عبدالله بن غفره ينخى قحطان للتصويت للشاعر خليل بن هدلان

[علي بن مسفرالحبابي]

قصيده كتبها الشاعر عبدالله بن غفره يدعو فيها قحطان للوقوف ومساندة الشاعر خليل بن هدلان بمسابقة شاعر العرب


حنا لبن هدلان بنسدد الدين = دينٍ علينا من طوال اليماني
اهل الفعول اللي نهار الاكاوين =تاريخ بحروف الذهب لقحطاني
خليل بن هدلان نسل المسمين = يزهم عيال مضيم قاصي وداني
يدعي لنا صاحين نقبل مجانين = ونسمع صدى صوته وجانا جناني
حنا هل الفزعه وحنا السلاطين = على الشداد وفوق سرج الحصاني
حنا قحطان مرجحين الموازين = من عصرنا الحالي وماض الزماني
خليل ينخى يالرجال الميامين = قوموا لبن هدلان والعمر فاني


شعر / عبدالله بن غفره العاطفي

[شامانـ العاطفي]

صح لسانك وعلى شانك يا عبدالله ..

قصيدة وافية من وافي ..

ويستاهل خليل والله يوفقة ..

ولاهنت يابو فيصل ..

[مرعي بن دواس الحبابي]

لاهنت يابو فيصل

وابن هدلان يستاهل الفزعه
بيض الله وجهك يابن غفره

صح لسانك

اخوك

[فهد ال سعد]

لاهنت ياعلي الحبابي

وصح الله لسان ابن غفره وبيض الله وجهه

وابن هدلان يستاهل الفزعة

[العبدي]

حنا لبن هـدلان بنسـدد الدّيـن .. دينٍ علينا مـن طـوال اليمانـي

صح لسان ابن غفرة

ويستاهل ابن هدلان الفزعة من ربعه

والقصيدة وضّحت لنا كل شئ

ولاهنت يا بو مسفر

[مبارك بن حاضر]

صح لسان ابن غفره


و يبشر بالسعد ابن هدلان



لاهنت يابو مسفر

[ابن شديد ال مخثله]

لاهنت ياعلي الحبابي وبيض الله وجهك

وصح الله لسان الاستاذ الشاعر/ عبدالله بن غفره وبيض الله وجهه على هذه القصيدة الشامخة... ولاهي غريبة من ابو محمد وافي من وافين ولايجي من الطيبين إلا كل طيب

وابن هدلان شاعر جزل وابن حمولة ومن روس عرب ويستاهل كل علم غانم

وهو في حاجةالفزعة والوقفة معه من بني عمه وهم اهل لها وان شاء الله مايخذلونه

تحياتي للجميع

[سعيد الجهيمي]

السلام عليكم

صح الله لسانك يا ابن غفرهـ

والله قصيدة جزله من رجال كفوووووووووو

وابن هدلان يستاهل العلم الغانم

والله يوفقه هو واللي معه من بني عمنا قحطان

والتصويت ما حن بذاخرين شئ إن شاء الله على الشباب جميع


ولا هنت يا الحبابي والله يجمل حالك على النقل

[عبدالله السحيمي]

حنا لبن هـدلان بنسـدد الدّيـن .. دينٍ علينا مـن طـوال اليمانـي

صح لسانك يا ابن غفــــــره

ويستاهل ابن هدلان التصويت والوقفـــــــــــــــــــــــه


ولاهنت يا ابو فيصل

اخوك/عبدالله السحيمي