عليا وأبوزيد الهلالي

[خالد بن حمير الحبابي]

السلام عليكم ورحمة الله وبركاته


هدي لكم هذي القصيدة وهي لعليا عشيقة أبوزيد الهلالي عندما قام بالسفر الى مكان ما


وقد تأخر في السفر وهي قصيدة عبارة عن شوق عليا لابوزيد الهلالي ...








هيـه ياربـع بالعصيـر تقلـلـوا=على ضمر مثل الجريـد النحايلـي
هيـدوا بوصـي معكـم وصـيـة=خفيفـة لاهـل السحـا والجمايلـي
اليـا لفيتـوا أهلكـم وسلمكـم الله=لفيتوا وبتوا في جنـوب الحلايلـي
اذا لفيتـوا أزرق مايـزر هـدومـه=هبيل ويلعـب بالقلـوب الهبايلـي
قولـوا لأبوزيـد عليـا مريـضـة=عليها من الحمى خبيـث الملايلـي
أبوزيـد زلبـات السبايـا مـغـرة=وبنات النضى اخير منهـا فعايلـي
ان جاء الشتاء فقطب على صعصعية=والقيض دور مـن كبـار الثمايلـي
غزاليـة المقـدم جماليـة القفـى=تحبونهـا ياراكبـيـن الرحايـلـي
مردومة الجنبين يازيـن عرضهـا=تجعل على كبد الممـاري غلايلـي
ولا كن وريص المرو من تحت خفها=وريص القطا في محكمات الحبايلي
ولكن بنات البـدو يـدرون ذيلهـا=على ثومة العرقوب غادي جدايلـي
زمـان ندنسهـا وزمـان نحـدهـا=وزمان تزوزي بالرديفيـن حايلـي
حايل ثمان سنين ماترمـح السلـى=ولا ساقها الجمال بيـن الجمايلـي
أبوزيد حب الناس ساعه وينقضـي==وحبـي انـا ويـاك زي العمايلـي
ابوزيد مـل الله مـن مـل قربكـم=واللي مابكى يوم افتراق الحمايلـي
أبوزيد سقـا الله عصيـر لقيتنـي=في تالي السرحه قد الفـي مايلـي
رفعت الغطى من ذبلي ثم رشفتهـا=كما رشفت العطفان باقي الثمايلـي

[سعيد الجهيمي]

السلام عليكم

بيض الله وجهك يا الحبابي الذيب

والله قصيده من اروع ما قرأت
وعباراتها واضح فيها العشق

والله لا يلومها في حب ابو زيد الهلالي

وبغيت اقتبس بعض الابيات وجدها كلها يبيلها اقتباس

الله يجمل حالك على حـــــــــســـــــن الأختيار
وانت وافي ولا تجيب الا السمان
وهذي زيادة نقاط سمعه تستاهلها يا صليب الراس


أخوكـ البشري

[ابن درعان]

مشكور على النقل الله لا يهينك يا الذيب

[خالد بن حمير الحبابي]

سعيد الجهيمي

ابن درعان


شرفني مروركم

[العبدي]

لاهنت يا ابن حمير

تحيّاتي