المساعد الشخصي الرقمي

مشاهدة النسخة كاملة : هـاذي أول مشاركة مني في هذا المجلــس


عبدالهادي ابن مشتح
24-07-2008, 08:16 PM
الســـلام عليكــم ورحمـــة اللـــه وبـركـاتـة
أسعد اللـه مسائكــم جميعـاً بالفـرح والمسرات
هـاذي أول مشاركة مني في هذا المجلــس
قصيـده للشـاعـر / سعد بن جـدلان الأكلبـــي.



الا ياالله ياللي تحـت هيبـة سلطنتـك اسلمـت =لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت =تزودني وفا قـدر العشيـر ووصـل الارحامـي
ولجك الفجر ياليل الذهول اللي علـي اضلمـت= بعرضك واقع الماضي بعيني عـرض الافلامـي
ولهتك يالنديم اللي على صافي وفـاك اضرمـت =بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت =بان السيف سيفي والعصـا والمحـزم احزامـي
عطتني عزلة اخلاصي معك نسيان من نادمـت =كتبتك وانطوت صحفي عليك و جفـت اقلامـي
اباهـي لا ابالـي واتبيسـط كــل ماقـدمـت =اشـب النـار قـدام العـرب واشيـد اخيامي
نهاري حر شمسه يستحي منها لسان الشمـت = وليلي ترقب نجومه ملامـة كـل مـن لامـي
على ضو الكلام اللي كشف عنا ستار الصمـت =عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت =واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمـت =يشوفك بالسهل وانته تشوفه بالسمـا السامـي
كثر ماحن قلبي للونيـس وكثـر مـا درهمـت =فجر صدري حنينـي واتعـب الاقـدام درهامـي
عيون الصد وعيون التجافي حول مهما اكرمـت =تشـوف المجتهـد كسـلان والبنـاي هدامـي
مدام ان جانبك شام لجنابي وانت عنـي شمـت= كثر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت =مرور اكرام تربطـه الكرامـه عنـد الاكرامـي
على شان الخفوق اللي على عرشه قعدت وقمت =حجب عنك الدجى لين اشرقت لك بيض الايامـي
ختام السالفه ياطيـب العشـره كرمـت ودمـت =هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت =يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت =وشفت الفرق في حب الخشوم وحـب الاقدامـي.
.

.
أتمنى أني وفقـت فـي الطرح
تقبلوا تحياتي[/frame]

سعيد الجهيمي
26-07-2008, 01:28 AM
السلام عليكم

يا سلام عليك يا ابن مشتح

واذا هذي اول مشاركه وابداع فنتمنى ان ما تقطعنا منها

والله احسنت لــ الأختيار
لأنه بمجرد تكون القصيده لبن جدلان فأعرف انها الأبداع والشعر الحقيقي


لا هنت

عبدالهادي ابن مشتح
26-07-2008, 08:09 AM
السلام عليكم ورحمة الله وبركاته
سعيد لاهنت على مرورك وردك اللي يثلج الصدر
تقبل تحياتي

العبدي
26-07-2008, 11:39 AM
الله لا يهينك يا ابن مشتح على المشاركة الرّائعة

وصح لسان ابن جدلان

شاعر اكبر من انّي اشيد بشاعريته واعجابي بــ قصائده


تحيّاتي

عبدالعزيز عبدالله الرحبى
26-07-2008, 12:34 PM
بيض الله وجهك على النقل وحسن الاختيار

ودائما مبدع يا عبدالهادى

عبدالهادي ابن مشتح
26-07-2008, 02:34 PM
السلام عليكم ورحمة الله وبركاته
الاخ / العبــدي
ولاهـــان قايــل .. مشكور على المــرور
.
.
الاخ / عبدالعزيز
وبيض الله وجهك ياعبدالعزيز .. مشكور على ردك المحترم
.
.
تقبلوا تحياتي