رجا بن هجاج
21-07-2008, 05:28 PM
قصيدة نابي بن جايز بن الدفين آل سعيد الشعامل الهاجري والتي يزهم بها النائب الدكتور علي بن حمود آل مركوز الشعامل الهاجري.
ياهجوسي جاوبيني ودي اكتب لي قصيده *** ودي أزهم قايد الميقاف نبراس الحمية
بزهم اللي لا زهمته فار دمه في وريده *** شاش راسه واحتفزلي قال تبشر بالحذيه
بزهم اللي في المراجل مرتفع فيها رصيده *** راعي الفزعات والوقفات تضرب له تحيه
لا وعد كفو المواعد ما يخالف في وعيده *** لا نتهض ليث المواقف وقفته دايم جريه
لا شعامل لا محمد لا هواجر لا عبيده *** نسل سلطان العبيدي في الكويت إلك الرعية
أنت قايدنا بحق وكل قوم وله عقيده *** ياعقيد العزوة اللي ماتوانا في العطية
يا عقيد العزوة اللي فـاللقا دايم شديدة *** وبالرخا تضرب بة الأمثال بالأيد السخية
طالبك تكفا زهمتك ناصيٍ لك يالوليده *** طالبك تكفا زهمتك جارت الدنيا عليه
طالبك تلحق على نفسٍ بقاياها شريدة *** طالبك تلحق عليها دام باقي لي بقيه
آه يا ظلم الظلام وآه يا نار الوقيدة *** تقهر الرجال كثر الغطرسة والعنجهية
نار ظلم لو تجي الاقطاب ذاب بها جليده *** ولو تعرضها على كثر البشر تصبح شويه
ما مشت رجلي ردى ودروبها مني بعيده *** مؤمن بالله حق وتابعٍ سنة نبيه
و إن حصل بحسابهم مني خطا ولا مكيدة *** ليه تحجيم الخطيه وجعلوا منها قضيه
مر عامٍ بين ذل وغبن ويلين الحديدة *** والدعاوي في نجية والحقيقة في نحية
لي متى مدري كذا الأوضاع مافيها جديدة *** تمشي الأيام يوم بيوم والأوضاع سيّه
آه يامر المفارق آه ياكبر الفقيدة *** من ربوع ومن ديارٍ مالي بها مقدرية
آه ياقلب حزين وعين لا ماهي سعيدة *** آه ياكبدٍ كواها الهم كيه فوق كيه
والحقيقه مانرد أمر وقع ربي يريدة *** وماشكيت من التسخط كاتبه رب البرية
راضيٍ باللي حصل لي جعل ربي مايعيده *** و أمر ربي حاصل من خير ولا من بليه
و عارف إن ربي هو الرحمن وارحم من عبيده *** ماغفل عن عبده اللي يطلبه صبح وعشية
و الوكاد اللي أعرفه حق وعلوم وكيدة *** إن ابن مركوز والله قدها لو هي قويه
ببذل الأسباب عند أهل المروات السديدة *** و ماطرالي غير ابن مركوز مشهور الهوية
هاقيٍ بك يا بن عمي عز مجديٍ تستعيده *** ما تخيّب هقوتي بك تبدل الحال الشقيه
وخاتمتها للنبي صلوا صلوات مديده *** عد ماتشوى على جمر القهر كبدٍ طرية
ياهجوسي جاوبيني ودي اكتب لي قصيده *** ودي أزهم قايد الميقاف نبراس الحمية
بزهم اللي لا زهمته فار دمه في وريده *** شاش راسه واحتفزلي قال تبشر بالحذيه
بزهم اللي في المراجل مرتفع فيها رصيده *** راعي الفزعات والوقفات تضرب له تحيه
لا وعد كفو المواعد ما يخالف في وعيده *** لا نتهض ليث المواقف وقفته دايم جريه
لا شعامل لا محمد لا هواجر لا عبيده *** نسل سلطان العبيدي في الكويت إلك الرعية
أنت قايدنا بحق وكل قوم وله عقيده *** ياعقيد العزوة اللي ماتوانا في العطية
يا عقيد العزوة اللي فـاللقا دايم شديدة *** وبالرخا تضرب بة الأمثال بالأيد السخية
طالبك تكفا زهمتك ناصيٍ لك يالوليده *** طالبك تكفا زهمتك جارت الدنيا عليه
طالبك تلحق على نفسٍ بقاياها شريدة *** طالبك تلحق عليها دام باقي لي بقيه
آه يا ظلم الظلام وآه يا نار الوقيدة *** تقهر الرجال كثر الغطرسة والعنجهية
نار ظلم لو تجي الاقطاب ذاب بها جليده *** ولو تعرضها على كثر البشر تصبح شويه
ما مشت رجلي ردى ودروبها مني بعيده *** مؤمن بالله حق وتابعٍ سنة نبيه
و إن حصل بحسابهم مني خطا ولا مكيدة *** ليه تحجيم الخطيه وجعلوا منها قضيه
مر عامٍ بين ذل وغبن ويلين الحديدة *** والدعاوي في نجية والحقيقة في نحية
لي متى مدري كذا الأوضاع مافيها جديدة *** تمشي الأيام يوم بيوم والأوضاع سيّه
آه يامر المفارق آه ياكبر الفقيدة *** من ربوع ومن ديارٍ مالي بها مقدرية
آه ياقلب حزين وعين لا ماهي سعيدة *** آه ياكبدٍ كواها الهم كيه فوق كيه
والحقيقه مانرد أمر وقع ربي يريدة *** وماشكيت من التسخط كاتبه رب البرية
راضيٍ باللي حصل لي جعل ربي مايعيده *** و أمر ربي حاصل من خير ولا من بليه
و عارف إن ربي هو الرحمن وارحم من عبيده *** ماغفل عن عبده اللي يطلبه صبح وعشية
و الوكاد اللي أعرفه حق وعلوم وكيدة *** إن ابن مركوز والله قدها لو هي قويه
ببذل الأسباب عند أهل المروات السديدة *** و ماطرالي غير ابن مركوز مشهور الهوية
هاقيٍ بك يا بن عمي عز مجديٍ تستعيده *** ما تخيّب هقوتي بك تبدل الحال الشقيه
وخاتمتها للنبي صلوا صلوات مديده *** عد ماتشوى على جمر القهر كبدٍ طرية