المساعد الشخصي الرقمي

مشاهدة النسخة كاملة : قصيده جزله بس لللاسف ماعرف صاحبها ياليت تشاركونا


الهـاجري
11-07-2005, 12:08 PM
قصيده اعجبتني ولكن للاسف ماعرفت صاحبها وهي قصيده جزله واتمنى من يعرف صاحبها يخبرنا وله جزيل الشكر



احـــب النـشـامـا وللنـشـامـا عـلــي احـقــوق
.....................اقدر احقوق الخال والضيـف والعانـي
ولا اخــاوي الـداشـر ولا احــب انـــا المـطـفـوق
..................... ولا اصد و المضيـوم يزهـم وينخانـي
ولا ارضـى خنـا الـزلـة ولا اخـطـي عـلـى مخـلـوق
...................... ولا اعارض الجاهل على زلة اللساني
احــب الفـيـاض الخـضـر لا سـيـق فيـهـا الـنـوق
...................... بعد سوقت الفنجـال بـدلال رسلانـي
احــب الـفـيـاض وشـوفـهـا يـبــري المـعـلـوق
...................... ليا عطفـت خلفاتهـا فـوق حيرانـي
احــب الفـيـاض وحبـهـا حــط فـيـنـي افـتــوق
..................... وعسى لايمي في حبها يقـاد عميانـي
واحــب الـمـراجـل والـمـراجـل لـهــا مـعـشـوق
..................... ولا نيب اطيع اللي عن الطيب ينهانـي
ولا احــب انــا النـمـه و الاســرار فــي صـنـدوق
..................... ولا رحت انا اوشي على افلان وفلانـي
اعـــدل كـلامــي واضـبـطــه وازن الـمـنـطـوق
...................... وترى الهرج للرجال ياتيـك برهانـي
تعـرف الرجـل مـن هرجتـه لا حـكـى فــي الـسـوق
..................... يدلك عالى الرجال منطوقـه ان بانـي
ولا بـقـت جــار لـــي ولا احـــب درب الـبــوق
..................... حفضت الحديث اللي على الجار وصاني
واحـــب الـصــلاه وركعـتـيـن مـــع الـشــروق
...................... تساوي كنوز الكـون لامـال ميزانـي
نـهـار الحـسـاب وفـيـه الابـصـار تشـخـص فــوق
..................... نهـار عضيـم فيـه فايـز وخسرانـي
نـهـار احـسـابـه عـســر والـطــاق بالمـطـبـوق
..................... تحت حر صلو الشمس والجسم عرياني
واحــب الـبــداوه وافـخــر بثـوبـهـا المـشـقـوق
.....................احـب البـداوه وافخـر بسلـم جدانـي





تـــــــحـــــــيــــــــاتــــــــي

بن قريان
12-07-2005, 01:43 AM
السلام عليكم ورحمة الله وبركاته شكراً لك اخي الكريم على هذا المشاركة

مهاوي القحطاني
02-10-2007, 11:53 AM
راائعه ونقلك لها أروع

فلاح آل راكان
02-10-2007, 11:59 PM
ارررررررررررحب يا الهاجري

اشهد با الله انها قصيدتن وااااافيه ولاجابها الا واااافي

لك كل الاحترام والتقدير


تقبل مروري

عبدالله الوهابي
03-10-2007, 04:13 AM
بسم الله الرحمن الرحيم


أرحب ويعطيك العافية ، على النقل المميز


وصح لسان قائلها

شامانـ العاطفي
03-10-2007, 05:00 AM
عز الله قصيدة جزلة لكن الشباب مايقصرون بيجيبون لك

راعيها ولاهنت يالهاجري ,,,

ابوفهيدالعاطفي
03-10-2007, 01:03 PM
بسم الله الرحمن الرحيم
السلام عليكم ورحمة الله وبركاته

لاهنت وصح لسانك ولسان قايل القصيدة وان شاء الله نعرف من هو