك الغافلة حذراك تغتابها

[عبدالله العبيدي]

لا والله ماسريت بس الاتصال شوي لك عليه ولاشفت الرد

[عبدالله بن غفره]

مرحبا يابن غفره وخذ كرت السماح = والذياب الضواري حدت انيابها
انت تحت اختبار وياعسى الفكر صاح =واترك الغافلة حذراك تغتابها



صح لسانك

وأستلم طال عمرك

البقا يالمرحب عد ما البرق لا ح = وعد ماسالت الوديان وشعابها
وقفة الرجل ماهي تشبه الأنسداح = جاك مجنون ليلى جاك خطابها

[عبدالله العبيدي]

صح لسانك
واستلم لا خلا ولاعدم


الله إنه يجيرك وين روّح فلاح = ضم ليلي وطلقها ولاجابها
أنت شاعر وليت يلبسوك الوشاح = والجميله تبى اللي يكسب اعجابها

[عبدالله بن غفره]

صح لسانك

واستلم


يالله إنه يجيرك ويش سوى صلاح = صلح الحلقة الأولى وغنابها
لابسين الوشاح وجايبين الرماح = وكم رماحاً تنومس راس قضابها

[سعيد الجهيمي]

الله الله

صحت ألسنتكم

وتابعوا يا القرووووووووووم

[عبدالله العبيدي]

خابرين الكفوف اكرام ماهن شحاح = تشبع الجايع الطاوي ويعلى بها
مير مدري عن اللي يكسرون الجناح = والقضايا تغطيها بجلبابها

[عبدالله بن غفره]

ودنا يالعبيدي ودنا بالصلاح = دار برجالها وديار بهضابها
مرةً في الهجاد ومرةً في الصباح = بين صادق عباد الله وكذابها

[عبدالله بن غفره]

سعيد الجهيمي

لاهنت على المرور يالغالي
وبيض الله وجهك على تواجدك القيم والغير مستغرب


اخوي الغالي
عبدالله العبيدي

صح الله لسانك وبيض الله وجهك

والصلاة حان وقتها

والمعذره على القصور
واللعب معك شرف كبير وناموس
ولقاء آخر بأذن الله


أخوكم

[عبدالله العبيدي]

الليالي تراها يابن غفره كفاح = ياعسى الله يعين ان كشرت نابها
الله أكبر وحيا ياولد عالفلاح = سعد منهو بيوت الله صلابها

[عبدالله العبيدي]

صح لسانك ياعبدالله

ولاقصرت

وفالحقيقة تشرفت باللعب معك واستفدت منك كثيرا

والى اللقاء في طاروق اخر